Ona video zinazopatikana

Ona habari zilizo ndani

 SOMO LA 18

Tunafanyaka Nini ili Kusaidia Ndugu na Dada Zetu Wakati wa Taabu?

Tunafanyaka Nini ili Kusaidia Ndugu na Dada Zetu Wakati wa Taabu?

Jamuhuri ya Dominika

Japani

Haiti

Wakati musiba unatokea, bila kukawia Mashahidi wa Yehova wanakamata mipango ili kusaidia ndugu na dada zao wenye wamepatwa na musiba huo. Kufanya vile kunaonyesha kama tunapendana kabisa. (Yohana 13:34, 35; 1 Yohana 3:17, 18) Tunafanya nini ili kuwasaidia?

Tunatoa feza. Wakati njaa kali ilitokea katika Yudea, Wakristo wa wakati wa mitume wa Antiokia walitumia Wakristo wa Yudea feza ili kuwasaidia. (Matendo 11:27-30) Vilevile, wakati tunasikia kama ndugu zetu wenye kuwa katika sehemu fulani ya dunia wanapatwa na taabu, tunatuma michango kupitia kutaniko letu ili kusaidia wale wenye kuwa na lazima ya musaada.​—2 Wakorinto 8:13-15.

Tunawatolea musaada wenye wako nao lazima. Wazee wenye kuwa katika eneo kwenye musiba ulitokea wanatafuta kujua mahali kwenye kila ndugu na dada wa kutaniko iko, ili kuhakikisha kama wote wamepatikana na wako salama. Halmashauri ya kutoa misaada inaweza kusimamia kazi ya kutolea watu chakula, maji safi ya kunywa, manguo, makao, na matunzo. Mashahidi wengi wenye kuwa na ufundi mbalimbali wanajitolea na kujilipia wao wenyewe safari ya kuenda mahali kwenye musiba ulitokea, ili kusaidia kutengeneza nyumba za ndugu na dada na Majumba ya Ufalme yenye imeharibika. Juu tuko na umoja na tumezoea kutumika pamoja katika tengenezo, hilo linatusaidia tupate bila kukawia wafanyakazi na musaada wenye kuhitajiwa. Hata kama tunasaidia wale “wenye kuwa wa jamaa yetu katika imani,” kama inawezekana, tunasaidia pia wale wenye hawako Mashahidi.​—Wagalatia 6:10.

Tunawafariji kupitia Biblia. Watu wenye wamepata musiba wako na lazima ya faraja ao kitulizo. Wakati kama huo, tunamutegemea Yehova, “Mungu wa faraja yote,” ili atupatie nguvu. (2 Wakorinto 1:3, 4) Kwa furaha, tunaelezea wale wenye hawana tumaini juu ya ahadi (ao malako) za Biblia; tunawahakikishia kama hivi karibuni Ufalme wa Mungu utamaliza misiba yote yenye inaleta maumivu na mateso.​—Ufunuo 21:4.

  • Juu ya nini Mashahidi wa Yehova hawakawiake kutoa musaada wakati musiba unatokea?

  • Namna gani tunafariji watu wenye wamepatwa na musiba?