Ona video zinazopatikana

Ona mambo yaliyo katika kila habari

Ona habari zilizo ndani

Mashahidi wa Yehova

Kiswahili (Congo)

Utumishi na Maisha ya Mukristo--Buku la Mukutano  |  Mwezi wa 1, 2016

 MAISHA YA MUKRISTO

Tukomalishe Ufundi Wetu wa Kuhubiri—Kutayarisha Musikilizaji kwa Ajili ya Mazungumuzo ya Siku Ingine

Tukomalishe Ufundi Wetu wa Kuhubiri—Kutayarisha Musikilizaji kwa Ajili ya Mazungumuzo ya Siku Ingine

SABABU GANI NI LAZIMA KUFANYA HIVYO:

Tunapenda kutia maji mbegu za kweli zenye tunapanda. (1Kor 3:⁠6) Wakati mutu fulani anafurahia ujumbe wetu, ni muzuri kuacha ulizo lenye tutazungumuzia siku ingine. Kufanya hivyo, kutasaidia mwanafunzi ajue mambo yenye mutazungumuzia siku ingine, na kutasaidia mwalimu kujitayarisha kwa ajili ya kumurudilia. Wakati tunamurudilia, tunaweza kusema kwamba tunakuja kujibia ulizo lenye tuliacha siku yenye ilipita.

NAMNA YA KUFANYA:

  • Wakati unajitayarisha kwa ajili ya mahubiri ya nyumba kwa nyumba, tayarisha pia ulizo lenye utamuachia musikilizaji ili kulijibia wakati utamurudilia. Ulizo hilo linaweza kutegemea habari yenye kupatikana katika kichapo chenye unamutolea. Ao linaweza kuwa ulizo lenye kujibiwa katika kichapo chenye tunatumia ili kujifunza na watu Biblia; kwa hiyo, wakati unamurudilia unaweza kupendekeza funzo kupitia kichapo hicho.

  • Wakati unamaliza kuzungumuza na mutu mwenye anapendezwa, umuambie kwamba utafurahia kuzungumuza tena naye siku ingine, kisha uulize ulizo lenye ulitayarisha. Kama inawezekana, umuulize namna gani munaweza kuonana tena.

  • Kama munapanga kuonana siku na saa fulani, uheshimu programu hiyo.—Mat 5:37.