Mashahidi wa Yehova wanaamini kama “Andiko lote limeongozwa na roho ya Mungu nalo ni lenye faida.” (2 Timotheo 3:16) Tunatumia Biblia kama muongozo muzuri ili kujifunza juu ya Muumbaji na ili kuishi maisha yenye kuwa na maana.

Biblia inasema hivi: “Ili watu wajue kwamba wewe, ambaye jina lako ni Yehova, Wewe peke yako ndiye Uliye Juu Zaidi, juu ya dunia yote.” (Zaburi 83:18) Kwa hiyo, tunaabudu Yehova Mungu peke yake, na kwa sababu sisi ni Mashahidi wake, tunajikaza kujulisha wengine jina lake la pekee.—Isaya 43:10-12.

Kwa sababu sisi ni Wakristo, tunaamini kama Yesu, “Mwana wa Mungu,” * alikuja duniani na akakuwa Masiya. (Yohana 1:34, 41; 4:25, 26) Kisha Yesu kufa, alifufuliwa na kuenda mbinguni. (1 Wakorintho 15:3, 4) Baadaye alifikia kuwa Mufalme wa Ufame wa Mungu. (Ufunuo 11:15) Ufalme huo ni serikali ya kweli kabisa yenye itarudisha Paradiso katika dunia. (Danieli 2:44) Biblia inasema hivi: “Wapole wataimiliki [watariti] dunia, nao watapata furaha yao tele katika wingi wa amani.”—Zaburi 37:11, 29.

“Wakati wanasoma Biblia, wanaamini kama Mungu anazungumuza nao. Wakati wanapata magumu katika maisha yao, wanatafuta musaada katika Neno la Mungu. . . . Wao wanaona kuwa Neno la Mungu lingali hai.”—Kasisi Mukatoliki Benjamin Cherayath, gazeti Münsterländische Volkszeitung, Ujerumani

Mashahidi wa Yehova wanaamini kama kanuni za Biblia zinaweza kuletea watu faida hata leo. (Isaya 48:17, 18) Kwa hiyo, tunajikaza sana kushika kanuni hizo. Kwa mufano, hatuvute tumbako wala kutumia dawa za kulewesha kwa sababu Biblia inatuambia tuepuke matendo yenye kuchafua akili na mwili wetu. (2 Wakorintho 7:1) Tena, tunaepuka matendo yenye Biblia inakataza waziwazi, kama vile kulewa, matendo ya uasherati, na kuiba.—1 Wakorintho 6:9-11.

^ fu. 5 Biblia inasema tena kuwa Yesu ni ‘Mwana muzaliwa-pekee wa Mungu’ kwa sababu alikuwa wa kwanza kuumbwa, na ni yeye tu ndiye aliumbwa na Yehova moja kwa moja.—Yohana 3:18; Wakolosai 1:13-15.