Kuonyesha watu vitu wakati uko unawafundisha kunawasaidia wafuate kwa uangalifu mambo yenye uko unawafundisha na kunawasaidia waielewe muzuri na waendelee kuikumbuka. Yehova, Mufundishaji wetu Mukubwa, alitumia ile njia juu ya kufundisha mambo ya maana sana. (Mwa 15:5; Yer 18:1-6) Yesu, Mwalimu Mukubwa, alitumia pia ile njia. (Mt 18:2-6; 22:19-21) Mu miaka ya sasa hivi, kutumia video ni njia yenye inasaidia sana wakati wa kufundisha. Je, uko unatumia muzuri video wakati unafundisha wanafunzi wako wa Biblia?

Video kumi zimetayarishwa juu ya kutusaidia kufundisha somo za mu broshua Habari Njema Yenye Inatoka kwa Mungu! Kwa kawaida, kichwa cha kila video kinapatana na moja kati ya maulizo yenye inaandikwa mu maandiko ya mweusi mu broshua. Broshua ya kielektroniki yenye kuwa ku jw.org iko na viunganishi vya kutukumbusha wakati wa kuonyesha kila video. Tena, kuko video zingine zenye zinasaidia kuelewa muzuri zaidi habari zenye ziko mu vichapo vingine vya kujifunza vyenye kupatikana mu Vyombo Vyetu vya Kufundishia.

Je, muko munajifunza habari fulani ya Biblia yenye iko nguvu kwa mwanafunzi wako kuelewa? Ao mwanafunzi wako iko anapambana na jaribu fulani? Tafuta video yenye inaweza kumusaidia ku jw.org na ku JW Télédiffusion. Munaweza kuiangalia na mwanafunzi wako na kisha munaizungumuzia.

Video za mupya zinatokaka kila mwezi. Wakati unaziangalia, fikiria namna unaweza kuzitumia juu ya kufundisha wengine.