Ona video zinazopatikana

Ona habari zilizo ndani

 VITU VYA MAANA SANA VYA HISTORIA YETU

“Tutakuwa na Mukusanyiko Mwengine Wakati Gani?”

“Tutakuwa na Mukusanyiko Mwengine Wakati Gani?”

NI KARIBU na mwisho wa Mwezi wa 11, 1932 katika Muji wa Meksiko. Juma moja mbele ya hapo, taa za kwanza za kutumia umeme zenye kuongoza motokari katika barabara ziliwekwa katika muji huo wenye shuguli nyingi wenye kuwa na watu zaidi ya milioni moja. Lakini sasa habari za taa za barabarani hazikuzungumuziwa tena sana. Watangazaji wa habari wa muji huo walizungumuzia sasa tukio la juma hilo. Walikuja na kamera zao mahali penye treni inasimamia, ili kungojea mugeni wa pekee, Joseph Rutherford, mwenye wakati huo alikuwa musimazi wa Shirika Watch Tower. Mashahidi wa Yehova wa muji huo walikuwa pia hapo ili kukaribisha Ndugu Rutherford, mwenye alikuja ili kuhuzuria mukusanyiko wa kitaifa wa siku tatu.

Gazeti L’Âge d’Or lilisema hivi: “Kwa kweli, mukusanyiko huu utaendelea kukumbukwa katika historia kuwa tukio la maana sana katika kusonga mbele kwa Kweli katika Jamuhuri ya Meksiko.” Lakini ni nini ilifanya mukusanyiko huo kuwa wa maana sana, hata kama ni watu 150 hivi tu ndio walihuzuria?

Mbele ya tukio hilo, kulikuwa ongezeko ndogo la Ufalme katika Meksiko. Kuanzia mwaka wa 1919, mikusanyiko midogo-midogo ilifanywa, lakini hesabu ya makutaniko ilipunguka kabisa katika miaka yenye ilifuata. Kufunguliwa kwa biro ya tawi katika Muji wa Meksiko katika mwaka wa 1929 kulionekana kuwa kutaleta matokeo ya muzuri. Hata hivyo, kulikuwa magumu. Wakati maagizo yalitolewa ili kuacha kuchanga kazi ya kuhubiri na mambo ya biashara, kolportere mumoja mwenye alikasirika aliacha kazi ya kuhubiri na kuanzisha kikundi chake cha kujifunza Biblia. Wakati huohuo, mwangalizi wa tawi alianza kufanya matendo yenye hayapatane na maandiko na alipaswa kubadilishwa. Mashahidi washikamanifu katika Meksiko walikuwa na lazima ya kutiwa moyo kiroho.

Wakati aliwatembelea, Ndugu Rutherford alitia moyo sana Mashahidi hao waaminifu kwa kutoa kwenye mukusanyiko hotuba mbili zenye kuchochea na hotuba tano nzito kwenye radio. Kwa mara ya kwanza, radio za Meksiko zilitangaza habari njema katika inchi yote. Kisha mukusanyiko huo, mwangalizi mupya wa tawi mwenye alikuwa amewekwa alipanga kazi, na Mashahidi wenye bidii walisonga mbele wakiwa na nguvu mupya na baraka ya Yehova.

Mukusanyiko katika mwaka wa 1941, katika Muji wa Meksiko

Mwaka wenye ulifuata mikusanyiko mbili ilifanywa katika inchi, moja katika muji wa Veracruz wenye kuwa pembeni ya bahari na mwingine katika Muji wa Meksiko. Kazi ya bidii yenye ilifanywa katika shamba ilianza kuzaa matunda ya muzuri. Katika mwaka wa 1931 kulikuwa wahubiri 82. Kisha miaka kumi waliongezeka zaidi ya mara kumi! Watu 1000 hivi walikuja katika Muji wa Meksiko katika mwaka wa 1941 kwenye Mukusanyiko wa Kiteokrasi.

“KUSHAMBULIA MABARABARA”

Katika mwaka wa 1943, Wanafunzi wa Biblia walikuwa wanavaa pankarte mbili ili kutangaza Mukusanyiko wa Kiteokrasi wenye kichwa “Taifa Huru” wenye ulifanywa katika miji 12 katika inchi ya Meksiko. * Pankarte  mbili zilikuwa zinabana kwenye mabega yao na kuninginia, moja mbele na ingine nyuma; Mashahidi walikuwa wametumia njia hiyo ya kufanya matangazo tangu mwaka wa 1936.

Gazeti moja la mwaka 1944 lenye picha ya watu wenye kutembea na pankarte katika Muji wa Meksiko

Ili kueleza matokeo ya kutembea na pankarte katika Muji wa Meksiko, gazeti La Nación lilisema hivi: “Siku ya kwanza ya [mukusanyiko], [Mashahidi] waliombwa waalike watu wengi zaidi. Siku yenye ilifuata walikuwa wamejaza mahali pote pa mukusanyiko.” Matokeo ya matembezi hayo hayakufurahisha viongozi wa Kanisa Katoliki, na hilo liliwasukuma wafanye kampanye ya kupinga Mashahidi. Hata kama walipingwa, ndugu na dada wenye hawakuogopa waliendelea kutembea katika mabarabara. Gazeti La Nación lilisema pia hivi: “Muji wote uliwaona . . . wanaume​—na wanawake​—walikuwa wanavaa pankarte ya kufanya matangazo.” Gazeti hilo lilikuwa na picha ya ndugu na dada wenye bidii katika mabarabara ya Meksiko. Chini ya picha hiyo kulikuwa maandishi haya: “Kushambulia mabarabara.”

“VITANDA VIZURI NA VYENYE JOTO KULIKO CHINI KWENYE KUWA SIMA”

Katika miaka hiyo, Mashahidi walipaswa kujitoa sana ili kuhuzuria mikusanyiko midogo yenye ilifanywa katika Meksiko. Wengi walitoka katika vijiji vya mbali, kwenye hakuna njia za treni ao hata mabarabara. Kutaniko moja liliandika hivi: “Jambo moja tu lenye kupita karibu na hapa ni singa za simu.” Kwa hiyo, ndugu na dada walisafiri kwa kutumia nyumbu (mule) kwa siku nyingi ili tu wafike mahali penye wangeweza kukamatia treni ya kuwapeleka katika muji kwenye mukusanyiko utafanywa.

Mashahidi wengi walikuwa masikini, kwa hiyo, ilikuwa vigumu kwao kujilipia safari moja ya kufika kwenye mukusanyiko. Wakati walifika, wengi walibakia katika nyumba za Mashahidi wenzao, waliwakaribisha katika nyumba zao kwa upendo. Wengine walilala katika Majumba ya Ufalme. Wakati fulani, karibu watu 90 hivi wenye walikuja kwenye mukusanyiko walilala kwenye Beteli, huko “kila mutu alikuwa na kitanda chenye kufanywa na karto 20 za vitabu zenye kupangwa muzuri.” Kitabu cha Mwaka, kilisema kuwa wageni hao waliona kuwa hivyo vilikuwa “vitanda vizuri na vyenye joto kuliko chini kwenye kuwa sima.”

Mashahidi hao wenye shukrani waliona kuwa mikusanyiko ya Kikristo yenye furaha ilileta faida kubwa kuliko namna walijitoa. Leo, hesabu ya wahubiri katika Meksiko inaendelea kuongezeka, karibu kufikia milioni moja, na roho hiyo ya shukrani ingali inaendelea kuonyeshwa. * Ripoti moja ya tawi ya mwaka wa 1949 kutoka Meksiko ilisema hivi juu ya ndugu na dada: “Magumu yenye walipata hayakupunguza bidii yao juu ya kweli kwa sababu wanazungumuzia kwa muda murefu kila mukusanyiko wenye tumefanya na ulizo lenye ndugu wanaendelea kujiuliza ni, Tutakuwa na mukusanyiko mwengine wakati gani?” Mambo yenye ripoti hiyo ilionyesha yanafanyika pia leo, kama vile ilikuwa zamani.​—Kutoka katika vitu vya maana vya historia yetu vya Amerika ya Kati.

^ fu. 9 Kulingana na Kitabu cha mwaka wa 1944, mukusanyiko huo “ulifanya Mashahidi wa Yehova wajulikane sana katika inchi ya Meksiko.”

^ fu. 14 Katika Meksiko katika mwaka wa 2016 watu 2 262 646 walihuzuria ukumbusho.