Ona video zinazopatikana

Ona habari zilizo ndani

 HABARI KUBWA | SABABU GANI NI MUZURI KUWA MUAMINIFU?

Uaminifu Ungali wa Maana Leo?

Uaminifu Ungali wa Maana Leo?

Hitoshi alitumika katika biro ya kuhesabu feza ya shirika moja la kutafutia watu kazi katika inchi ya Japani. Wakati alikuwa anachunguza hesabu ya feza pamoja na mukubwa wake wa kazi, aliambiwa kama alipaswa kufanya ripoti ya uongo. Hitoshi alifasiria kama zamiri yake haingeweza kumuruhusu akose uaminifu. Kwa hiyo, mukubwa wake wa kazi alimuogopesha kama atafukuzwa kwenye kazi na mwisho akapoteza kazi yake.

Katika miezi yenye ilifuata, Hitoshi alivunjika moyo kwa sababu ya magumu ya kupata kazi. Kwa mufano, wakati fulani alipoulizwa maulizo ili kupewa kazi, alisema kama hawezi kutumika kazi ya kumufanya akose uaminifu. Mutu mwenye alimuuliza maulizo alisema hivi: “Namna yako ya kufikiri ni ya kushangaza!” Familia ya Hitoshi na marafiki wake walimutia moyo aendelee kuwa muaminifu, lakini yeye alianza kuwa na mashaka. Kwa mufano, alisema hivi: “Nilijiuliza ikiwa kubakia muaminifu kwa sababu ya imani yangu lilikuwa wazo la muzuri.”

Mufano huo wa Hitoshi wenye kuhuzunisha unatukumbusha kama haiko kila mutu anaona uaminifu kuwa jambo la maana. Kwa kweli, watu fulani wanaweza kuona uaminifu kuwa kizuizi, zaidi sana katika mambo ya biashara. Mwanamuke mumoja mwenye kufanya kazi katika inchi ya Afrika Kusini alisema hivi: “Ninazungukwa na watu wenye hawako waaminifu, na wakati fulani ninashawishiwa sana kufuata mufano wao.”

Namna moja ya kukosa uaminifu yenye kuenea sana leo ni kusema uongo. Miaka fulani iliyopita, uchunguzi moja wa Robert Feldman, mwanasayansi wa elimu ya mambo ya akili kwenye Masomo ya Juu ya Massachusetts Amherst, ulionyesha kama watu wazima 60 juu ya 100 hivi wanasema uongo karibu mara moja katika mazungumuzo ya dakika 10. Feldman anasema hivi: “Matokeo hayo yalikuwa ya kushangaza sana. Hatukuwazia kama kusema uongo kulienea sana katika maisha ya watu ya kila siku.” Inashangaza kuona kama watu wengi hawapendi kudanganywa lakini wengi wanadanganya, hauone vile?

Sababu gani kusema uongo, kuiba na namna zingine za kukosa uaminifu zimeenea sana leo? Kukosa uaminifu kuko na matokeo gani juu ya maisha ya watu kwa ujumla? Na jambo la lazima zaidi, namna gani tunaweza kuepuka kuangukia katika matendo hayo ya kukosa uaminifu?