Ona video zinazopatikana

Ona habari zilizo ndani

 SOMO LA 3

Habari Njema Yenye Iko mu Biblia Inatoka Kabisa kwa Mungu?

Habari Njema Yenye Iko mu Biblia Inatoka Kabisa kwa Mungu?

1. Ni nani aliandikisha Biblia?

Biblia iko na habari njema yenye inasema kama watu wataishi milele ku dunia. (Zaburi 37:29) Biblia iko na vitabu vidogo-vidogo 66. Mungu alitumia watu waaminifu karibu 40 ili kuandika vile vitabu. Musa njo aliandika vitabu tano vya kwanza kumepita karibu miaka 3 500. Na mutume Yohana njo aliandika kitabu cha mwisho kumepita miaka zaidi ya 1 900. Watu wenye waliandika Biblia, waliandika mawazo ya nani? Mungu alitumia roho yake takatifu ili kupatia watu hao mawazo ya kuandika. (2 Samweli 23:2) Waliandika mawazo ya Mungu, lakini haiko mawazo yao wenyewe. Kwa hiyo, Yehova njo aliandikisha Biblia.​—Soma 2 Timoteo 3:16; 2 Petro 1:20, 21.

Angalia video Ni Nani Aliandikisha Biblia?

2. Ni mambo gani inatuonyesha kabisa kama Biblia inasema kweli?

Tunajua kama Biblia inatoka kwa Mungu juu haidanganyike hata kidogo wakati inatabiri mambo ya wakati wenye kuja. Hakuna mutu mwenye anaweza kufanya vile. (Yoshua 23:14) Mungu Mweza-Yote tu njo anaweza kutabiri bila kudanganyika wakati wenye kuja wa wanadamu.​—Soma Isaya 42:9; 46:10.

Kwa kweli, kitabu chenye kinatoka kwa Mungu hakipaswe kuwa kama vitabu vingine; na Biblia haiko kama vitabu vingine. Watu wamepata mamiliare ya Biblia katika mamia ya luga. Hata kama Biblia ni kitabu cha zamani, mambo yenye inasema inapatana na sayansi. Tena, mambo yenye wale watu 40 waliandika inapatana kabisa. * Na mambo yenye Biblia inasema juu ya upendo ingeweza tu kutoka kwa Mungu wa kweli, Mungu mwenye upendo. Na mpaka leo, ingali na uwezo wa kubadilisha maisha ya  watu. Ile mambo inafanya watu wengi sana waamini kabisa kama Biblia ni Neno la Mungu.​—Soma 1 Watesalonike 2:13.

Angalia video Namna Gani Tunaweza Kuwa Hakika Kama Biblia Inasema Kweli?

3. Biblia inazungumuzia mambo gani?

Biblia inazungumuzia sana habari njema yenye kuonyesha kama Mungu iko na kusudi la kufanyia watu mambo ya muzuri sana. Maandiko inaonyesha juu ya nini mutu alifukuzwa mu paradiso na namna ile paradiso itarudishwa tena.​—Soma Ufunuo 21:4, 5.

Pia, mu Neno la Mungu muko sheria, kanuni, na mashauri. Tena, mu Biblia muko habari zenye zinaonyesha namna Mungu alitendea watu; habari hizo zinatusaidia kujua sifa za Mungu. Kwa hiyo, Biblia inaweza kukusaidia umujue Mungu. Inaonyesha mambo yenye unaweza kufanya ili ukuwe rafiki ya Mungu.​—Soma Zaburi 19:7, 11; Yakobo 2:23; 4:8.

4. Namna gani unaweza kuelewa Biblia?

Broshua hii itakusaidia kuelewa ao kusikia muzuri Biblia; inatumia njia yenye Yesu alitumia. Alikuwa anataja maandiko na kisha alikuwa anafasiria “maana ya Maandiko.”​—Soma Luka 24:27, 45.

Habari njema yenye inatoka kwa Mungu njo habari yenye kufurahisha sana kupita mambo ingine yote. Lakini, watu fulani hawafurahie habari njema hiyo, na wengine wanakasirika wakati wanaisikia. Usivunjike moyo. Kama unapenda kupata uzima wa milele, unapaswa kufikia kumujua Mungu.​—Soma Yohana 17:3.

 

^ fu. 3 Ona broshua Kitabu kwa Ajili ya Watu Wote.