MAFUNDI wa kutengeneza mashini mbalimbali wanashangazwa sana na uwezo wa siafu wa kubeba mizigo yenye kupita sana uzito wake. Ili kuelewa uwezo huo, mafundi kwenye Masomo ya Juu ya Jimbo la Ohio, katika inchi ya États-Unis, walifanya programu fulani za ordinatere juu ya kuweza kujifunza sehemu fulani za mwili wa siafu, hali yake, na namna yake ya kufanya kazi. Programu hizo zilitengenezwa kwa kutumia picha za eksirei (rayon X) na kwa kuiga nguvu zenye siafu anatumia wakati anabeba mizigo.

Shingo ya siafu ndiyo sehemu ya maana ya mwili wake, kwa sababu ni sehemu hiyo ndiyo inasaidia siafu afikie kubeba muzigo wenye kuwa katika kinywa chake. Chembe nyepesi zenye kuwa katika shingo zinaunganisha mwili wa siafu na kichwa chake kwa kuiga namna vidole vya mikono mbili vinaingiana. Mwanasayansi mumoja anasema hivi: “Namna mwili wa siafu na kichwa chake vinaungana ndiyo inasaidia shingo ifanye kazi muzuri. Pengine namna hiyo ya pekee ya kuunganisha sehemu nyepesi na sehemu ngumu ndiyo inatia nguvu muungano huo na kuwezesha shingo ya siafu kubeba mizigo mizito.” Wanasayansi wanatumaini kama kuelewa muzuri zaidi namna shingo ya siafu inafanya kazi itasaidia kufanya maendeleo katika kazi ya kutengeneza roboti.

Unawaza namna gani? Uwezo wa ajabu wa shingo ya siafu ulijitokeza wenyewe? Ao uliumbwa?