Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Amuka!  |  Mwezi wa 7, 2015

 INCHI NA WATU

Kutembelea Inchi ya Mongolia

Kutembelea Inchi ya Mongolia

GENGHIS KHAN, mupiganaji asiyeogopa, mwenye aliishi kati ya mwaka wa 1101 na 1200, alianzisha utawala wenye ulifikia kuwa Utawala mukubwa wa Mongol. Inchi ya Mongolia ya leo, ni sehemu kidogo tu ya Utawala wa Mongol; inapatikana kati ya Urusi na China. Ni moja kati ya inchi za dunia zenye hazina wakaaji wengi.

Inchi hiyo iko na mitoni mikubwa na midogo, milima mirefu-mirefu, vilima vyenye kujaa majani, na maeneo makubwa-makubwa yenye majani tu. Kusini, kuna Jangwa la Gobi, lenye kujulikana sana kwa sababu ya mifupa yenye kuchungwa muzuri ya wanyama fulani wa zamani wenye kuitwa dinosaures. Mongolia iko kwenye metre 1580 juu ya usawa wa bahari; wakaaji wa inchi hiyo wanaiita “Inchi Yenye Anga la Bleu.” Mongolia inastahili kabisa jina hilo kwa sababu iko na siku zaidi ya 250 za jua katika mwaka!

Chui mwenye kuishi katika seluji

Katika inchi ya Mongolia, joto ni nyingi sana, na baridi ni nyingi sana. Katika miezi ya joto, hali ya joto inaweza kufikia digrii 40 za Selsiasi (40°C), na katika  miezi ya baridi, inaweza kufikia digrii 40 chini ya zero (-40°C). Wakaaji karibu 33 juu ya 100 wanaishi maisha ya kuhamahama. Wanaume na wanawake wanaanza kazi asubuhi sana kwa kukamua maziwa ya mbuzi, ngombe, ngamia, na farasi. Mara nyingi wakaaji wa Mongolia wanakula nyama, zaidi sana nyama ya kondoo, na vyakula vyenye kutengenezwa na maziwa.

Aaruul, ao keki zenye zilitengenezwa na maziwa, zinakaushwa kwenye jua

Wakaaji wa Mongolia wanakaribisha sana wageni. Gers za muviringo, ao nyumba zao za mahema zenye wanabeba wakati wanahama, zinabakia zenye kufunguliwa, ili mutu yeyote mwenye kupita katika njia apumuzikie ndani, na akule chakula chenye kilitayarishwa kwa ajili ya wapita-njia. Mara nyingi wageni wanapewa chai ya moto ya maziwa yenye chumvi kidogo.

Leo, wakaaji wengi wa Mongolia wako katika dini ya Buda. Watu wengi hawana dini yoyote, lakini watu fulani wako katika dini yenye kuitwa Shamani, wengine ni Waislamu, na wengine ni Wakristo. Katika inchi ya Mongolia, kuna Mashahidi wa Yehova zaidi ya 350, na leo wanafundisha Biblia watu zaidi ya 770.

Ngamia wa Baktria wenye nundu (bosses) mbili wanabeba mizigo hata wakati wa baridi kali