Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Utumishi na Maisha ya Mukristo--Buku la Mukutano  |  Mwezi wa 2, 2017

 MAISHA YA MUKRISTO

Tutumie Vichapo Vyetu kwa Hekima

Tutumie Vichapo Vyetu kwa Hekima

Yesu alifundisha hivi: ‘Mulipokea bure, mutoe bure.’ (Mt 10:8) Tunafuata muongozo huo wa Yesu wakati tunatolea watu Biblia na vichapo vyetu vingine vyenye kutegemea Biblia. (2Kor 2:17) Ni wazi kwamba vichapo hivyo viko na kweli za maana za Neno la Mungu. Inaomba kazi na feza nyingi sana ili kuvichapisha na kuvifikisha katika makutaniko ya dunia yote. Ndiyo sababu tunapaswa kuchukua tu vichapo vyenye tuko navyo lazima kabisa.

Tutumie utambuzi wakati tunatolea watu vichapo, hata wakati tunahubiri mahali pa watu wengi. (Mt 7:6) Kuliko tu kupatia-patia wapita-njia vichapo, tujikaze kuzungumuza nao ili kujua kama wanapendezwa. Kati ya maulizo yenye kuwa katika kisanduku hapa pembeni, unaweza kujibia ndiyo hata kwa ulizo moja? Ikiwa hautambue kama mutu anapendezwa, ni muzuri zaidi kumuachia trakte. Lakini kama mutu huyo anakuomba gazeti ao kichapo kingine, unaweza kumupatia.—Met 3:27, 28.