Ona video zinazopatikana

Ona habari zilizo ndani

 HABARI FULANI ZA ULIMWENGU

Habari Fulani Juu ya Afya

Habari Fulani Juu ya Afya

Hata ikiwa kuna maendeleo ya kinganga, magonjwa yanaendelea kusumbua watu. Hata hivyo, kama vile uhakikisho fulani unaonyesha, magonjwa mengi yanaweza kuepukwa.

ULIMWENGU

Shirika la Afya Ulimwenguni (OMS) linatabiri kuwa watu milioni 24 watapatikana na ugonjwa wa kansere kila mwaka kuanzia mwaka wa 2035. Hilo ni ongezeko la watu 70 juu ya 100 kwenye hesabu ya watu wenye wanapatikana sasa na ugonjwa huo wanaokadiriwa kuwa zaidi ya milioni 14. Inakadiriwa kuwa nusu ya watu hao watapata ugonjwa huo kwa sababu ya hali za maisha, kama vile kukunywa pombe sana, kutofanya kazi, kunenepa kupita kiasi, kupatwa na murusho wa nuru, na kuvuta tumbaku.

UINGEREZA

Kisha kusikia ushuhuda, serikali ya Uingereza ilifanya uchunguzi juu ya uwezekano wa kuwa aina fulani ya ugonjwa wa wazimu wa ngombe inaweza kuenea kupitia njia mbalimbali kama vile kutiwa damu katika mishipa. Andrew Miller, mushiriki wa Bunge, alisema hivi: “Tulihangaika sana kusikia ushuhuda wenye kuonyesha kama ugonjwa huu usiopona ungali na hatari kubwa juu ya afya ya watu.” Aliongeza hivi: “Tuliambiwa kuwa [ugonjwa huo unaweza kuenezwa] kupitia damu iliyoambukizwa na kupitia kutolea mutu kiungo kingine.”

NORWAY

Uchunguzi fulani uliofanywa kwa miaka 11 juu ya wakaaji karibu 63 000 wa inchi ya Norway (Norvège) ulionyesha kuwa kushuka moyo kunaweza kuongeza hatari ya kupata magonjwa ya moyo kwa watu zaidi ya 40 juu ya 100. Shirika la Ulaya la Magonjwa ya Moyo lilitaja maneno ya mumoja kati ya watu waliofanya uchunguzi huo. Alisema kuwa kuvunjika moyo kunachochea kutokezwa kwa homoni nyingi za mahangaiko ya akili zinazoleta ugonjwa wa moyo na pia kunazuia uwezo wa mutu wa kufuata mashauri yanayoweza kufanya afya yake kuwa ya muzuri.

INCHI YA AMERIKA

Wanasayansi wako wanajifunza hatari za afya zinazoweza kutokezwa na ile inayoitwa sehemu ya tatu ya moshi wa tumbaku, ni kusema, uchafu wa tumbaku unaobaki kwenye nafasi mbalimbali na katika vumbi ndani ya majengo, vyumba vya hoteli, na katika motokari. Uchafu huo unapojirundika, unaweza polepole kuwa sumu zaidi unapofanya muda murefu.