Ona video zinazopatikana

Ona habari zilizo ndani

Furaha ya Kuishi Maisha Mepesi

Furaha ya Kuishi Maisha Mepesi

DANIEL NA MIRIAM walioana katika Mwezi wa 9, 2000 na walikuwa na maisha ya muzuri katika Barcelona, Uhispania. Daniel anaeleza hivi: “Kazi zetu zilituwezesha kula katika restora za muzuri, kusafiri katika inchi zingine, na kuvaa nguo za bei kali. Tulikuwa tunafanya kazi ya kuhubiri kwa ukawaida.” Lakini kisha jambo fulani lilitokea.

Kwenye mukusanyiko wenye ulifanywa katika mwaka wa 2006, Daniel alisikia hotuba moja, na katika hotuba hiyo musemaji aliuliza hivi: “Tunajikaza kufanya yetu yote ili kusaidia wale ‘wanaopelekwa kwenye kifo’ waingie kwenye barabara yenye kuongoza kwenye uzima?” (Methali 24:11) Hotuba hiyo ilieleza kuwa tuko na daraka la kuhubiria watu ujumbe wa Biblia kwa sababu uzima wa watu unategemea ujumbe huo. (Matendo 20:26, 27) Daniel anakumbuka hivi: “Nilijisikia kuwa Yehova alikuwa anazungumuza na mimi.” Pia hotuba hiyo ilisema kama tunakuwa na furaha zaidi wakati tunafanya mengi katika kazi ya Yehova. Daniel alijua kuwa hilo ni kweli kwa sababu aliona namna Miriam mwenye tayari alikuwa painia alikuwa na furaha sana.

Hotuba hiyo iligusa sana moyo wa Daniel na akaamua kama ilikuwa wakati wa kufanya mabadiliko makubwa katika maisha yake. Alianza kutumika saa kidogo, akaanza kufanya kazi ya upainia, na kufikiria namna yeye na Miriam wanaweza kuwa na furaha zaidi ikiwa wanatumikia mahali kwenye kuwa lazima kubwa ya wahubiri wa Ufalme.

WALIPATA KWANZA MAGUMU, KISHA HABARI YENYE KUFURAHISHA

Katika Mwezi wa 5, 2007, Daniel na Miriam waliacha kazi zao na walihamia katika Panama, inchi yenye walikuwa wamekwisha kutembelea. Eneo lao lilifanyizwa na visiwa vingi katika Bocas del Toro Archipelago katika Bahari ya Karibea. Watu wengi wenye kuishi katika eneo hilo ni Waguaymi. Daniel na Miriam walifikiri kuwa feza zenye walikuwa wamechunga zingewasaidia kubakia katika Panama kwa miezi munane hivi.

Walisafiri kwenye visiwa hivyo kwa kutumia mashua [bateau] na kinga. Wanakumbuka wakati walitembeza kinga zao kwa mara ya kwanza kwa kufanya safari ya kilometre 30 hivi kwenye milima wakati wa joto kali. Danieli alichoka sana na alikaribia hata kuzimia. Lakini, familia za Waguaymi zenye walikuta kule ziliwakaribisha sana, zaidi sana wakati Daniel na Miriam walijua maneno fulani ya luga ya eneo hilo. Kisha muda mufupi walikuwa na mafunzo ya Biblia 23.

Ni nini ilitokea wakati walitumia feza zote zenye walikuwa nazo? Daniel anasema hivi: “Tulikuwa na machozi katika macho wakati tulianza kufikiria kurudia Uhispania. Tulihuzunika sana kwa sababu tungeacha mafunzo yetu ya Biblia.” Lakini kisha mwezi moja, walipata habari yenye kufurahisha sana. Miriam anasema hivi: “Tuliombwa kuwa mapainia wa pekee. Tulifurahi sana kwa sababu tuliweza sasa kubakia katika mugawo wetu!”

FURAHA KUBWA YENYE WAMEPATA

Kwa sababu ya mabadiliko yenye yalifanyika katika tengenezo, Daniel na Miriam walipaswa kuacha kuwa mapainia wa pekee katika mwaka wa 2015. Wangefanya nini sasa? Walitumainia ahadi yenye kupatikana katika Zaburi 37:5 yenye kusema hivi: ‘Mukabizi [muachie] Yehova njia yako, na kumutegemea, naye mwenyewe atatenda.’ Walipata kazi yenye ingewategemeza katika kazi ya upainia wa kawaida, na leo wanatumikia katika kutaniko la Veraguas, Panama.

Daniel anasema hivi: “Mbele tutoke Uhispania, hatukukuwa hakika ikiwa tungeweza kuishi maisha mepesi. Leo tumeweza, na hatukose jambo lolote la lazima kabisa.” Ni nini inawaletea furaha kubwa zaidi? Wanasema hivi: “Kusaidia watu wapole wajifunze juu ya Yehova kunaleta furaha kubwa yenye kupita mambo yote!”