Ona video zinazopatikana

Ona habari zilizo ndani

 KITU HIKI KILIJIFANYA CHENYEWE?

Uwezo wa Ngisi wa Kubadilisha Rangi

Uwezo wa Ngisi wa Kubadilisha Rangi

NGISI wanaweza kubadilisha rangi yao na kujificha wenyewe, na hilo linafanya wasionekane kabisa na macho ya mwanadamu. Kulingana na ripoti moja, ngisi “wanajulikana kuwa na maumbo mbalimbali ya mwili na wanaweza kubadilisha umbo mara moja.” Namna gani wanafanya vile?

Fikiria hili: Ngisi anabadilisha rangi yake kwa kutumia chromatophore, ni kusema, aina fulani ya chembe ya pekee yenye kupatikana chini ya ngozi yake. Chromatophores ziko na mifuko yenye kujaa rangi na yenye kuzungukwa na misuli (muscles) midogo-midogo. Wakati ngisi iko na lazima ya kujificha, ubongo wake unatuma habari ili misuli yenye kuzunguka mifuko hiyo ijigondeshe na ikuwe mifupi. Kwa hiyo, mifuko na rangi yenye kuwa ndani vinavimba, na bila kukawia ngisi anabadilisha rangi na umbo la mwili wake. Ngisi anatumia ufundi huo ili kujificha na pia ili kuvutia ngisi wa kiume ao wa kike na pengine ili kupashana habari.

Mafundi kwenye Masomo ya Juu ya Bristol, katika inchi ya Uingereza, walitengeneza ngozi ya ngisi. Walitia diske za mupira (caoutchouc) za rangi nyeusi katikati ya vitu fulani vidogo vyenye kutumika kama misuli ya ngisi. Wakati wachunguzi walitia umeme (courant) kwenye ngozi, vitu hivyo vilisawazishwa na kupanua diske nyeusi, vilibadilisha rangi ya ngozi kwa kuifanya kuwa nyeusi.

Uchunguzi juu ya misuli ya ngisi, ni kusema, “uwezo wa uumbaji wa kubadilisha umbo,” kulingana na fundi Jonathan Rossiter, unaweza kusaidia kutengeneza nguo zenye kubadilisha rangi katika sekunde kidogo sana. Rossiter anasema kama watu wanaweza kuvaa nguo zenye zilitengenezwa kwa kufuata mufano wa ngisi, ili kujificha ao ili tu kufuata mutindo.

Unawaza namna gani? Uwezo wa ngisi wa kubadilisha rangi ulijitokeza wenyewe? Ao uliumbwa?