Yehova Mungu anatuwekea kanuni za mwenendo. Kwa mufano, aliamuru ndoa ikuwe muungano wenye kuendelea kati ya mwanaume na mwanamuke. (Mt 19:4-6, 9) Anachukia mwenendo wowote mubaya wa ngono. (1Kor 6:9, 10) Anawekea hata watu wake kanuni juu ya namna ya kuvaa na kujipamba ili wakuwe tofauti kabisa.​—Kum 22:5; 1Tim 2:9, 10.

Katika ulimwengu wa leo, watu wanakataa kufuata kanuni za Yehova. (Rom 1:18-32) Wanaacha mawazo ya watu wengi yachochee namna yao ya kuvaa na kujipamba, na mwenendo wao. Wengi wanaonyesha waziwazi mwenendo wao mubaya na wanasema mubaya wale wenye kufuata kanuni za Yehova.​—1Pet 4:3, 4.

Sisi Mashahidi wa Yehova, hatupaswe kuogopa kutegemeza kanuni za Mungu za mwenendo. (Rom 12:9) Namna gani? Kwa busara, tunapaswa kujulisha wengine mambo yenye Yehova anakubali. Lakini tunapaswa pia kuwa na mwenendo muzuri katika maisha yetu. Kwa mufano, wakati tunachagua namna ya kuvaa na kujipamba, tunapaswa kujiuliza hivi: ‘Maamuzi yangu yanategemeza kanuni za Yehova ao za ulimwengu? Namna yangu ya kuvaa na kujipamba inaonyesha kama ninamuogopa Mungu?’ Ao wakati tunaamua kufuata programu fulani ya televizyo ao kuangalia filme fulani, tunapaswa kujiuliza hivi: ‘Yehova anakubali maamuzi yangu? Filme ao programu hiyo inategemeza kanuni za nani za mwenendo? Maamuzi yangu katika mambo ya kujifurahisha yanaweza kufanya nikose kuwa muangilifu kiroho? (Zab 101:3) Maamuzi hayo yanaweza kukwaza watu wa familia yangu na watu wengine?’​—1Kor 10:31-33.

Sababu gani tunapaswa kutegemeza kanuni za Yehova za mwenendo? Kristo Yesu anakaribia kuharibu mataifa na mambo yote ya mubaya. (Eze 9:4-7) Ni wale tu wanafanya mapenzi ya Mungu ndio wataokoka. (1Yoh 2:15-17) Kwa hiyo, sisi wote, tutegemeze kanuni za Yehova za mwenendo ili watu wenye wanaona mwenendo wetu muzuri waweze kumutukuza Mungu.​—1Pet 2:11, 12.

Maamuzi yangu katika namna ya kuvaa na kujipamba yanaonyesha kama ninafuata kanuni za nani za mwenendo?

MUANGALIE VIDEO UKUWE RAFIKI YA YEHOVA​—MWANAUME MOJA KWA AJILI YA MWANAMUKE MOJA, KISHA MUJIBIE MAULIZO HAYA:

  • Sababu gani tunapaswa kufuata kanuni za Yehova za mwenendo?

  • Sababu gani wazazi wanapaswa kuanza kufundisha watoto wao kanuni za Yehova za mwenendo tangu utoto?

  • Namna gani vijana na wazee wanaweza kusaidia watu wafaidike na ahadi ya Mungu kwa ajili ya wakati unaokuja?