Inawezekana kuwa na dunia yenye haina umasikini?

Namna Gani Mungu Ataleta dunia Yenye Haina Umasikini?—Mathayo 6:9, 10

Umasikini sana unafanya mamilioni ya watu wakufe kwa sababu ya kula mubaya na kwa sababu ya magonjwa. Hata kama sehemu fulani za dunia ziko tajiri, watu wengi wangali wanaishi katika umasikini sana. Biblia inaonyesha kama tatizo la umasikini lilianza zamani na linaendelea.—Soma Yohana 12:8.

Ili kumaliza umasikini, inaomba serikali yenye itatawala dunia yote. Serikali kama hiyo inapaswa kuwa na uwezo wa kugawanya mali ya dunia kwa haki na kumaliza vita, kwa maana vita ndio sababu kubwa yenye kuleta umasikini. Mungu ameahidi kuleta serikali hiyo yenye itatawala dunia yote.—Soma Danieli 2:44.

Ni nani anaweza kumaliza umasikini?

Mungu amechagua Mwana wake, Yesu, ili atawale wanadamu wote. (Zaburi 2:4-8) Yesu ataokoa masikini na atamaliza jeuri na tabia ya kuonea wengine.—Soma Zaburi 72:8, 12-14.

Biblia ilitabiri kuwa Yesu ni ‘Mukuu wa Amani,’ ataleta amani na usalama katika dunia yote. Wakati huo, watu wote katika dunia wataishi katika nyumba zao wenyewe, watafurahia kazi ya muzuri, na watakuwa na chakula kingi.—Soma Isaya 9:6, 7; 65:21-23.