Ona video zinazopatikana

Ona habari zilizo ndani

Maulizo ya Wasomaji Wetu

Maulizo ya Wasomaji Wetu

Ni jambo lenye kufaa Mukristo akuwe na silaha za kutumia risasi kama vile bunduki, ili kujilinda kutokana na wanadamu wenzake?

Wakristo wanaweza kukamata hatua zenye kuwa na usawaziko ili kulinda usalama wao, lakini wanafanya hivyo bila kuvunja kanuni za Biblia. Kanuni hizo zinatushauria tusitumie silaha za kimwili kama vile bunduki ao silaha zingine zenye kutumia risasi ili kujilinda kutokana na wanadamu wenzake. Fikiria kanuni hizi:

Yehova anaona uzima kuwa takatifu, zaidi sana uzima wa mwanadamu. Muandikaji wa zaburi, Daudi, alijua kuwa Yehova ni “chemchemi ya uzima.” (Zab. 36:9) Kwa hiyo, ikiwa Mukristo anaamua kutumia njia zenye usawaziko ili kujilinda ao kulinda mali yake, atafanya yake yote ili kuepuka kuua mutu na kuwa na deni la damu.​—Kum. 22:8; Zab. 51:14.

Hata kama kutumia vyombo mbalimbali kunaweza kumufanya mutu akuwe na deni la damu, bunduki zinafanya ikuwe mwepesi sana ili kuua mutu iwe bila kupenda ao kwa kupenda. * Zaidi ya hilo, ikiwa mutu mwenye amekuja kushambulia, pengine tayari amekuwa na wasiwasi, akiona kuwa mutu mwingine iko na bunduki, hali inaweza kuwa mubaya sana na hata kutokeza kifo.

Wakati Yesu aliambia wanafunzi wake wachukue mipanga katika usiku wake wa mwisho duniani, haikukuwa kwa ajili ya kujilinda. (Lu. 22:36, 38) Lakini, Yesu aliwaomba walete mipanga ili kuwafundisha kuwa hawapaswe  kutenda kwa jeuri, hata wakati wanapambana na kikundi cha watu wenye kuwa na silaha. (Lu. 22:52) Kisha Petro kushambulia mutumwa mumoja wa kuhani mukubwa kwa kutumia upanga, Yesu alimuamuru Petro hivi: “Rudisha upanga wako mahali pake.” Kisha Yesu alisema kweli ya musingi, kanuni yenye kuongoza wafuasi wake mupaka leo. Alisema hivi: “Wote wanaouchukua upanga wataangamia kwa upanga.”​—Mt. 26:51, 52.

Kulingana na Mika 4:3, watu wa Mungu ‘wanafua panga zao zikuwe majembe na mikuki yao ikuwe miundu.’ Alama hiyo yenye kutambulisha Wakristo wa kweli inapatana na shauri lenye kuongozwa na roho ya Mungu lenye mutume Paulo alitoa. Alisema hivi: ‘Musimulipe yeyote uovu kwa uovu. . . . Ikiwezekana, kwa kadiri inavyowategemea ninyi, mukuwe wenye kufanya amani na watu wote.’ (Rom. 12:17, 18) Hata kama Paulo alipatwa na magumu mengi kutia ndani ‘hatari za kutokana na wanyanganyi,’ alitia sikuzote kanuni za Maandiko pa nafasi ya kwanza kuliko usalama wake mwenyewe. (2 Kor. 11:26) Alitegemea Mungu na hekima yenye kupatikana katika Neno lake, hekima yenye kuwa “bora kuliko silaha za vita.”​—Mhu. 9:18.

Wakristo wanaona uzima kuwa jambo la maana zaidi kuliko vitu vya kimwili. ‘Uzima wa [mutu] hautokane na vitu alivyo navyo.’ (Lu. 12:15) Kwa hiyo, ikiwa ulimi wenye upole unashindwa kuzuia mwizi mwenye kuwa na silaha, Wakristo wenye kuwa na hekima wanafuata kanuni yenye kupatikana katika maneno haya ya Yesu: ‘Musimupinge yeye aliye muovu.’ Kwa njia ya mufano, tunaweza hata kumupatia manguo yetu ya ndani na ya inje. (Mt. 5:39, 40; Lu. 6:29) * Jambo la muzuri zaidi la kufanya ni kuepuka hali hiyo. Ikiwa tunaepuka ‘kuonyesha mali [yetu] maishani’ na majirani wetu wanajua kuwa tuko Mashahidi wa Yehova wenye kupenda amani, tunaweza kuepuka kuwindwa na watu wenye jeuri.​—1 Yoh. 2:16; Met. 18:10.

Wakristo wanaheshimia zamiri za wengine. (Rom. 14:21) Ikiwa inajulikana kuwa ndugu ao dada fulani katika kutaniko iko na bunduki ya kujilinda kutokana na wanadamu wenzake, Wakristo wenzake fulani wanaweza kukwazika. Upendo unatuchochea kutia faida za wengine pa nafasi ya kwanza kuliko faida zetu wenyewe, hata kama kufanya hivyo kunatuomba kuachana na jambo fulani lenye tunaweza kuona kuwa ni haki yetu yenye kuruhusiwa na sheria.​—1 Kor. 10:32, 33; 13:4, 5.

Wakristo wanajikaza kuwa mufano muzuri. (2 Kor. 4:2; 1 Pet. 5:2, 3) Kisha kupewa mashauri kutoka katika Maandiko, Mukristo mwenye anaendelea kuwa na bunduki ili kujilinda kutokana na wanadamu wenzake haiko mufano muzuri. Kwa hiyo, hastahili kupata madaraka ao mapendeleo ya pekee katika kutaniko. Kanuni hiyo inatumika pia kwa Mukristo mwenye kazi yake ya kimwili inamuomba kubeba bunduki. Ni muzuri zaidi Mukristo huyo atafute kazi ingine! *

Kwa kweli, namna Mukristo anaamua kujilinda yeye mwenyewe, kulinda familia yake, ao mali yake, ni jambo la kipekee kama vile kuchagua kazi ni jambo la kipekee pia. Hata hivyo, kanuni za Biblia zinaonyesha hekima ya Mungu na upendo wake kwetu. Kupatana na kanuni hizo, Wakristo wenye kukomaa kiroho wanaamua kuepuka kuwa na silaha za kutumia risasi kama vile bunduki ili kujilinda kutokana na wanadamu wenzake. Wanajua kuwa wale wenye kutegemea Mungu ndio wanapata usalama wenye kuendelea na wa kweli kwa kuishi kulingana na kanuni za Biblia.​—Zab. 97:10; Met. 1:33; 2:6, 7.

Wakati wa ziki kubwa, Wakristo watamutegemea Yehova na hawatajaribu kujipigania wao wenyewe

^ fu. 3 Mukristo anaweza kuamua kuwa na silaha ya kutumia risasi (kama vile bunduki) ili kuwinda wanyama kwa ajili ya chakula ao kujilinda kutokana na wanyama wa pori. Lakini, wakati haitumiwe, bunduki hiyo inawekwa bila kuwa na risasi ndani, pengine hata sehemu zake mbalimbali zinaachanishwa, na kuwekwa muzuri nafasi yenye kuwa salama. Mahali kwenye sheria inakataza kuwa na bunduki, ao inatoa muongozo fulani juu ya kutumia bunduki, Wakristo wanapaswa kutii sheria hiyo.​—Rom. 13:1.

^ fu. 2 Ili kujua namna ya kujilinda kutokana na ubakaji, ona habari “Jinsi ya Kukinza Kunajisiwa” katika Amuka! ya tarehe 8 Mwezi wa 3, 1993.

^ fu. 4 Maelezo mengine juu ya kukubali kazi yenye kuomba mutu abebe silaha, yanapatikana katika gazeti Munara wa Mulinzi la tarehe 1 Mwezi wa 11, 2005, ukurasa wa 31 na la tarehe 15 Mwezi wa 7, 1983, ukurasa wa 25-26.