Ona video zinazopatikana

Ona habari zilizo ndani

 SURA YA 1

Mungu Ni Nani?

Mungu Ni Nani?

1, 2. Watu wanazoea kujiuliza maulizo gani?

WATOTO wanazoea kuuliza maulizo mingi. Unaweza kuwafasiria jambo fulani, lakini mara mingi wanauliza, ‘Juu ya nini?’ Na wakati unajaribu kuwajibu, wanaweza kuuliza, ‘Lakini, juu ya nini?’

2 Sisi wote tunajiulizaka maulizo hata kama tuko vijana ao watu wakubwa. Tunaweza kujiuliza tutakula nini, tutavaa nini, ao tutauza nini. Ao tunaweza kujiuliza maulizo ya maana juu ya maisha na juu ya wakati wenye kuja. Lakini, kama hatupate majibu yenye kufurahisha ya maulizo hayo, tunaweza kuacha kutafuta majibu.

3. Watu wengi wanawazaka kama hawawezi kupata majibu ya maulizo yao ya maana. Juu ya nini?

3 Biblia iko na majibu ya maulizo ya maana yenye tunajiulizaka? Watu fulani wanawazaka kama Biblia iko na majibu, lakini wanaona kama haiko mwepesi kuelewa majibu hayo. Wanaweza kuwaza kama wakubwa wa dini (religion) na wale wenye kufundisha watu mambo ya Mungu njo tu wanajua majibu. Na wengine wanasikia haya sana ya kuitika kama hawajue majibu ya maulizo fulani. Na wewe, unawaza nini?

4, 5. Unajiulizaka maulizo gani ya maana? Juu ya nini unapaswa kuendelea kutafuta majibu?

4 Pengine unapenda kujua majibu ya maulizo kama vile: Juu ya nini nilizaliwa? Siku nitakufa, nitaendaka wapi? Mungu iko namna gani? Yesu, Mwalimu mwenye kujulikana sana, alisema hivi: “Muendelee kuomba, na mutapewa; muendelee kutafuta, na mutapata; muendelee kupiga hodi, na watawafungulia.” (Matayo 7:7)  Uendelee basi kutafuta mupaka upate majibu ya kweli.

5 Kwa kweli, kama ‘unaendelea kutafuta,’ utapata majibu mu Biblia. (Mezali 2:1-5) Majibu ya Biblia haiko nguvu sana kuelewa ao kusikia. Mambo yenye unajifunza yatakusaidia ukuwe na maisha yenye furaha leo na tumaini la muzuri juu ya wakati wenye kuja. Tuzungumuzie sasa ulizo lenye watu wengi wanajiulizaka.

MUNGU ANATUHANGAIKIAKA?

6. Watu fulani wanawaza kama Mungu hawahangaikiake. Juu ya nini?

6 Watu wengi wanawaza kama Mungu hatuhangaikiake. Wanasema, kama Mungu alikuwa anatuhangaikia, dunia haingekuwa vile iko leo. Tunaona vita, chuki, na mateso kila mahali. Watu wanagonjwa, wanateseka, na wanakufa. Watu fulani wanajiuliza hivi: ‘Kama Mungu alikuwa anatuhangaikia, juu ya nini hamalize mateso haya yote?’

7. (a) Namna gani wakubwa wa dini wamefundisha watu kama Mungu anatuletea mateso? (b) Wakati mambo ya mubaya yanatokea haiko muzuri kusema kama ni kosa la Mungu. Juu ya nini?

7 Wakati fulani wakubwa wa dini wanafanya watu wawaze kama Mungu njo anatuletea mateso. Wakati jambo fulani la mubaya linatokea, wanasema kama ni mapenzi ya Mungu. Wanasema kama Mungu njo alipenda jambo hilo litokee. Wakati wanasema vile, kwa kweli wanasema kama ni kosa la Mungu. Lakini Biblia inafundisha kama Mungu hawezi hata kidogo kuletea watu mambo ya mubaya. Andiko la Yakobo 1:13 linasema kama Mungu hajaribu mutu yeyote na mambo ya mubaya. Linasema hivi: “Wakati mutu iko katika jaribu, asiseme: ‘Mungu ananijaribu.’ Kwa maana Mungu hawezi kujaribiwa na mambo maovu, wala yeye  mwenyewe hamujaribu mutu yeyote.” Maana yake, hata kama Mungu anaacha mambo ya mubaya yatokee, halete hata kidogo mambo hayo. (Soma Yobu 34:10-12.) Tuone mufano fulani.

8, 9. Wakati tuko na magumu ao mateso, juu ya nini hatuna sheria ya kusema kama ni kosa la Mungu? Leta mufano.

8 Wazia kijana mwanaume mwenye anaishi kwao pamoja na wazazi wake. Baba yake anamupenda sana na amemufundisha namna ya kukamata maamuzi ya muzuri. Lakini, siku moja kijana huyo anaamua kama hatatii ao hatasikiliza tena baba yake, na kisha anatoka kwao. Anafanya mambo ya mubaya kisha anaanza kuteseka. Utasema kama ni kosa la baba yake juu alimuacha aende? Hapana kabisa! (Luka 15:11-13) Kama ule baba, Mungu aliacha wanadamu wakati walichagua kukataa kumutii na kufanya mambo ya mubaya. Kwa hiyo, wakati jambo fulani la mubaya linatokea, tunapaswa kukumbuka kama haiko Mungu njo analeta jambo hilo. Hatuna sheria ya kusema kama ni kosa la Mungu.

9 Juu ya nini Mungu hajamaliza mambo ya mubaya? Iko na sababu ya muzuri. Katika Sura ya 11, utajifunza mambo yenye Biblia inasema juu ya jambo hilo. Lakini, unaweza kuwa hakika kama Mungu anatupenda na kama wakati tuko na magumu haiko kosa lake. Kwa kweli, yeye tu njo anaweza kuyamaliza.​—Isaya 33:2.

10. Juu ya nini tunaweza kuamini kabisa kama Mungu atamaliza mambo yote ya mubaya yenye watu wabaya wameleta?

10 Mungu ni mutakatifu. (Isaya 6:3) Mambo yote yenye anafanya ni safi na ni ya muzuri. Kwa hiyo, tunaweza kumutumainia. Watu hawakuwake vile. Wakati fulani wanafanya mambo ya mubaya. Na hata viongozi wenye kuwa na nia ya muzuri kabisa hawawezi kumaliza mambo ya mubaya yenye watu wabaya wanafanya. Hakuna mutu mwenye kuwa na nguvu kama  vile Mungu. Mungu anaweza kumaliza kabisa mambo yote ya mubaya yenye watu wabaya wameleta, na atafanya vile. Atamaliza mambo hayo milele.​—Soma Zaburi 37:9-11.

MUNGU ANAJISIKIA NAMNA GANI WAKATI WATU WANATESEKA?

11. Mungu anajisikia namna gani wakati anaona unateseka?

11 Mungu anajisikia namna gani wakati anaona mambo yenye kufanyika mu dunia ao wakati anaona unateseka? Biblia inafundisha kama Mungu “anapenda haki.” (Zaburi 37:28) Kwa hiyo, anapenda mambo ya muzuri na anachukia mambo ya mubaya. Anachukia kuona watu wanateseka. Biblia inasema kama zamani ‘moyo wake ulihuzunika’ wakati aliona dunia inajaa mambo ya mubaya. (Mwanzo 6:5, 6) Mungu hajabadilika. (Malaki 3:6) Biblia inasema kama Mungu anakuhangaikia sana.​—Soma 1 Petro 5:7.

Biblia inafundisha kama Yehova ni Muumbaji wa ulimwengu mwenye upendo

12, 13. (a) Juu ya nini tunapenda wengine na kuwahangaikia, na tunajisikia namna gani wakati tunaona mateso yenye kuwa mu dunia? (b) Juu ya nini tunaweza kuwa hakika kama Mungu atamaliza mateso yote na ukosefu wote wa haki?

12 Tena, Biblia inasema kama Mungu alituumba kwa mufano wake. (Mwanzo 1:26) Maana yake, wakati Mungu alituumba alitupatia sifa kama zake. Kwa hiyo, kama unajisikia mubaya wakati unaona watu wenye hawana kosa wanateseka, ni kusema, Mungu anapaswa kujisikia mubaya zaidi wakati anaona jambo hilo! Ni nini inaonyesha vile?

13 Biblia inatufundisha kama “Mungu ni upendo.” (1 Yohana 4:8) Mambo yote yenye Mungu anafanya, anayafanya juu anatupenda. Kwa hiyo, tuko na upendo juu Mungu iko na upendo. Wazia jambo hili: kama ungekuwa na nguvu, ungemaliza mateso na ukosefu  wote wa haki mu dunia, haiko vile? Kwa kweli, ungefanya vile, kwa sababu unapenda watu. Sasa Mungu naye? Iko na nguvu na kwa sababu anapenda watu, atamaliza mateso yote na ukosefu wote wa haki. Unaweza kuamini kabisa kama ahadi (malako) zote za Mungu zenye kuzungumuziwa ku mwanzo wa kitabu hiki zitatimia! Lakini ili utumainie ahadi hizo, unapaswa kujua mambo mingi zaidi juu ya Mungu.

MUNGU ANAPENDA UMUJUE

Kama unapenda ukuwe rafiki ya mutu fulani, unamuambiaka jina lako. Mungu anatuambia jina lake katika Biblia

14. Jina la Mungu ni nani? Na ni nini inaonyesha kama tunapaswa kutumia jina hilo?

14 Kama unapenda ukuwe rafiki ya mutu fulani, unamuambiaka nini kwanza? Jina lako. Mungu iko na jina? Dini za mingi zinasema kama jina lake ni Mungu ao Bwana, lakini ile haiko majina ya pekee. Ni majina ya cheo kama vile “mufalme” ao “raisi (kiongozi wa inchi).” Mungu ametuambia kama jina lake ni Yehova. Zaburi 83:18 inasema hivi: “Wajue kwamba wewe, mwenye jina lako ni Yehova, wewe peke yako ndiye Mwenye Kuwa Juu Zaidi, juu ya dunia yote.” Watu wenye waliandika Biblia walitumia jina la Mungu zaidi ya mara 7 000. Yehova anapenda ujue jina lake na ulitumie. Anakuambia jina lake ili ukuwe rafiki yake.

15. Jina Yehova maana yake nini?

 15 Jina la Mungu, Yehova, liko na maana kubwa; maana yake, Mungu anaweza kutimiza kila ahadi yenye anatoa na anaweza kutimiza kusudi lake. Hakuna kitu chenye kinaweza kumuzuia. Yehova tu njo anaweza kuwa na jina hilo. *

16, 17. Majina haya maana yake nini? (a) “Mweza-Yote.” (b) “Mufalme wa umilele.” (c) “Muumbaji.”

 16 Kama vile tulisoma, Zaburi 83:18 inasema hivi juu ya Yehova: “Wewe peke yako ndiye Mwenye Kuwa Juu Zaidi.” Na andiko la Ufunuo 15:3 linasema hivi: “Matendo yako ni makubwa na ya ajabu, Yehova Mungu, Mweza-Yote. Njia zako ni za haki na za kweli, Mufalme wa umilele.” Jina la cheo “Mweza-Yote” maana yake nini? Maana yake, Yehova iko na nguvu mingi kushinda watu wote katika ulimwengu. Na jina la cheo “Mufalme wa umilele” maana yake, iko milele na milele. Zaburi 90:2 inafasiria kama ni wa tangu milele mupaka milele. Jambo hilo ni la ajabu kabisa, haiko vile?

17 Yehova tu njo Muumbaji. Andiko la Ufunuo 4:11 linasema hivi: “Unastahili, Yehova Mungu wetu, kupokea utukufu na heshima na nguvu, kwa sababu uliumba vitu vyote, na kwa sababu ya mapenzi yako vilifikia  kuwa na vikaumbwa.” Jina la cheo “Muumbaji” maana yake nini? Maana yake, Yehova aliumba vitu vyote: aliumba malaika, nyota, matunda, wanyama, samaki, na vitu vingine vyote!

UNAWEZA KUWA RAFIKI YA YEHOVA?

18. Juu ya nini watu fulani wanawaza kama hawawezi kuwa marafiki wa Mungu? Biblia inasema nini juu ya jambo hilo?

18 Wakati watu fulani wanasoma juu ya sifa za Yehova zenye kushangaza, wanaogopa na kuwaza hivi, ‘Mungu iko na nguvu mingi, ni mukubwa sana, na iko mbali sana, anaweza kunihangaikia kabisa?’ Lakini, Mungu anapenda tuwaze vile? Hapana kabisa. Yehova anapenda tukuwe marafiki wake. Biblia inasema kama Mungu “haiko mbali sana na kila mumoja wetu.” (Matendo 17:27) Mungu anapenda umukaribie, na anaahidi kama ‘atakukaribia.’​—Yakobo 4:8.

19. (a) Unaweza kufanya nini ili ukuwe rafiki ya Mungu? (b) Ni sifa gani za Yehova zenye unapenda zaidi?

19 Unapaswa kufanya nini ili ukuwe rafiki ya Mungu? Yesu alisema hivi: “Uzima wa milele ndio huu, wafikie kukujua wewe Mungu wa pekee wa kweli, na ule mwenye ulituma, Yesu Kristo.” (Yohana 17:3) Endelea kujifunza na utafikia kujua Yehova na Yesu. Na kisha unaweza kupata uzima wa milele. Kwa mufano, tumejifunza kama “Mungu ni upendo.” (1 Yohana 4:16) Lakini, iko na sifa zingine za muzuri. Biblia inasema kama Yehova ni “mwenye rehema na huruma, hakasirike haraka na ni mwenye upendo mwingi mushikamanifu na kweli.” (Kutoka 34:6) Yehova ni ‘mwema na iko tayari kusamehe.’ (Zaburi 86:5) Mungu ni muvumilivu na mushikamanifu. (2 Petro 3:9; Ufunuo 15:4) Utajifunza mambo mingi zaidi juu ya sifa zake wakati utaendelea kusoma Biblia.

20-22. (a) Unaweza kufanya nini ili ukuwe rafiki ya Mungu hata kama hauwezi kumuona? (b) Unapaswa kufanya nini kama wengine wanapenda uache kujifunza Biblia?

 20 Namna gani unaweza kuwa rafiki ya Mungu hata kama hauwezi kumuona? (Yohana 1:18; 4:24; 1 Timoteo 1:17) Wakati unasoma juu ya Yehova katika Biblia, utamujua muzuri zaidi. (Zaburi 27:4; Waroma 1:20) Kama unaendelea kujifunza mambo mingi juu ya Yehova, utamupenda zaidi na urafiki wako pamoja naye utakuwa wenye nguvu zaidi.

Baba anapenda watoto wake, lakini Baba yetu wa mbinguni anatupenda zaidi

21 Utaelewa kama Yehova ni Baba yetu. (Matayo 6:9) Alitupatia uzima na anapenda tukuwe na maisha ya muzuri kabisa. Kila baba mwenye upendo anapenda watoto wake wakuwe na maisha ya muzuri kabisa. (Zaburi 36:9) Kwa kweli, Biblia inafundisha kama unaweza kuwa rafiki ya Yehova. (Yakobo 2:23) Yehova, Muumbaji wa ulimwengu wote anapenda ukuwe rafiki yake!

22 Watu fulani wanaweza kukuambia uache kujifunza Biblia. Wanaweza kuogopa kama utaacha dini yako. Lakini usiache hata mutu yeyote akuzuie kuwa rafiki ya Yehova. Yeye njo rafiki wa muzuri zaidi mwenye unaweza kuwa naye.

23, 24. (a) Juu ya nini unapaswa kuendelea kuuliza maulizo? (b) Tutazungumuzia nini katika habari yenye kufuata?

23 Wakati unaendelea kujifunza Biblia kuko mambo yenye hautaelewa. Usisikie haya ya kuuliza maulizo ao kuomba musaada. Yesu alisema kama tunapaswa kuwa kama watoto wadogo. (Matayo 18:2-4) Watoto wadogo hawakuwake na kiburi, na wanauliza maulizo mingi. Mungu anapenda upate majibu. Kwa hiyo, ujifunze Biblia muzuri kabisa ili ukuwe hakika kama mambo yenye unajifunza ni ya kweli.​—Soma Matendo 17:11.

24 Njia ya muzuri zaidi ya kumujua Yehova ni kujifunza Biblia. Katika habari yenye kufuata, tutaona juu ya nini Biblia haiko sawa na vitabu vingine vyote.

^ fu. 15 Kama Biblia yako haina jina Yehova ao kama unapenda kupata habari zaidi juu ya maana ya jina la Mungu ao namna ya kusema jina hilo, unaweza kuona Mafasirio Ingine ya 1.