Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Amuka!  |  Na. 3 2017

 HABARI KUBWA | BIBLIA INATOKA KABISA KWA MUNGU?

Biblia—‘Iliongozwa na Roho ya Mungu’ Kabisa?

Biblia—‘Iliongozwa na Roho ya Mungu’ Kabisa?

UNAAMINI kwamba Biblia inatoka kwa Mungu? Ao unawaza kwamba ni kitabu chenye kuwa na mawazo ya wanadamu tu?

Watu wanaendelea kubishana juu ya jambo hilo, hata wale wenye kujiita Wakristo. Kwa mufano, katika mwaka wa 2014, uchunguzi wenye ulifanywa na shirika la Gallup katika inchi ya États-Unis, ulionyesha kama watu wengi wenye kujiita Wakristo walikubali kama “kuna uhusiano fulani kati ya Biblia na Mungu.” Lakini, mutu 1 kati ya watu 5 wenye waliulizwa alisema kama Biblia ni kitabu cha “hadisi za kutunga, historia, na sheria za zamani zenye ziliandikwa na mwanadamu.” Mawazo haya yenye kupingana kuhusu Biblia yanafanya tufikirie maana ya maneno ‘kuongozwa na roho.’​—2 Timotheo 3:16.

MAANA YA MANENO ‘KUONGOZWA NA ROHO’

Biblia iko na vitabu vidogo-vidogo 66 vyenye viliandikwa na watu karibu 40 kwa muda wa miaka 1600 hivi. Lakini, kama Biblia iliandikwa na wanadamu, namna gani tunaweza kusema kwamba ‘iliongozwa na roho ya Mungu’? Kwa kifupi, maneno ‘kuongozwa na roho ya Mungu’ yanamaanisha kwamba Mungu ndiye Chanzo cha habari yenye kuwa katika maandiko hayo. Biblia inasema hivi: “Wanadamu walisema yaliyotoka kwa Mungu kama walivyoongozwa na roho takatifu.” (2 Petro 1:21) Hilo linamaanisha kwamba Mungu alitumia nguvu yake ya utendaji, ni kusema, roho takatifu, ili kutolea waandikaji wa vitabu vya Biblia ujumbe wake. Tunaweza kulinganisha jambo hilo na mukubwa fulani wa kazi mwenye anaambia mwandishi wake maneno ya kuandika katika barua. Barua hiyo haiko ya mwandishi lakini ni ya mukubwa wa kazi.

Waandikaji fulani wa Biblia walisikia ujumbe wa Mungu kupitia malaika. Wengine waliona maono kutoka kwa Mungu. Katika hali fulani, Mungu alitoa ujumbe wake kupitia ndoto. Hata kama wakati fulani Mungu aliachia waandikaji uhuru wa kutumia maneno yao ili kuandika ujumbe wake, wakati mwingine aliwaambia maneno yenye walipaswa kuandika bila kuyabadilisha. Katika hali hizo zote, waandikaji hao waliandika mawazo ya Mungu, hapana mawazo yao.

Namna gani tunaweza kuwa hakika kwamba Mungu ndiye aliongoza waandikaji wa Biblia kupitia roho yake? Tufikirie mambo tatu yenye kuhakikisha kwamba Biblia inatoka kwa Mungu.