Ona video zinazopatikana

Ona habari zilizo ndani

MUENDELEE KUKESHA!

Bei ya Vitu Imepanda mu Dunia Yote—Biblia Inasema Nini?

Bei ya Vitu Imepanda mu Dunia Yote—Biblia Inasema Nini?

 Mu ripoti fulani ya Mwezi wa 6, 2022, musimamizi wa banke kubwa ya dunia alisema kama maisha imekuwa tena nguvu mu dunia juu bei ya vitu inapanda haraka, na watu hawana makuta.

 Shirika yenye inashugulikia mambo ya makuta mu dunia yote inasema kama “bei ya carburant na chakula imepanda haraka, na ile imefanya maisha ya watu mu inchi maskini ikuwe nguvu.”

 Biblia inatusaidia kuelewa juu ya nini mu dunia muko magumu ya kupata makuta na mambo ya lazima, namna tunaweza kupambana na ile hali, na juu ya nini tunaweza kuwa na tumaini kama ile mambo itaisha lote.

Bei ya vitu kupanda mu “siku za mwisho”

  •   Biblia inaita kipindi yenye tunaishi kuwa “siku za mwisho.”​—2 Timoteo 3:1.

  •   Yesu alisema kama “mambo yenye kuogopesha” itakuwa mu hii wakati yetu. (Luka 21:11) Watu wanaogopa sana wakati bei ya vitu inapanda. Wanajiuliza kama maisha yao ya kesho itakuwa namna gani na kama wataweza kutimiza mahitaji ya watu wa familia yao.

  •   Kitabu ya Ufunuo ilisemaka kama bei ya vitu itapanda mu hii wakati yetu. “Nikasikia kitu kama sauti. . . . ikisema, ‘Kwati moja ya ngano kwa dinari moja na vibaba tatu (3) vya shayiri kwa dinari moja.’”​—Ufunuo 6:6.

 Juu ya kujua mambo mingi zaidi kuhusu “siku za mwisho” na unabii wa kitabu ya Ufunuo, angalia video Dunia Imebadilika Tangu 1914 na usome habari “Wale Wapanda-Farasi Ine—Ni Nani?

Mungu atamaliza magumu yote ya kukosa mambo ya lazima

  •   “Watajenga nyumba na kuishi ndani, na watapanda mashamba ya mizabibu na kula matunda yake. Hawatajenga ili mutu mwingine akae ndani, wala hawatapanda ili wengine wakule.”​—Isaya 65:21, 22.

  •   “Kutakuwa nafaka nyingi juu ya dunia; itajaa sana kwenye kichwa cha milima.”​—Zaburi 72:16.

  •   “‘Kwa sababu wale wenye kuteswa wanakandamizwa, kwa sababu ya kilio cha maumivu cha maskini, nitasimama ili kutenda,” ni vile Yehova anasema.”​—Zaburi 12:5. a

 Karibuni Mungu atamaliza magumu yote ya kukosa makuta na vitu vya lazima. Atafanya vile mu dunia yote, hapana tu mu inchi moya. Juu ya kujua namna atafanya vile, soma habari “Kuko Siku Hatutakosa Mambo ya Lazima?

 Lakini hata sasa, Biblia inaweza kukusaidia kujua mambo ya kufanya wakati bei ya vitu inapanda. Mu njia gani? Iko na mashauri yenye inaweza kukusaidia kutumia makuta kwa hekima. (Mezali 23:4, 5; Muhubiri 7:12) Juu ya kujua mambo mingi zaidi, soma habari “Ulinde Mali Yako” na “Jinsi ya Kuishi Ukiwa na Pesa Kidogo.”

a Yehova njo jina ya pekee ya Mungu.​—Zaburi 83:18.