Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Munara wa Mulinzi  |  Na. 6 2017

 HABARI KUBWA | NI ZAWADI GANI YA MUZURI KULIKO ZOTE?

Watu Wanajikaza Kupata Zawadi ya Muzuri

Watu Wanajikaza Kupata Zawadi ya Muzuri

Haiko jambo la mwepesi kupata zawadi yenye inaweza kumupendeza kabisa mutu fulani, kwa sababu mupokeaji ndiye anaamua ukubwa wa zawadi. Na jambo lenye mupokeaji fulani anaona kuwa nzuri, pengine halitaonwa hivyo na mwengine.

Kwa mufano, kijana anaweza kuona kifaa cha kielektroniki cha mupya zaidi kuwa zawadi ya muzuri kabisa. Kwa upande mwingine, mutu mukubwa anaweza kufurahia sana kupokea zawadi yenye kumukumbusha jambo fulani la maana, kama vile kitu fulani chenye kiliwekwa kuwa uriti wa familia. Katika desturi fulani, watu wakubwa na vijana wanapenda zaidi sana zawadi ikuwe feza, kwa sababu inaruhusu mupokeaji kuitumia namna anataka.

Hata kama haiko mwepesi, watu wengi wenye kuhangaikia wengine wanaendelea kujikaza kutafutia mutu fulani wa pekee zawadi ya muzuri zaidi. Hata kama haitawezekana kupata zawadi kama hiyo sikuzote, kufikiria mambo fulani kunaweza kuongeza uwezekano wa kuipata. Tufikirie mambo ine yenye yanaweza kuchangia furaha ya mupokeaji.

Mambo yenye mupokeaji anataka. Mwanaume mumoja katika Belfast, inchi ya Irelandi ya Kaskazini, aliona kinga ya muchezo wa mashindano yenye alipokea wakati alikuwa na miaka 10 ao 11 kuwa zawadi ya muzuri zaidi. Sababu gani? Anasema hivi: “Kwa sababu niliitaka kabisa.” Hilo linaonyesha kwamba tamaa ya mutu ni jambo la maana ili afurahie zawadi ao hapana. Kwa hiyo, ufikirie sana mutu mwenye unapenda kutolea zawadi. Jaribu kutambua kitu chenye anaweza kufurahia, kwa sababu mara nyingi kitu chenye mutu anafurahia kinachochea tamaa zake. Kwa mufano, mara nyingi tate wanafurahia kupitisha wakati pamoja na familia. Wanaweza kutamani kuona watoto wao pamoja na watoto wa watoto wao mara nyingi kadiri inawezekana. Kwao, zawadi yenye inaweza kuwafurahisha zaidi kuliko ingine, ni familia kufanya mapumuziko pamoja nao.

Siri ya kujua tamaa ya mutu ni kuwa musikilizaji muzuri. Biblia inatutia moyo ‘kuwa wepesi kuhusu kusikia, si wepesi wa kusema.’ (Yakobo 1:19) Wakati unazungumuza kila siku pamoja na marafiki wako ao  watu wa jamaa, sikiliza kwa uangalifu ili kutambua alama zenye kuonyesha mambo yenye wanapenda na yenye hawapendi. Kufanya hivyo, kunaweza kukusaidia kutoa zawadi yenye watafurahia.

Mahitaji ya mupokeaji. Hata zawadi ya kawaida tu inaweza kupendeza mupokeaji kama inatimiza mahitaji fulani ya pekee. Lakini, namna gani unaweza kujua mahitaji ya mutu mwengine?

Inaonekana kwamba njia mwepesi zaidi ya kujua mahitaji na mambo yenye mutu anataka, ni kumuuliza. Lakini, kwa watoaji wengi, kufanya hivyo kunapunguza furaha ya kutoa kwa sababu wanafurahia kupatia mutu zawadi yenye kufaa bila yeye kuwazia. Zaidi ya hilo, hata kama watu fulani wanaweza kuonyesha waziwazi mambo yenye wanatamani ao hapana, mara nyingi hawapendi kuonyesha mutu mahitaji yao.

Kwa hiyo, ukuwe muangalifu ili kuona hali za mutu. Je, ni kijana ao muzee, amefunga ndoa ao hapana, ndoa yake imevunjika, ni mujane, hana kazi, ao ameacha kazi kwa sababu ya miaka? Kisha, ufikirie zawadi zenye zinaweza kutimiza mahitaji yenye mutu iko nayo.

Ili kutambua mahitaji ya mutu mwenye unapenda kutolea zawadi, uzungumuze na watu wenye wamepatwa na hali kama ya mutu huyo. Wanaweza kukuambia kuhusu mahitaji ya pekee yenye hayajulikane wazi na watu wengine. Ukiwa na habari hiyo, sasa unaweza kutoa zawadi yenye kutimiza mahitaji yenye watu wengine hawangefikiria.

Kufikiria wakati wa kutoa zawadi. Biblia inasema hivi: “Neno linalosemwa wakati unaofaa ni jema kama nini!” (Methali 15:23) Andiko hili linaonyesha kwamba kufikiria wakati wa kusema maneno yetu ni jambo la maana sana. Ni hivyo pia kuhusu mambo yenye tunafanya. Kama vile maneno yenye kusemwa pa wakati wenye kufaa yanaweza kufurahisha musikilizaji, vilevile zawadi yenye kutolewa pa wakati ao kwenye tukio lenye kufaa inaweza kuchangia furaha ya mupokeaji.

Rafiki fulani anakaribia kufunga ndoa. Kijana fulani anakaribia kumaliza masomo. Bibi na bwana fulani wanatazamia kupata mutoto. Haya ni matukio kidogo tu kati ya matukio mengi yenye yanapatia mutu nafasi ya kutoa zawadi. Watu fulani wanaona kwamba ni muzuri kuwa na liste ya matukio fulani ya pekee yenye yatafanyika mwaka wenye kuja. Katika njia hiyo wanaweza kupanga mbele ya wakati zawadi ya muzuri yenye itafaa kwa kila tukio. *

Kwa kweli, hauwezi tu kutoa zawadi wakati wa matukio ya pekee. Unaweza kupata furaha ya kutoa wakati wowote. Lakini, inaomba kuwa muangalifu. Kwa mufano, kama mwanaume fulani anamutolea mwanamuke mumoja zawadi bila sababu yoyote, mwanamuke huyo anaweza kuwazia kwamba, zawadi hiyo ni alama ya mapendo na yenye kuonyesha kwamba mwanaume huyo anapenda kumujua muzuri zaidi. Lakini kama hiyo haikuwa kusudi la zawadi hiyo, hilo linaweza kufanya mwengine aelewe mubaya ao kuleta magumu. Hilo linatuchochea kufikiria jambo lingine la lazima: nia ya mutoaji.

Nia ya mutoaji. Kama vile mufano wenye kuwa hapa juu unaonyesha, ni muzuri kufikiria namna mupokeaji ataelewa nia ya mutoaji. Zaidi ya hilo, itakuwa muzuri pia kwa mutoaji kuchunguza nia yake. Hata kama watu wengi wanaweza kuwazia kwamba wako na nia nzuri wakati wanatoa zawadi, wengi wanatoa zawadi katika mwaka kwa sababu wanajisikia kwamba wanalazimishwa kufanya hivyo. Tena, wengine wanatoa zawadi wakiwa na matumaini ya kutendewa kwa njia fulani ya pekee ao kupewa pia kitu fulani.

Unaweza kufanya nini ili kuhakikisha kwamba unatoa zawadi zako kwa nia nzuri? Biblia inasema hivi: “Mambo yenu yote na yatendeke kwa upendo.” (1 Wakorintho 16:14) Kama zawadi yako inachochewa na upendo wa kweli na kama inaonyesha kwamba unahangaikia wenye unatolea zawadi, bila shaka itawafurahisha, na utapata furaha kubwa zaidi yenye kutokana na ukarimu wa kweli. Wakati unatoa kutoka moyoni, unafurahisha pia Baba yetu wa mbinguni. Mutume Paulo alipongeza Wakristo katika muji wa zamani wa Korintho wakati walitegemeza kwa furaha  na ukarimu kazi ya kutoa musaada kwa Wakristo wenzao katika Yudea. Aliwaambia hivi: ‘Mungu humupenda mutoaji muchangamufu.’​—2 Wakorintho 9:7.

Kufikiria mambo yenye tunatoka kuzungumuzia kunaweza kukusaidia kutoa zawadi yenye itafurahisha wengine. Mambo hayo na mengine yametimiza sehemu fulani katika mupango wa Mungu kwa wanadamu ili wapate zawadi kubwa zaidi kuliko zote. Tunakuomba usome habari yenye kufuata ili kujua zawadi hiyo kubwa.

^ fu. 13 Watu wengi pia wanatoa zawadi wakati wa sikukuu ya kuzaliwa na sikukuu nyingine. Lakini, mara nyingi matukio hayo yako na matendo yenye yanapingana na mambo Biblia inafundisha. Ona habari “Wasomaji Wetu Wanauliza​—Noeli ni ya Wakristo?” katika gazeti hili.