Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Munara wa Mulinzi  |  Mwezi wa 7, 2014

 Kichwa | SABABU GANI MAMBO MABAYA YANAFIKIA WATU WAZURI?

Mambo Mabaya Yanaongezeka Sana!

Mambo Mabaya Yanaongezeka Sana!

Smita, * mwanamuke aliyekuwa na miaka 35 katika muji wa Dhaka, Bangladesh, alijulikana kuwa mutu mwenye upendo na mwenye kuhangaikia wengine. Watu walimujua kuwa mwanamuke kijana mwenye bidii na mwenye furaha aliyetaka kusaidia wengine wajue mambo yenye alijifunza juu ya Mungu. Watu wa familia yake na marafiki wake walihuzunika sana wakati Smita aligonjwa kwa gafula na kufa bila kumaliza juma moja!

James na bibi yake, walikuwa wangali vijana, walikuwa na miaka kati ya 31 na 40. Katika kipindi fulani cha kuchipuka kwa majani, walienda kutembelea marafiki wao katika sehemu iliyo pembeni ya bahari ya Mashariki mwa inchi ya Amerika. Hawakurudi tena nyumbani kwao katika muji wa New York. Walipokuwa katika muji kwenye walitembelea, walifanya aksidenti mbaya ya motokari na kuacha marafiki wao na wafanyakazi wenzao katika huzuni kubwa.

Hauhitaji kuwaza sana ili kuona kwamba mambo mabaya na mateso vinaongezeka sana leo. Vita inaua raia na maaskari pia. Watu wasio na kosa wanauawa na kutendewa vibaya. Aksidenti zenye kuua na magonjwa mabaya sana vinapata watu bila kuchagua miaka yao ao cheo chao katika maisha. Misiba ya asili inafagia vikundi vya watu bila kuchagua. Ubaguzi na ukosefu wa haki ni mambo yenye kuenea sana. Labda wewe pia umekwisha kubaguliwa ao kutendewa bila haki.

Ni jambo la kawaida kuuliza maulizo kama haya:

  • Sababu gani mambo mabaya yanafikia watu wazuri?

  • Mungu ndiye analetea watu mambo kama hayo?

  • Misiba inatokea yenyewe tu, ao inaletwa na wanadamu?

  • Inaweza kuwa Karma, ni kusema, matokeo ya mambo mutu alifanya katika maisha yake ya zamani, yanayomuletea mateso?

  • Ikiwa kuna Mungu mweza-yote, sababu gani hawalinde watu wazuri wasipatwe na mambo mabaya?

  • Kuna wakati watu wataishi bila kupatwa na mambo mabaya na mateso?

Ili kujibu maulizo hayo, ni lazima tuelewe majibu ya maulizo haya mawili ya maana: Sababu gani mambo mabaya yanatokea, na Mungu atafanya nini?

^ fu. 3 Majina yamebadilishwa.