Ona video zinazopatikana

Ona habari zilizo ndani

 HABARI YA KUJIFUNZA YA 29

“Muende . . . Mufanye Wanafunzi”

“Muende . . . Mufanye Wanafunzi”

“Kwa hiyo, muende, na mufanye wanafunzi kutoka kwa watu wa mataifa yote.”​—MT. 28:19.

WIMBO 60 Ni Uzima Kwao

KIFUPI CHA HABARI *

1-2. (a) Kulingana na amri ya Yesu yenye kuwa katika Matayo 28:18-20, kazi kubwa ya kutaniko la Kikristo ni gani? (b) Tutazungumuzia maulizo gani katika habari hii?

MITUME walipaswa kuwa walifurahi sana wakati walikusanyika ku mulima. Kisha kufufuliwa kwake, Yesu alikuwa amefanya mipango ili akutane nao pale. (Mt. 28:16) Pengine wakati huo njo “alitokea ndugu zaidi ya mia tano (500) kwa wakati mumoja.” (1 Ko. 15:6) Juu ya nini Yesu aliomba wanafunzi wake wakuje ku mukutano huo? Juu ya kuwapatia kazi yenye kufurahisha. Aliwaambia hivi: “Kwa hiyo, muende, na mufanye wanafunzi kutoka kwa watu wa mataifa yote.”​—Soma Matayo 28:18-20.

2 Wanafunzi wenye walisikia ile maneno ya Yesu wakakuwa sehemu ya kutaniko la Kikristo la wakati wa mitume. Kazi kubwa ya kutaniko hilo ilikuwa kufanya watu wengi zaidi wakuwe wanafunzi wa Kristo. * Leo, kuko makumi ya maelfu ya makutaniko ya Wakristo wa kweli mu dunia yote, na kazi kubwa ya ile makutaniko inabakia ileile. Katika habari hii, tutazungumuzia maulizo ine: Juu ya nini kazi ya kufanya wanafunzi ni ya maana sana? Kazi hiyo inaomba tufanye mambo gani? Wakristo wote wanasaidia katika kazi ya kufanya wanafunzi? Na juu ya nini tunapaswa kuonyesha uvumilivu katika kazi hiyo?

 JUU YA NINI KAZI YA KUFANYA WANAFUNZI NI YA MAANA SANA?

3. Kulingana na Yohana 14:6 na 17:3, juu ya nini kazi ya kufanya wanafunzi ni ya maana sana?

3 Juu ya nini kazi ya kufanya wanafunzi ni ya maana sana? Juu ni wanafunzi wa Kristo tu njo wanaweza kuwa marafiki wa Mungu. Tena, wale wenye wanamufuata Kristo wako na maisha ya muzuri leo na wako na tumaini la kupata uzima wa milele wakati wenye kuja. (Soma Yohana 14:6; 17:3.) Kwa kweli, Yesu ametupatia kazi ya maana, lakini hatuifanye sisi wenyewe. Mutume Paulo aliandika hivi juu yake mwenyewe na juu ya wafanyakazi fulani wenzake: “Sisi ni wafanyakazi pamoja na Mungu.” (1 Ko. 3:9) Hilo ni pendeleo kubwa lenye Yehova na Yesu wamepatia wanadamu wenye hawakamilike!

4. Mufano wa Ivan na Matilde unaweza kutufundisha nini?

4 Kazi ya kufanya wanafunzi inaweza kutuletea furaha kubwa. Fikiria mufano wa Ivan na bibi yake Matilde, katika inchi ya Kolombia. Walihubiria kijana mumoja mwanaume mwenye kuitwa Davier. Aliwaambia hivi: “Ninapenda kufanya mabadiliko katika maisha yangu, lakini nimeshindwa.” Davier alikuwa anacheza muchezo wa ngumi ili kupata feza, alikuwa anatumia dawa za kulewesha, alikuwa anakunywa pombe sana, na alikuwa anaishi na Erika, rafiki yake mwanamuke. Ivan anasema hivi: “Tulianza kumutembelea katika kijiji cha mbali kwenye alikuwa anaishi, kwa hiyo tulipaswa kutembeza kinga saa za mingi katika barabara za matope. Wakati Erika aliona kama Davier alifanya mabadiliko katika tabia na mawazo yake, yeye pia alianza kujifunza Biblia.” Kisha wakati fulani, Davier aliacha kutumia dawa za kulewesha, aliacha kunywa pombe sana na kucheza muchezo wa ngumi. Pia alimuoa Erika kulingana na sheria. Matilde anasema hivi: “Wakati Davier na Erika walibatizwa katika mwaka wa 2016, tulikumbuka kama Davier alizoea kusema hivi: ‘Ninapenda kubadilika lakini nimeshindwa.’ Tulikuwa wenye furaha sana mupaka tukalia.” Kwa kweli, tunasikia furaha sana wakati tunasaidia watu wakuwe wanafunzi wa Kristo.

KAZI YA KUFANYA WANAFUNZI INAOMBA TUFANYE MAMBO GANI?

5. Hatua ya kwanza yenye tunafanya katika kazi ya kufanya wanafunzi ni gani?

5 Hatua ya kwanza yenye tunafanya katika kazi ya kufanya wanafunzi ni ‘kutafuta’ watu wenye wanapenda kujifunza juu ya Yehova. (Mt. 10:11) Tunaonyesha kabisa kama tuko Mashahidi wa Yehova wakati tunahubiria watu wote wenye tunakutana nao. Tunaonyesha kama tuko Wakristo wa kweli wakati tunafuata amri ya Kristo ya kuhubiri.

6. Tunapaswa kufanya nini ili tupate matokeo ya muzuri katika kazi ya kuhubiri?

6 Watu fulani wako tayari kujifunza juu ya kweli za Biblia, lakini wengi wenye tunakutana nao wanaweza kuonekana kwanza kuwa hawapendezwe. Pengine tunapaswa kuwachochea wapendezwe. Ili tupate matokeo ya muzuri katika kazi yetu ya kuhubiri, tunapaswa kujitayarisha muzuri. Uchague habari fulani zenye zinaweza kupendeza watu wenye unakutana nao. Kisha, upange namna utaanzisha mazungumuzo juu ya kila habari.

7. Namna gani unaweza kuanzisha mazungumuzo na mutu fulani, na juu ya nini unawaza kama ni jambo la maana kusikiliza mutu na kuheshimia mawazo yake?

7 Kwa mufano, unaweza kuuliza musikilizaji wako hivi: “Ninaweza kukuuliza mawazo yako juu ya jambo fulani? Magumu mingi yenye tuko nayo leo inapata watu mu dunia yote. Unawaza kama tuko na lazima ya serikali moja ya kutawala dunia yote ili kumaliza magumu yote?” Kisha, unaweza kuzungumuzia andiko la Danieli 2:44. Ao unaweza kumuambia jirani yako hivi: “Unawaza njia ya muzuri ya  kufundisha watoto wakuwe na tabia za muzuri ni gani? Ningependa kujua mawazo yako.” Kisha, uzungumuzie Kumbukumbu la Torati 6:6, 7. Hata kama unachagua kuzungumuzia habari gani, fikiria watu wenye watakusikiliza. Wazia faida zenye watapata wakati wanajifunza mambo yenye Biblia inafundisha kabisa. Wakati unazungumuza nao, ni jambo la maana uwasikilize na uheshimie mawazo yao. Ukifanya vile, utawaelewa muzuri, na inawezekana kabisa kama watakusikiliza.

8. Juu ya nini tunapaswa kuendelea kurudilia watu?

8 Mbele mutu aamue kujifunza Biblia, inaweza kuomba utumie wakati mingi na ufanye bidii ili kumurudilia. Sababu gani? Kwa sababu pengine watu hawatakuwa ku nyumba ao hawatakuwa tayari kuzungumuza na sisi wakati tunawatembelea kwa mara ya kwanza. Pia, inaweza kuomba urudilie mutu mara mingi mbele akuwe tayari kukubali funzo la Biblia. Kumbuka kama mara mingi mumea unakomaa wakati tunaumwangia maji kwa ukawaida. Vilevile, mutu mwenye kupendezwa atamupenda Yehova na Kristo zaidi wakati tunazungumuza naye kwa ukawaida juu ya Neno la Mungu.

WAKRISTO WOTE WANASAIDIA KATIKA KAZI YA KUFANYA WANAFUNZI?

Mashahidi katika dunia yote wanasaidia katika kazi ya kutafuta watu wenye kustahili (Picha hizi zinapatana na fungu la 9-10) *

9-10. Juu ya nini tunaweza kusema kama kila muhubiri anasaidia katika kazi ya kutafuta watu wenye wanapenda kuwa wanafunzi?

9 Kila muhubiri anasaidia katika kazi ya kutafuta watu wenye moyo muzuri. Tunaweza kufananisha kazi hiyo na kazi ya kutafuta mutoto mwenye amepotea. Namna gani? Fikiria mufano huu wa jambo lenye lilitokea kabisa: mutoto mumoja mwanaume wa miaka tatu alipotea. Watu karibu 500 walisaidia kutafuta ule mutoto. Mwishowe, saa makumi mbili hivi kisha ule mutoto kupotea, mutu mumoja mwenye alijitolea alimupata mu shamba la mihindi. Mutu huyo alikataa kusifiwa juu ya kumupata  ule mutoto. Alisema hivi: “Ni mamia ya watu njo walifanya kazi pamoja ili kumupata.”

10 Watu wengi wako kama ule mutoto. Wanajisikia kuwa wamepotea. Hawana tumaini, kwa hiyo wanapenda mutu fulani awasaidie. (Efe. 2:12) Sisi wote zaidi ya milioni munane tunasaidia kutafuta watu hao wenye kustahili. Pengine wewe hautapata mutu wa kujifunza naye Biblia. Lakini, wahubiri wengine wenye kuhubiri katika eneo lilelile wanaweza kupata mutu fulani mwenye anapenda kujifunza kweli ya Neno la Mungu. Wakati ndugu ao dada fulani anapata mutu mwenye anafikia kuwa mwanafunzi wa Kristo, kila mutu mwenye alisaidia katika kazi ya kutafuta iko na sababu ya muzuri ya kufurahi.

11. Hata kama hauna funzo la Biblia, ni katika njia zingine gani unaweza kusaidia katika kazi ya kufanya wanafunzi?

11 Hata kama kwa sasa hauna funzo la Biblia, unaweza kusaidia katika kazi ya kufanya wanafunzi katika njia zingine. Kwa mufano, unaweza kukaribisha wapya na kufanya nao urafiki wakati wanakuja ku Jumba la Ufalme. Kama unafanya vile, unaweza kuwasaidia waamini kabisa kama upendo unatutambulisha kuwa Wakristo wa kweli. (Yoh. 13:34, 35) Majibu yenye unatoa wakati wa mikutano, hata kama ni ya mufupi, inaweza kufundisha wapya wenye wanajiunga na sisi wajue namna ya kueleza imani yao katika maneno yenye kutoka mu moyo na yenye kuonyesha heshima. Pia, unaweza kusindikiza muhubiri mupya katika mahubiri na kumusaidia atumie Maandiko ili kufikiri na watu. Kwa kufanya vile, utamufundisha amuige Kristo.​—Lu. 10:25-28.

12. Tunapaswa kuwa na uwezo wa pekee ili kufanya wanafunzi? Fasiria.

12 Hatupaswe kuwaza kama tunapaswa kuwa na uwezo mbalimbali wa pekee ili kufundisha wengine wakuwe wanafunzi wa Yesu. Juu ya nini? Fikiria mufano wa Faustina, mwenye anaishi katika inchi ya Bolivia. Hakukuwa anajua kusoma wakati alikutana na Mashahidi wa Yehova kwa mara ya kwanza. Kuanzia wakati huo, amejifunza kusoma kidogo. Leo iko mwenye kubatizwa, na anafurahia kufundisha wengine. Kwa kawaida, anaongoza mafunzo tano ya Biblia kila juma. Hata kama Faustina hajajua kusoma muzuri kama wanafunzi wake wengi, amesaidia watu sita wafikie kubatizwa.​—Lu. 10:21.

13. Hata kama tuko na mambo mingi sana ya kufanya, tunaweza kupata faida gani fulani katika kazi ya kufanya wanafunzi?

13 Wakristo wengi wako na mambo mingi ya kufanya kwa sababu wako na madaraka mingi ya kutimiza. Lakini, wanapanga wakati ili kuongoza mafunzo ya Biblia, na kufanya vile kunawaletea furaha sana. Fikiria mufano wa Melanie wa inchi ya Alaska. Alikuwa analea yeye mwenyewe mutoto wake mwanamuke wa miaka munane. Pia, alikuwa na kazi yenye  ilimukamata wakati wote na alikuwa anasaidia kuhangaikia baba yake mwenye alikuwa na kansere. Melanie tu njo alikuwa Shahidi katika muji wake wa mbali. Alikuwa anapenda kupata mutu fulani mwenye angeweza kujifunza naye Biblia. Kwa hiyo, alikuwa anasali kwa ukawaida ili kupata nguvu ya kuenda ku mahubiri hata kama kulikuwa baridi. Mwishowe, alikutana na Sara, mwenye alifurahi sana wakati alijua kama Mungu iko na jina la pekee. Kisha wakati fulani, Sara alikubali kujifunza Biblia. Melanie anasema hivi: “Kila Siku ya Tano mangaribi, nilikuwa mwenye kuchoka, lakini mimi na mutoto wangu mwanamuke tulipata faida wakati tulikuwa tunaenda ili kujifunza na Sara. Tulifurahia kutafuta majibu ya maulizo yake, na tulifurahi sana kuona anakuwa rafiki ya Yehova.” Sara alivumilia upinzani kwa uhodari, aliachana na kanisa lake, na akabatizwa.

JUU YA NINI KAZI YA KUFANYA WANAFUNZI INAOMBA UVUMILIVU?

14. (a) Namna gani kazi ya kufanya wanafunzi inafanana na kazi ya kuvua samaki? (b) Maneno ya Paulo katika 2 Timoteo 4:1, 2 inakuchochea kufanya nini?

14 Hata kama unaona kuwa haupate matokeo ya muzuri katika kazi ya kuhubiri, endelea kutafuta watu wenye wanaweza kuwa wanafunzi. Kumbuka kama Yesu alifananisha kazi ya kufanya wanafunzi na kazi ya kuvua samaki. Wavuvi wa samaki wanaweza kupitisha saa za mingi bila kunasa hata samaki moja. Mara mingi, wanafanya kazi usiku sana ao asubui sana, na wakati fulani wanapaswa kufanya safari ya murefu katika habari. (Lu. 5:5) Vilevile, wahubiri fulani wanapitisha saa za mingi ili “kuvua” kwa uvumilivu wakati mbalimbali na mahali mbalimbali. Juu ya nini? Juu wapate watu wengi zaidi. Wale wenye wanafanya bidii zaidi,  mara mingi wanapata baraka ya kukutana na watu wenye wanapendezwa na ujumbe wetu. Je, unaweza kujaribu kuhubiri wakati wenye unaweza kukutana na watu ao mahali kwenye unaweza kuwapata?​—Soma 2 Timoteo 4:1, 2.

Usaidie wanafunzi wako kwa uvumilivu ili wafanye maendeleo (Picha hizi zinapatana na fungu la 15-16) *

15. Sababu gani kazi ya kuongoza mafunzo ya Biblia inaomba uvumilivu?

15 Sababu gani kazi ya kuongoza mafunzo ya Biblia inaomba uvumilivu? Sababu moja ni hii: zaidi ya kumusaidia mwanafunzi afikie kujua na kupenda mafundisho ya Biblia, tunapaswa kufanya mambo mingi zaidi. Tunapaswa kumusaidia mwanafunzi afikie kumujua na kumupenda Yehova, mwenye aliandikisha Biblia. Na zaidi ya kufundisha mwanafunzi wa Biblia mambo yenye Yesu anaomba wanafunzi wake wafanye, tunapaswa kumusaidia ajue namna ya kutumia ile mambo katika maisha yake. Tunapaswa kumusaidia kwa uvumilivu wakati iko anajikaza kutumia kanuni za Biblia katika maisha yake. Wanafunzi fulani wanaweza kubadilisha mawazo yao na tabia zao katika miezi kidogo tu; wengine wako na lazima ya wakati murefu.

16. Mufano wa Raúl umekufundisha nini?

16 Misionere mumoja katika inchi ya Peru, alijionea jambo fulani lenye kuonyesha faida ya kuwa na uvumilivu. Anasema hivi: “Nilikuwa nimejifunza vitabu mbili na mwanafunzi mumoja wa Biblia mwenye kuitwa Raúl. Lakini alikuwa angali na magumu mingi katika maisha yake. Alikuwa na magumu katika ndoa yake, alikuwa anatumia maneno machafu, na alikuwa na watoto wenye waliona kuwa ni nguvu kumuheshimia. Kwa sababu alikuwa anakuja ku mikutano kwa ukawaida, niliendelea kumutembelea ili kumusaidia yeye na familia yake. Kisha kupita zaidi ya miaka tatu tangu wakati nilikutana naye, alitimiza mambo yenye kuombwa ili kubatizwa.”

17. Tutazungumuzia nini katika habari yenye kufuata?

17 Yesu alituambia ‘tuende, . . . tufanye wanafunzi kutoka kwa watu wa mataifa yote.’ Ili kutimiza kazi hiyo, mara mingi tunapaswa kuzungumuza na watu wenye wako na mawazo tofauti kabisa na yetu, kutia ndani wale wenye hawana dini yoyote ao wenye hawaamini kama Mungu iko. Habari yenye kufuata itazungumuzia namna tunaweza kuhubiria watu hao habari njema.

WIMBO 68 Kupanda Mbegu ya Ufalme

^ fu. 5 Kazi kubwa ya kutaniko la Kikristo ni kusaidia watu wakuwe wanafunzi wa Kristo. Habari hii inatoa mapendekezo yenye kufaa yenye itatusaidia kutimiza kazi yetu.

^ fu. 2 MAFASIRIO YA MANENO FULANI: Wanafunzi wa Kristo wanafanya mambo mingi zaidi tu ya kujifunza mambo yenye Yesu alifundisha. Wanatumia katika maisha yao mambo yenye wanajifunza. Wanajikaza kufuata kwa ukaribu hatua za Yesu, ao mufano wake, kwa kadiri inawezekana.​—1 Pe. 2:21.

^ fu. 52 MAFASIRIO YA PICHA: Mwanaume mumoja mwenye iko ku mapumuziko anakubali vichapo vyenye Mashahidi wanamutolea kwenye kiwanja cha ndege. Kisha, wakati anatembelea maeneo fulani, anaona Mashahidi wa Yehova wenye wako wanahubiri mahali pa watu wengi. Kisha kurudia ku nyumba, mashahidi wanamutembelea ku nyumba.

^ fu. 54 MAFASIRIO YA PICHA: Ule mwanaume anakubali kujifunza Biblia. Kisha anafikia kutimiza mambo yenye kuombwa ili kubatizwa.