Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Biblia Inafundisha Kabisa Nini?

Je, Yesu Alizaliwa Mwezi wa Kumi na Mbili?

Je, Yesu Alizaliwa Mwezi wa Kumi na Mbili?

 NYONGEZA

Je, Yesu Alizaliwa Mwezi wa Kumi na Mbili?

BIBLIA haisemi ikiwa Yesu alizaliwa wakati gani. Hata hivyo, inazungumuzia mambo yanayotusaidia kujua kama Yesu hakuzaliwa mwezi wa kumi na mbili.

Tuzungumuzie hali ya hewa wakati huo wa mwaka huko Bethlehemu, ambako Yesu alizaliwa. Mwezi wa Kislevu kulingana na kalenda ya Wayahudi (mwezi huo unachukua nusu ya mwezi wa kumi na moja na nusu ya mwezi wa kumi na mbili) ulikuwa mwezi wa baridi na mvua. Mwezi unaofuata huo ni mwezi wa Tebethi (mwezi huo unachukua nusu ya mwezi wa kumi na mbili na nusu ya mwezi wa kwanza kwenye kalenda yetu). Huo ndio mwezi uliokuwa na baridi kali sana, mara kwa mara teluji (neige) ilikuwa ikijaa kwenye milima. Acha tuone yale Biblia inasema juu ya hali ya hewa ya eneo hilo.

Ezra aliyekuwa mumoja kati ya waandikaji wa Biblia anaonyesha kama Kislevu ulikuwa mwezi wenye baridi na mvua nyingi. Baada ya kueleza kama watu wengi walikuwa wamekusanyika Yerusalemu “katika mwezi wa 9 [Kislevu] siku ya 20 ya mwezi huo,” Ezra anasema kama watu walikuwa “wakitetemeka . . . kwa sababu ya  manyunyu ya mvua.” Juu ya hali za hewa wakati huo wa mwaka, watu waliokuwa wamekusanyika walisema: ‘Haya ni majira ya manyunyu ya mvua, wala haiwezekani kusimama inje.’ (Ezra 10:9, 13; Yeremia 36:22) Ndiyo sababu wachungaji walioishi karibu na Bethlehemu pamoja na wanyama wao wa kufuga hawakuwa wakibaki inje usiku mwezi wa kumi na mbili ulipofika!

Tunaposoma Biblia tunaona kama usiku ambao Yesu alizaliwa, wachungaji wa kondoo walikuwa katika mashamba wakichunga wanyama wao. Kwa kweli Luka, mumoja wa waandikaji wa Biblia, anaonyesha kama wakati huo wachungaji walikuwa ‘wakiishi inje, wakichunga makundi yao usiku’ karibu na Bethlehemu. (Luka 2:8-12) Unaona kama wachungaji hao walikuwa wakiishi inje, hawakuwa wakitembea-tembea inje wakati wa muchana. Walikuwa na wanyama wao inje usiku. Kama ingekuwa ni mwezi wa kumi na mbili, je, wangeweza kuishi inje wakati wa baridi na mvua huko Bethlehemu? Haingewezekana. Kwa hiyo, matukio hayo ya wakati wa kuzaliwa kwa Yesu yanaonyesha kama hakuzaliwa mwezi wa kumi na mbili. *

Neno la Mungu linatuambia waziwazi wakati Yesu alikufa, lakini halituambie mengi juu ya siku alizaliwa. Hilo linatukumbusha maneno ya Mufalme Sulemani, aliyesema hivi: ‘Jina ni bora kuliko mafuta mazuri, na siku ya kufa kuliko siku ya kuzaliwa kwa mutu.’ (Mhubiri 7:1) Basi, si jambo la kushangaza ikiwa Biblia ina habari nyingi juu ya huduma na kifo cha Yesu lakini haizungumuzii sana juu ya wakati wa kuzaliwa kwake.

[Maelezo ya chini]

^ fu. 1 Ukitaka maelezo zaidi, soma kitabu Kutoa Sababu kwa Kutumia Maandiko, ukurasa wa 275-279, chapa ya 2004, kilichochapishwa na Mashahidi wa Yehova.