WAKATI WA MITUME, Wakristo walijikaza sana ili kufikishia watu wengi zaidi “habari njema ya Ufalme.” (Mt. 24:14) Hata wamoja kati yao walisafiri katika inchi zingine. Kwa mufano, mutume Paulo alitembelea eneo kwenye Uturuki ya leo inapatikana na alihubiri sana huko katika safari zake za umisionere. * Kisha kupita miaka 2000 hivi, ni kusema, katika mwaka wa 2014, kampanye ya pekee ya kuhubiri ilifanywa tena katika Uturuki. Sababu gani kampanye hiyo ilipangwa kufanywa? Ni nani waliunga mukono kampanye hiyo?

“KUKO NINI?”

Inchi ya Uturuki iko na wahubiri zaidi ya 2 800, lakini inchi hiyo iko na hesabu ya watu milioni 79. Hesabu hiyo inaonyesha kuwa katika Uturuki, muhubiri mumoja anapaswa kuhubiria karibu watu 28 000. Kama vile unaweza kuwazia, wahubiri wameweza tu kuhubiria hesabu kidogo tu ya watu wenye kuishi katika inchi hiyo. Kusudi la kampanye hiyo ya pekee ya kuhubiri ilikuwa kufikia watu wengi zaidi katika muda mufupi. Ndugu na dada 550 hivi kutoka katika inchi zingine wenye kuzungumuza luga ya Kituruki, walifanya safari ya kuenda Uturuki na kuhubiri pamoja na ndugu na dada wa inchi hiyo wakati wa kampanye hiyo. Walitimiza mambo gani?

Ushahidi mukubwa ulitolewa. Kutaniko moja katika Istanbul liliandika hivi: “Wakati watu walituona, waliuliza hivi: ‘Muko na mukusanyiko wa pekee hapa? Tunaona Mashahidi wa Yehova kila mahali!’” Kutaniko lenye kuwa katika muji wa Izmir liliandika hivi: “Mwanaume mumoja mwenye kutumika mahali penye taxi zinasimama ili kungojea watu, alikaribia muzee mumoja wa kutaniko wa eneo hilo na kumuuliza hivi: ‘Kuko nini? Mumeongeza kazi yenu?’” Kwa kweli, watu waliona kampanye hiyo.

Steffen

Ndugu na dada wenye walitoka katika inchi zingine walifurahia sana kazi ya kuhubiri. Steffen kutoka Denmarki, alisema hivi: “Kila siku, niliweza kuhubiria watu wenye walikuwa hawajasikia hata kidogo juu ya Yehova. Niliona kuwa ninafanya kabisa jina la Yehova lijulikane.” Jean-David kutoka Ufaransa, aliandika hivi: “Tulihubiri katika barabara moja kwa saa nyingi. Ilifurahisha kabisa! Watu wengi hawakukuwa wanajua Mashahidi wa Yehova. Kwenye karibu kila mulango, tuliweza kuanzisha mazungumuzo na watu, kuwaonyesha moja kati ya video zetu, na kuwaachia vichapo vyetu.”

Jean-David (katikati)

 Wahubiri hao 550 walitolea watu vichapo 60 000 hivi kwa majuma mbili tu! Kwa kweli, kampanye hiyo ilisaidia kutoa ushahidi mukubwa.

Bidii ya kazi ya kuhubiri iliongezeka. Kampanye hiyo ya pekee ilichochea sana ndugu na dada wa inchi hiyo. Wengi walianza kufikiria kufanya utumishi wa wakati wote. Kwa kweli, katika Uturuki mapainia wa kawaida 82 waliongezeka kwenye hesabu ya mapainia katika miezi 12 yenye ilifuata kisha kampanye hiyo.

Şirin

Ndugu na dada kutoka katika inchi zingine wenye walisaidia katika kampanye hiyo, walieleza namna ilikuwa na matokeo juu ya kazi yao ya kuhubiri hata kisha kurudia katika inchi zao. Şirin, dada kutoka Ujerumani, aliandika hivi: “Ilikuwa mwepesi kwa ndugu na dada wa Uturuki kuhubiri kila wakati wanapata nafasi ya kufanya hivyo. Ninasikia sana haya ya kuhubiri wakati ninapata nafasi ya kufanya hivyo. Lakini, kupitia kampanye hiyo, mufano wa ndugu na dada wa inchi hiyo, na sala nyingi, nimeweza kufanya jambo lenye singeweza kufanya hapo zamani. Na hata nilihubiri na kuwatolea watu trakte katika njia ya treni ya chini ya udongo! Siko tena mwenye haya kama vile zamani.”

Johannes

Johannes kutoka Ujerumani, alisema hivi: “Nilijifunza mambo mengi ya kutumia katika kazi yangu ya kuhubiri. Ndugu na dada katika Uturuki wanapenda kabisa kuhubiria watu wengi zaidi juu ya kweli. Wanahubiria watu kila wakati wanapata nafasi ya kufanya hivyo. Niliamua kufanya hivyo pia wakati nilirudia Ujerumani. Na sasa kwa kweli, ninahubiria watu wengi zaidi kuliko zamani.”

Zeynep

Zeynep kutoka Ufaransa, alisema hivi: “Kampanye hiyo ilikuwa na matokeo sana juu ya kazi yangu ya kuhubiri. Ilinisaidia nikuwe mwenye bidii sana na nimutegemee Yehova zaidi.”

Wahubiri walikaribiana zaidi. Upendo na umoja kati ya ndugu na dada kutoka inchi mbalimbali utaendelea kukumbukwa. Jean-David mwenye tulizungumuzia mwanzoni, alisema hivi: “‘Tulionja’ ukarimu wa ndugu na dada.” Aliongezea hivi: “Walituona kama marafiki wao na kama watu wa familia yao. Walitukaribisha katika nyumba zao. Nilijua kuwa tuko familia ya ndugu na dada katika dunia yote; nilikuwa nimesoma jambo hilo mara nyingi katika vichapo vyetu. Lakini, wakati huo nilijionea jambo hilo. Nilijivunia hata zaidi kuwa kati ya watu wa Yehova, na ninamushukuru juu ya pendeleo hilo la ajabu.”

Claire (katikati)

 Claire kutoka Ufaransa, alisema hivi: “Iwe kutoka Denmarki, Ufaransa, Ujerumani, ao Uturuki, sisi wote tulikuwa familia moja. Ilikuwa kama vile Mungu amefuta mipaka yote ya inchi kwa kutumia chombo kikubwa cha kufuta maandishi.”

Stéphanie (katikati)

Stéphanie kutoka Ufaransa, anaongezea hivi: “Kampanye hiyo ya pekee ilitufundisha kuwa jambo lenye kutuunganisha haiko desturi ao luga lakini ni upendo wenye sisi wote tuko nao kwa Yehova.”

KUMEKUWA FAIDA ZA MUDA MUREFU

Wengi kati ya ndugu na dada wenye walitoka katika inchi zingine wenye walisaidia katika kampanye hiyo, walianza kufikiria kuhamia katika Uturuki ili kusaidia kufanya kazi kubwa yenye ingali katika inchi hiyo. Wamoja kati yao wamekwisha kuhamia huko. Ndugu na dada hao wenye kutumikia mahali kwenye kuwa lazima kubwa ya wahubiri, wanastahili pongezi sana.

Tuchukue mufano wa kikundi kimoja cha wahubiri 25 wenye kuwa katika eneo fulani la mbali. Kwa miaka mingi, kulikuwa muzee mumoja tu katika kikundi hicho. Fikiria furaha yenye wahubiri hao walikuwa nayo wakati katika mwaka wa 2015, wahubiri sita kutoka Ujerumani na Uholanzi (Pays-Bas) walihamia katika eneo hilo lenye kuwa na lazima ya wahubiri ili kuwaunga mukono!

KUTUMIKIA MAHALI KWENYE KUWA LAZIMA KUBWA

Ndugu na dada kutoka katika inchi zingine wenye wametumikia katika Uturuki kwa muda fulani wanasema nini juu ya maisha yao huko? Ni kweli kwamba wakati fulani wanapatwa na magumu, lakini kutumikia mahali kwenye kuwa lazima kubwa ya wahubiri kunaleta baraka kubwa. Fikiria mambo yenye wamoja wamesema:

Federico

Federico, ndugu mumoja kutoka Uhispania mwenye kuwa na miaka 40 hivi na mwenye kuoa, anasema hivi: “Kuwa na vitu vidogo vya kimwili kunanisaidia nikuwe huru, na kunanisaidia kukaza akili yangu juu ya mambo ya maana zaidi.” Anaweza kutia wengine moyo wafanye utumishi kama huo? Anasema hivi: “Ndiyo kabisa! Wakati unahamia katika inchi ingine ukiwa na kusudi la kusaidia watu wafikie kumujua Yehova, kwa kweli unajitia katika mikono yake. Unajisikia kuwa Yehova anakuhangaikia kuliko wakati mwingine wowote.”

Rudy

 Rudy, kutoka Uholanzi mwenye kuwa na miaka karibu 60 na mwenye kuoa, anasema hivi: “Kutumikia mahali kwenye kuwa lazima kubwa ya wahubiri na kuhubiria kweli watu fulani wenye walikuwa hawajasikia hata kidogo kweli hiyo, kunatuletea furaha kubwa. Kuona furaha yenye watu wanapata wakati wanakubali kweli, kunatuletea furaha kubwa.”

Sascha

Sascha, ndugu mumoja kutoka Ujerumani mwenye kuwa na miaka 40 hivi na mwenye kuoa, anasema hivi: “Kila wakati niko katika kazi ya kuhubiri, ninakutana na watu wenye ni mara yao ya kwanza kusikia kweli. Kutolea watu hao nafasi ya kufikia kumujua Yehova, kunaniletea furaha kubwa.”

Atsuko

Atsuko, dada kutoka Japani mwenye kuwa na miaka 35 hivi na mwenye kuolewa, anasema hivi: “Zamani, nilikuwa ninapenda Har-Magedoni ikuje haraka. Lakini kisha kuhamia katika Uturuki, ninamushukuru Yehova kwa sababu angali anangojea. Kadiri ninaendelea kuona namna Yehova anaongoza mambo hilo linanichochea nimukaribie zaidi.”

Alisa, dada kutoka Urusi mwenye kuwa na miaka 30 hivi, anasema hivi: “Kumutumikia Yehova katika aina hii ya utumishi kumenisaidia kuonja wema wake wote.” (Zab. 34:8) Anaongezea hivi: “Yehova haiko tu Baba yangu lakini pia ni Rafiki yangu wa sana, mwenye ninafikia kujua muzuri zaidi katika hali mbalimbali. Maisha yangu yanajaa vipindi vyenye kufurahisha, ninajionea mambo yenye kufurahisha, na ninapata baraka nyingi.”

‘MUYATAZAME MASHAMBA’

Kupitia kampanye ya pekee ya kuhubiri katika Uturuki, habari njema ilifikia watu wengi zaidi. Lakini kungali eneo kubwa lenye halijahubiriwa. Kila siku, ndugu na dada wenye wamehamia Uturuki wanakutana na watu wenye hawajasikia hata kidogo juu ya Yehova. Unapenda kutumikia katika eneo kama hilo? Ikiwa ni ndiyo, tunakutia moyo ‘Uinue macho yako uyatazame mashamba, kwamba ni meupe kwa ajili ya kuvunwa.’ (Yoh. 4:35) Unaweza kusaidia katika eneo fulani katika dunia kwenye mashamba ni “meupe kwa ajili ya kuvunwa”? Ikiwa ni ndiyo, uanze kukamata mipango yenye kufaa ili ufikie muradi huo. Ukuwe hakika na jambo hili: Kuwa na mengi ya kufanya katika kueneza habari njema ‘mupaka sehemu ya mbali zaidi ya dunia,’ kutakuletea baraka nyingi sana!​—Mdo. 1:8.

^ fu. 2 Ona broshua “Ona Nchi Nzuri,” uku. 32-33.