Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Amuka!  |  Na. 2 2017

Historia na desturi ya Uhispania vinaonekana kupitia Toledo. Ilichaguliwa kuwa Eneo Lenye Kustahili Kulindwa Ulimwenguni katika mwaka wa 1986, na ni kituo kikubwa cha waturiste

 INCHI NA WATU

Kutembelea Inchi ya Uhispania

Kutembelea Inchi ya Uhispania
 

UHISPANIA ni inchi yenye kuwa na mazingira na watu tofauti-tofauti. Sehemu kubwa ya inchi ya Uhispania inafunikwa na mashamba ya ngano, mizabibu, na mizeituni. Kusini mwa inchi hiyo, kilometre 14 hivi tu ya maji inatenganisha Uhispania na Afrika.

Watu wengi—Wafoinike, Wagiriki, na watu kutoka Carthage—walihamia kwenye pembe hii ya kusini-mangaribi mwa Ulaya. Wakati Waroma walifika katika kipindi kati ya mwaka wa 300 na 201 mbele ya kuzaliwa kwa Yesu, waliita eneo lenye walitoka tu kukamata Hispania. Kisha, Wavisigothi na Waarabu walikaa katika eneo hilo, na wakaaji wa eneo hilo wakariti desturi zao.

Katika mwaka moja wa hivi karibuni, watu zaidi ya milioni 68 walitembelea Uhispania. Wengi wanakuja ili kuona mwangaza wa jua, fuo (plage) zenye kupendeza. Wanakuja pia kuona vitu vyenye kuchorwa, vitu vya  kihistoria, na majengo ya maana ya inchi. Vyakula vya Uhispania vinavutia pia wageni wengi. Vinatia ndani vyakula vyenye kutoka katika bahari, nyama ya nguruwe yenye kukaushwa, supu yenye kujenga, saladi, na mboga ya majani yenye kupikwa ao yenye kukolezwa na mafuta ya zeituni. Mayai yenye kukaangwa, paella, na tapa vya Uhispania vinajulikana sana katika dunia yote.

Mariscada ni moja kati ya aina ya vyakula vyenye vinatoka katika bahari

Dansi ya flamenco

Wahispania ni watu wenye urafiki na wachangamufu. Wengi kati yao wanasema kwamba ni Wakatoliki, lakini ni wadogo tu ndio wanaenda kwenye Misa. Katika miaka ya hivi karibuni, watu kutoka Afrika, Asia, na Amerika ya Latini wamehamia Uhispania. Wengi kati yao wanafurahia kuzungumuzia desturi na imani yao ya kidini. Mashahidi wa Yehova wamepata matokeo mazuri kwa kuzungumuza nao, na wamewasaidia kujua mambo yenye Biblia inafundisha kuhusu habari nyingi.

Katika mwaka wa 2015, Mashahidi wa Yehova zaidi ya 10500 wamejitolea ili kujenga ao kutengeneza nafasi 70 za kufanyia mikutano yao, zenye kuitwa Majumba ya Ufalme. Wakubwa wa miji walitoa viwanja fulani kwa ajili ya mipango hiyo. Ili kusaidia wale wenye wanahamia katika inchi hiyo, zaidi ya luga ya Kihispania, Mashahidi wa Yehova wanafanya mikutano yao katika luga nyingine zaidi ya 30. Katika 2016, zaidi ya watu 186000 walikuja kwenye mukutano wa pekee wenye ulifanywa na Mashahidi wa Yehova ili kukumbuka kifo cha Yesu Kristo.