Ona video zinazopatikana

Ona habari zilizo ndani

Milford Sound

 INCHI NA WATU

Kutembelea Inchi ya Nouvelle Zélande

Kutembelea Inchi ya Nouvelle Zélande

INAWEZEKANA kumepita miaka 800 hivi tangu makabila ya Wamaori yalivuka maelfu ya kilometre ya bahari na kukaa katika Nouvelle-Zélande. Huko, walivumbua eneo lenye lilikuwa tofauti kabisa na visiwa vya kitropiki vya Polinesia vyenye waliacha. Hapa ilikuwa eneo la milima na barafu (glaciers), chemuchemu za maji ya moto na teluji. Kikundi kingine cha wahamiaji kilifika kisha miaka mia tano hivi, mara hiyo kutoka mbali katika Ulaya. Leo, wakaaji wengi wa Nouvelle-Zélande wako na desturi zenye kutokana na Uingereza na Polinesia. Karibu 90% ya watu wanaishi katika miji mikubwa-mikubwa. Muji wa Wellington unajulikana kuwa muji mukuu wenye kupatikana kusini zaidi katika dunia.

Matope yenye kutokota katika Kisiwa cha Kaskazini

Kwa kuwa Nouvelle-Zélande iko na maeneo mbalimbali yenye kuvutia, hata kama inajitenga na sehemu  ingine ya dunia, haishangaze kwamba inavutia kila mwaka waturiste zaidi ya milioni tatu.

Muti wa mukangaga wa rangi ya feza unaweza kufikia urefu wa zaidi ya metre 10

Kufikia mwaka wa 1948 ndege mwenye hawezi kuruka mwenye kuitwa takahe aliwaziwa kuwa hapatikane tena

Inchi ya Nouvelle-Zélande inajivunia aina nyingi ya mimea na wanyama wa pori, na aina nyingi ya ndege wenye hawana uwezo wa kuruka kuliko eneo lingine lolote katika dunia. Tuatara, munyama mwenye kufanana mujusi, ambaye anaweza kuishi zaidi ya miaka 100, anaishi pia katika eneo hilo! Wanyama wa kunyonyesha wa asili ya eneo hilo tu ni aina fulani za popo na wanyama wakubwa-wakubwa wa baharini wenye kunyonyesha kama vile nyangumi na dolfini.

Mashahidi wa Yehova wamekuwa wakifanya kazi yao katika Nouvelle-Zélande kwa miaka 120 hivi. Wanafundisha Biblia katika luga 19 hivi, kutia ndani Kiniue, Kirarotonga, Kisamoa, na Kitonga; luga hizo ni za Polinesia.

Wamaori wanaimba wakicheza kwa mupangilio wakiwa wenye kuvaa nguo za kiasili