Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Amuka!  |  Mwezi wa 3, 2015

 Kitu Hiki Kilijifanya Chenyewe?

Uwezo wa Ajabu wa Kusikia wa Nondo Mukubwa

Uwezo wa Ajabu wa Kusikia wa Nondo Mukubwa

NONDO mukubwa anaweza kusikiasauti za juu kuliko kiumbe kingine chochote duniani. Lakini masikio yake hayana mambo mengi, kila sikio lina ukubwa wa chongo ya sindano.

Fikiria jambo hili: Kwa miaka mingi, wanasayansi wamejifunza uwezo wa kusikia wa nondo mukubwa. Hivi karibuni, wanasayansi kwenye Masomo ya juu ya Strathclyde, Écosse, walitumia sauti mbalimbali ili kupima uwezo wa kusikia wa nondo mukubwa. Walipima ni kadiri gani viwambo vya masikio (tympans) yake vinatikisika-tikisika, na walirekodi namna mishipa yenye kubeba sauti kwenye ubongo inatumika. Viwambo hivyo viliendelea kutumika wakati viliwekwa kwenye sauti za kilohezi (kipimo cha sauti) 300. Kwa kulinganisha, uwezo wa kusikia wa popo unafikia kilohezi 212, uwezo wa kusikia wa pomboo (dauphin) unafikia kilohezi 160, na uwezo wa kusikia wa mwanadamu hauwezi kupita kilohezi 20.

Wanasayansi wanapenda kuiga uwezo wa kusikia wa nondo mukubwa ili kutengeneza vyombo vipya vya kiteknolojia. Namna gani? Kulingana na Musomi James Windmill wa Masomo ya Juu ya Strathclyde, watafanya hivyo “ili kutengeneza mikrofoni za muzuri na ndogo zaidi. Mikrofoni hizo zinaweza kuwekwa katika vyombo vingi vya kielektroniki kama vile, telefone, na vifaa vya kusaidia kusikia.”

Unawaza namna gani? Uwezo wa ajabu wa kusikia wa nondo mukubwa ulijifanya wenyewe? Ao uliumbwa?