1. Utapata nini ukiendelea kujifunza Biblia?

Kwa kweli, mafundisho ya musingi ya Biblia ambayo umejifunza katika broshua hii yamekufanya umupende Yehova zaidi. Ni lazima uendelee kujifunza ili upendo wako kwa Yehova usipoe. (1 Petro 2:2) Ili kupata uzima wa milele, ni lazima uendelee kumukaribia Mungu kwa kujifunza Neno lake.—Soma Yohana 17:3; Yuda 21.

Ikiwa unaendelea kuongeza ujuzi wako juu ya mambo ya Mungu, imani yako pia itakuwa nguvu zaidi. Imani hiyo itakusukuma ufanye mambo yanayomupendeza Mungu. (Waebrania 11:1, 6) Itakuchochea utubu na kufanya mabadiliko katika maisha yako.​—Soma Matendo 3:19.

2. Namna gani unaweza kuwasaidia wengine wafaidike pia na mambo ambayo umejifunza juu ya Mungu?

Unaweza kuwa na uhusiano muzuri pamoja na Yehova

Kwa kawaida kila mutu akipata habari njema haichunge kwa ajili yake mwenyewe, kwa hiyo, wewe pia hautakosa kuzungumuzia wengine mambo ambayo umejifunza. Unapoendelea kujifunza Biblia, utakuwa na ufundi wa kuitumia ili kuonyesha kama unamuamini Yehova na kama unaamini ile habari njema.—Soma Waroma 10:13-15.

Watu wengi wanaanza kwanza kuwajulisha marafiki wao na watu wa jamaa yao ile habari njema. Kuliko kuanza kuwaambia kama dini yao ni ya uongo, uwaelezee juu ya ahadi za Mungu. Tena, kumbuka kama mara nyingi watu watavutiwa zaidi na mwenendo wako muzuri kuliko mambo unayowafundisha.—Soma 2 Timotheo 2:24, 25.

3. Unaweza kuwa na uhusiano gani pamoja na Mungu?

Kujifunza Neno la Mungu kutakusaidia ukomae kiroho. Mwishowe, unaweza kuwa na uhusiano muzuri sana pamoja na Yehova. Kwa kweli, Mungu anaweza kukubali uingie katika familia yake.—Soma 2 Wakorintho 6:18.

 4. Namna gani unaweza kuendelea kusonga mbele?

Unaweza kufanya maendeleo ya kiroho ikiwa unaendelea kujifunza Neno la Mungu. (Waebrania 5:13, 14) Omba Shahidi wa Yehova ajifunze Biblia pamoja nawe kwa kutumia kitabu Biblia Inafundisha Kabisa Nini? Kadiri unavyojifunza Neno la Mungu, ndivyo utakavyokuwa na furaha katika maisha yako.—Soma Zaburi 1:1-3; 73:27, 28.

Habari njema inatoka kwa Yehova, Mungu mwenye furaha. Unaweza kumukaribia zaidi kwa kujiunga na watu wake. (Waebrania 10:24, 25) Ikiwa unaendelea kujikaza ili kumufurahisha Yehova, mwishowe utapata ule uzima wa kweli, uzima wa milele. Kwa kweli, kumukaribia Yehova ndilo jambo nzuri zaidi ambalo unaweza kufanya katika maisha yako.​—Soma 1 Timotheo 1:11; 6:19.