Mamilioni ya watoto wenye hawajazaliwa wanauawa kimakusudi kila mwaka. Hesabu hiyo inapita hesabu ya watu katika inchi nyingi.

Ni uamuzi wa kipekee ao ni jambo lenye kuhusu mwenendo muzuri?

MAMBO WATU WANASEMA

Wanawake wenye wanatosha mimba wanafanya hivyo juu ya sababu mbalimbali, kama vile magumu ya kupata feza, magumu katika uhusiano na watu, tamaa ya kuwa huru ili kuongeza masomo ao kufanya kazi zaidi, ao kutopenda kuwa mama mwenye hana bwana. Lakini, wengine wanaona kutosha mimba kuwa mwenendo mubaya; hilo linafanya watu waache kutumainia mwanamuke mwenye alikuwa na mimba.

MAMBO BIBLIA INASEMA

Mungu anaona uzima, zaidi sana uzima wa mwanadamu, kuwa takatifu. (Mwanzo 9:6; Zaburi 36:9) Kanuni hii inahusu pia mutoto mwenye kuwa katika tumbo la uzazi, nafasi salama kwenye Mungu alitayarisha ili akomalie ndani. Muandikaji mumoja wa Biblia alisema hivi: “Wewe uliniweka nikiwa nimekingwa katika tumbo la mama yangu.” Aliongeza hivi: “Macho yako yalikiona kiini-tete changu, na katika kitabu chako sehemu zake zote zilikuwa zimeandikwa, kuhusiana na siku ambazo zilifanyizwa.”—Zaburi 139:13, 16.

Sheria yenye Mungu alipatia taifa la Israeli na zamiri yenye ametupatia vinaonyesha mawazo yake kuhusu uzima wa mutoto mwenye hajazaliwa. Sheria ya Mungu ilisema kwamba mutu mwenye aliumiza mwanamuke mwenye kuwa na mimba na kuua mutoto wake mwenye kuwa katika tumbo alipaswa kuuawa, ni kusema, muuaji alipaswa kulipa uzima wake pa nafasi ya uzima wenye aliondoa. (Kutoka 21:22, 23) Lakini, waamuzi walipaswa kuona sababu na hali zenye zilifanya mutu amuumize.—Hesabu 35:22-24, 31.

Wanadamu wako pia na zamiri. Wakati mwanamuke anasikiliza zamiri yake, ao sauti ya ndani, kwa kuheshimia uzima wa mutoto mwenye hajazaliwa, hilo linamuletea faida. * Zamiri yake inaweza kumusumubua ao kumuhukumu kama haisikilize. (Waroma 2:14, 15) Uchunguzi mbalimbali unaonyesha kwamba wanawake wenye wanatosha mimba wako pia na hatari kubwa ya kupata mahangaiko na mushuko wa moyo.

Lakini, tuseme nini kama munawaza kwamba itakuwa vigumu kulea mutoto, zaidi sana kama hamukupanga kumuzaa? Ona ahadi ya Mungu yenye kutia moyo juu ya watu wenye kushikamana na kanuni zake: ‘Kwa mutu mushikamanifu utatenda kwa ushikamanifu; kwa mwanaume [ao mwanamuke] asiye na kosa, wewe utatenda kwa njia isiyo na kosa.’ (Zaburi 18:25) Biblia inasema tena hivi: ‘Yehova ni mupenda-haki,  naye hatawaacha washikamanifu wake.’—Zaburi 37:28.

‘Zamiri yao inawatolea ushahidi na, katikati ya fikira zao wenyewe, wanashtakiwa ao hata kutetewa.’Waroma 2:15.

Tuseme nini kama umekwisha kutosha mimba?

MAMBO WATU WANASEMA

Ruth, mama mwenye hana bwana, anasema hivi: “Nilikuwa nimezaa watoto tatu na nilifikiri kwamba singeweza kuchunga watoto ine. Lakini kisha kutosha mimba, nilijisikia kwamba nimefanya jambo la mubaya sana.” * Lakini, alifanya jambo lenye Mungu hangeweza kusamehe?

MAMBO BIBLIA INASEMA

Yesu Kristo alionyesha mawazo ya Mungu kuhusu jambo hilo wakati alisema hivi: ‘Nimekuja kuwaita, si watu waadilifu, bali watenda-zambi watubu.’ (Luka 5:32) Kwa hiyo, wakati tunaonyesha huzuni ya kweli kwa sababu ya jambo la mubaya lenye tumefanya na tunatubu na kuomba Mungu musamaha, yeye iko tayari kutusamehe, hata kama tumefanya zambi nzito. (Isaya 1:18) Andiko la Zaburi 51:17 linasema hivi: ‘Moyo uliovunjika na kupondwa, ee Mungu, hautauzarau.’

Zaidi ya kuwa na zamiri safi, Mungu anapatia mutu mwenye kuhuzunika amani ya akili wakati anasali kwake kwa unyenyekevu. Andiko la Wafilipi 4:6, 7 linasema hivi: “Kwa sala na dua pamoja na kutoa shukrani maombi yenu na yajulishwe Mungu; na amani ya Mungu yenye ubora unaozidi fikira zote itailinda mioyo yenu na nguvu zenu za akili.” * Kisha kujifunza Biblia na kumufungulia Mungu moyo wake, Ruth alipata amani hiyo ya ndani. Alijifunza kwamba kwa Mungu ‘kuna musamaha wa kweli.’—Zaburi 130:4.

[Mungu] hakututendea kulingana na zambi zetu; wala kuleta juu yetu kile tunachostahili kulingana na makosa yetu.’Zaburi 103:10.

^ fu. 8 Hali yenye inaweza kutia afya ya mama ao ya mutoto katika hatari haipaswe kuwa sababu ya kutosha mimba. Kama wakati wa kuzaa, bibi na bwana wanapaswa kuchagua kati ya kuokoa uzima wa mutoto ao wa mama, uamuzi ni wao. Hata hivyo, maendeleo katika mambo ya kinganga yamefanya hali hiyo isitokee sana katika maeneo yenye kuendelea.

^ fu. 12 Jina limebadilishwa.

^ fu. 14 Tumaini la ufufuo linaweza pia kusaidia mutu akuwe na amani ya ndani. Ona habari “Maswali Kutoka kwa Wasomaji” katika Munara wa Mulinzi wa tarehe 15 Mwezi wa 4, 2009, yenye inazungumuzia kanuni za Biblia kuhusu uwezekano wa kufufuliwa kwa mutoto mwenye anakufa mbele ya kuzaliwa.