Mamilioni ya watu katika dunia yote wanatumainia Ufalme wa Mungu. Wanafuata mufano Yesu aliacha, aliyefundisha wafuasi wake wasali hivi: “Ufalme wako uje. Mapenzi yako yafanyiwe, duniani kama mbinguni.”—Mathayo 6:10, Verbum Bible.

Jambo lenye kushangaza ni kwamba, ijapokuwa watu wengi wanapendezwa sana na Ufalme wa Mungu, dini nyingi hazikazie sana Ufalme huo. Kuhusu jambo hilo, mwanahistoria Herbert George Wells alisema kwamba inashangaza kuona kuwa Yesu aliona “lile fundisho aliloita Ufalme wa Mbinguni . . . kuwa la maana sana” lakini kulingana na Wells, fundisho hilo linakosa “maana katika . . . mafundisho ya makanisa mengi ya Kikristo.”

Tofauti na kanisa hizo, Mashahidi wa Yehova wanakazia sana Ufalme wa Mungu. Kwa mufano: Gazeti letu linalochapishwa sana, ambalo unasoma sasa, linachapishwa katika luga 220. Karibu kopi milioni 46 za kila gazeti zinachapishwa, na kwa sababu hiyo gazeti hili ndilo linagawanywa sana katika dunia. Na ujumbe mukubwa wa gazeti hili ni gani? Ona kichwa kikubwa cha gazeti hili: Munara wa Mulinzi Unaotangaza Ufalme wa Yehova.  *

Sababu gani sisi Mashahidi wa Yehova tunajikaza sana hivyo ili kutangaza, ao kujulisha, Ufalme wa Mungu? Sababu moja ni hii: Tunaamini kwamba Ufalme wa Mungu ndio ujumbe mukubwa wa Biblia, kitabu cha maana sana katika dunia. Zaidi ya hilo, tunakubali kabisa kwamba Ufalme wa Mungu ndio utamaliza kabisa matatizo yanayopata wanadamu leo.

Tunapokazia uangalifu juu ya Ufalme wa Mungu, sisi Mashahidi wa Yehova tunajikaza kufuata mufano wa Yesu. Wakati alikuwa duniani, alifanya Ufalme wa Mungu kuwa jambo la maana katika maisha yake na utumishi wake. (Luka 4:43) Sababu gani Yesu aliona Ufalme kuwa wa maana hivyo? Na unaweza kukuletea faida gani? Tunakuomba uchunguze majibu ya Biblia yanayozungumuziwa katika habari zinazofuata.

^ fu. 5 Yehova ni jina la Mungu kama inavyoonyeshwa katika Biblia.