Ona video zinazopatikana

Ona habari zilizo ndani

 HABARI KUBWA | NAMNA YA KUPATA FAIDA WAKATI UNASOMA BIBLIA?

Unaweza Kufanya Nini ili Ufurahie Kusoma Biblia?

Unaweza Kufanya Nini ili Ufurahie Kusoma Biblia?

Usomaji wako wa Biblia utakuwa wa namna gani? Wa kuchokesha? Ao wa kufurahisha? Jibu linategemea mambo yenye unafanya. Tuone mambo yenye unaweza kufanya ili upendezwe zaidi na usomaji wako na kuufurahia zaidi.

Utumie Biblia yenye kutumainika, na yenye kuwa na maneno yenye kueleweka. Ikiwa unasoma habari yenye kuwa na maneno mengi yenye kuwa nguvu kuelewa ao maneno ya zamani yenye haujue, pengine hautafurahia usomaji wako. Kwa hiyo, tafuta Biblia yenye kutumia maneno mepesi kuelewa yenye yatagusa moyo wako. Lakini, inapaswa pia kuwa yenye kutafsiriwa kwa uangalifu na kwa uaminifu. *

Utumie teknolojia ya sasa. Leo, kuko Biblia zenye kuchapishwa kwenye karatasi (papiers) lakini kuko pia Biblia za kielektroniki. Unaweza kusoma tafsiri fulani kwenye Internete ao kuzichukua na kuziweka kwenye ordinatere, tablete, ao telefone yako kwa ajili ya kusoma. Tafsiri fulani ziko na sehemu zenye kukusaidia kuchunguza bila kukawia maandiko mengine yenye kupatana na andiko lenye unasoma, ao sehemu zenye kukusaidia kulinganisha tafsiri mbalimbali. Ikiwa unapenda kusikiliza kuliko kusoma, kuko pia Biblia yenye kurekodiwa ao ya kusikiliza tu. Watu wengi wanapenda kusikiliza usomaji wa Biblia wakati wako katika chombo fulani cha kusafirisha watu kama vile motokari, wakati wanafua manguo, ao wakati wanafanya mambo mengine yenye yanawaruhusu kusikiliza. Unaweza kuchagua namna moja yenye kukufaa.

Utumie vifaa vya kusaidia kujifunza Biblia. Vifaa vya kusaidia kujifunza Biblia vinaweza kukusaidia  upate faida zaidi wakati unasoma. Kuko karte za maeneo yenye kuzungumuziwa katika Biblia. Karte hizo zitakusaidia kujua nafasi kwenye eneo fulani lilipatikana, na utaelewa muzuri habari hiyo. Habari fulani kama vile habari zenye kuwa katika gazeti hili ao katika sehemu “Mafundisho ya Biblia” yenye kuwa kwenye adresi yetu ya Internete jw.org, zinaweza kukusaidia kuelewa maana ya maandiko fulani ya Biblia.

Utumie njia mbalimbali. Ikiwa kusoma Biblia kuanzia mwanzo mupaka mwisho kunaonekana kuwa jambo lenye kuogopesha, jaribu kuchochea hamu yako kwa kuanza na sehemu fulani yenye kukupendeza. Kama unapenda kujifunza juu ya watu wenye kuzungumuziwa katika Biblia, unaweza kujaribu kusoma sehemu za Biblia zenye kuzungumuzia watu hao. Mufano fulani unapatikana katika kisanduku chenye kichwa “ Chimba Katika Biblia ili Kujua Watu Wenye Kuzungumuziwa Ndani,” chenye kuwa katika habari hii. Ao pengine unafurahia kusoma Biblia kwa kufuata tungo mbalimbali zenye kuwa ndani ao kwa kufuata mupangilio wa namna mambo yalitokea. Unaweza kujaribu kutumia njia moja kati ya hizo.

^ fu. 4 Watu wengi wameona kama Biblia Takatifu—Tafsiri ya Ulimwengu Mpya imetafsiriwa kwa uaminifu, ni yenye kutegemeka, na ni mwepesi kabisa kuisoma. Biblia hii yenye kuchapishwa na Mashahidi wa Yehova inapatikana katika luga zaidi ya 130. Unaweza kuichukua kwenye adresi yetu ya Internete jw.org ao chukua programu ya JW Library. Ao kama unapenda, Mashahidi wa Yehova wanaweza kuja nyumbani kwako ili kukuletea Biblia yenye kuchapishwa.