Ona video zinazopatikana

Ona habari zilizo ndani

 HABARI KUBWA | NI ZAWADI GANI YA MUZURI KULIKO ZOTE?

“Ilikuwa Zawadi ya Muzuri Kuliko Yoyote Nimekwisha Kupokea”

“Ilikuwa Zawadi ya Muzuri Kuliko Yoyote Nimekwisha Kupokea”

Mutoto mwanamuke mumoja wa miaka 13 alijisikia hivyo wakati alipokea zawadi ya imbwa wa kucheza naye. Mwanamuke mumoja mwenye kufanikiwa katika biashara alisema kwamba ordinatere yenye baba yake alimupatia wakati alikuwa kwenye masomo ya segondere ilikuwa zawadi yenye ilibadilisha maisha yake. Na bwana mumoja mwenye alikuwa hajakawia tangu kufunga ndoa aliona kwamba karte yenye kutengenezwa na mikono, ya mwaka wa kwanza wa ndoa yao yenye alipewa na bibi yake, ilikuwa zawadi ya muzuri kuliko zote.

Kila mwaka, watu wengi wanatumia wakati na nguvu yao ili kutafutia rafiki ao mutu wa jamaa zawadi ya “muzuri” kwenye tukio la pekee. Na wengi wangependa kusikia maneno ya shukrani kama yale yenye kuonyeshwa hapa juu. Halafu wewe? Utapenda kutoa ao kupokea zawadi zenye kufurahisha kabisa?

Hilo linaweza kuvutia kabisa, kwa sababu ya matokeo ya zawadi fulani juu ya mwenye kuipokea, na pia kwa sababu ya namna mutoaji wa zawadi hiyo anaweza kujisikia. Biblia inasema hivi: “Kuna furaha zaidi katika kutoa kuliko ilivyo katika kupokea.” (Matendo 20:35) Kwa kweli, furaha yenye inapatikana kupitia kutoa inaweza kuongezeka kama zawadi inafurahisha kabisa mwenye kuipokea.

Kwa hiyo, unaweza kufanya nini ili zawadi yako ikuletee furaha wewe na mwenye kuipokea? Na kama haufikie kutoa zawadi ya “muzuri,” unaweza kufanya nini ili zawadi yako ifurahishe kabisa?