Ona video zinazopatikana

Ona habari zilizo ndani

 SOMO LA 9

Unaweza Kufanya Nini ili Familia Yako Ikuwe na Furaha?

Unaweza Kufanya Nini ili Familia Yako Ikuwe na Furaha?

1. Juu ya nini kuandikisha ndoa ni jambo la lazima ili familia ikuwe na furaha?

Habari njema inatoka kwa Yehova, Mungu mwenye furaha, mwenye anapenda familia zikuwe na furaha. (1 Timoteo 1:11) Yeye njo alianzisha ndoa. Kuandikisha ndoa kunasaidia familia ikuwe na furaha, juu kufanya vile kunasaidia watoto wakomalie katika hali yenye kuwa salama. Wakristo wanapaswa kuheshimia sheria za inchi yao zenye kuhusu kuandikisha ndoa.​—Soma Luka 2:1, 4, 5.

Mungu iko na mawazo gani juu ya ndoa? Anapenda mwanaume na mwanamuke wenye wameoana wabakie pamoja sikuzote. Yehova anapenda bwana akuwe muaminifu kwa bibi yake na bibi akuwe muaminifu kwa bwana yake. (Waebrania 13:4) Anachukia kuvunja ndoa. (Malaki 2:16) Lakini anaruhusu Mukristo avunje ndoa na kuoa ao kuolewa tena kama bibi ao bwana yake amefanya kitendo cha ndoa na mutu mwingine.​—Soma Matayo 19:3-6, 9.

2. Bibi na bwana wanapaswa kutendeana namna gani?

Mu ndoa, mwanaume iko na lazima ya mwanamuke na mwanamuke iko na lazima ya mwanaume; Yehova njo aliwaumba vile. (Mwanzo 2:18) Kwa sababu mwanaume njo kichwa ao kiongozi wa familia, iko na daraka la kutimizia watu wa familia yake mambo yenye wako nayo lazima na kuwafundisha juu ya Mungu. Anapaswa kumupenda sana bibi yake. Bibi na bwana wanapaswa kupendana na kuheshimiana. Juu hakuna bibi ao bwana mwenye kuwa mukamilifu, kusameheana ni jambo la maana sana kwa sababu kutawasaidia wakuwe na furaha mu ndoa yao.​—Soma Waefeso 4:31, 32; 5:22-25, 33; 1 Petro 3:7.

 3. Unapaswa kutengana na bibi ao bwana yako kama ndoa yenu iko na magumu?

Kama ndoa yenu iko na magumu, ninyi wawili munapaswa kujikaza kutendeana kwa upendo. (1 Wakorinto 13:4, 5) Neno la Mungu halishaurie bibi na bwana watengane ili kumaliza magumu yenye inatokeaka mu ndoa.​—Soma 1 Wakorinto 7:10-13.

4. Watoto, Mungu anapenda mukuwe na maisha ya namna gani?

Yehova anapenda mukuwe na furaha. Anawapatia mashauri ya muzuri yenye inaweza kuwasaidia mukuwe na furaha wakati muko vijana. Wazazi wenu wako na hekima na wamekwisha kuona mambo mingi mu maisha. Kwa hiyo, anapenda muwasikilize ili mupate faida. (Wakolosai 3:20) Yehova ni Muumbaji wenu, kwa hiyo anapenda mupate furaha yenye mutu anapata wakati anamutumikia yeye na Mwana wake.​—Soma Muhubiri 11:9–12:1; Matayo 19:13-15; 21:15, 16.

5. Wazazi, munaweza kufanya nini ili watoto wenu wakuwe na furaha?

Munapaswa kufanya kazi kwa bidii ili watoto wenu wapate chakula, nafasi ya kuishi, na manguo. (1 Timoteo 5:8) Lakini, ili watoto wenu wakuwe na furaha, munapaswa kuwafundisha wamupende Mungu na wajifunze Neno lake. (Waefeso 6:4) Kama munamupenda Mungu, mufano wenu unaweza kuwasaidia sana. Kama munatumia Neno la Mungu wakati munafundisha watoto wenu, hilo linaweza kuwasaidia wakuwe na mawazo yenye kufaa.​—Soma Kumbukumbu la Torati 6:4-7; Mezali 22:6.

Watoto wenu wanapata faida wakati munawatia moyo na kuwapongeza. Tena, munapaswa kuwarekebisha na kuwapatia nizamu (discipline). Kufanya vile kutasaidia watoto wasikuwe na tabia yenye inaweza kuwafanya wakose furaha. (Mezali 22:15) Lakini, hamupaswe kupatia watoto nizamu kwa ukali ao bila huruma.​—Soma Wakolosai 3:21.

Mashahidi wa Yehova wamechapisha vitabu mingi vyenye vimeandikwa zaidi sana ili kusaidia wazazi na watoto. Mawazo yenye kuwa mu vitabu hivyo inatoka mu Biblia.​—Soma Zaburi 19:7, 11.