Ona video zinazopatikana

Ona habari zilizo ndani

 KICHWA | UNAWEZA KUWA RAFIKI YA MUNGU

Unazoea Kuzungumuza na Mungu?

Unazoea Kuzungumuza na Mungu?

Ikuwe uso kwa uso ao kupitia telefone, Internete, video, ao barua, marafiki wa sana wanazungumuza mara nyingi wakati wanapata nafasi ya kufanya hivyo. Kwa hiyo, ili kuwa rafiki ya Mungu, tuna lazima ya kuzungumuza naye kwa ukawaida. Namna gani tunaweza kufanya hivyo?

Tunaweza kuzungumuza na Yehova kupitia sala. Hata hivyo, kusali kwa Mungu haiko sawa na mazungumuzo ya burebure ambayo tunaweza kuwa nayo na rafiki. Tunapaswa kutambua kuwa wakati tunasali, tunazungumuza na Muumbaji wetu, aliye Juu Zaidi katika ulimwengu. Hilo linapaswa kutuchochea kusali kwa heshima kubwa. Ili Mungu asikilize sala zetu, tunapaswa kutimiza mambo fulani yenye anatuomba. Ona mambo matatu kati ya mambo hayo.

Jambo la kwanza, sala zinapaswa kuelekezwa kwa Yehova Mungu tu, lakini haiko kwa Yesu, kwa “mutakatifu” fulani, ao kwa sanamu. (Kutoka 20:4, 5) Biblia inasema waziwazi hivi: “Katika kila jambo kwa sala na dua pamoja na kutoa shukrani maombi yenu na yajulishwe Mungu.” (Wafilipi 4:6) Jambo la pili, sala inapaswa kutolewa katika jina la Yesu Kristo, Mwana wa Mungu. Yesu mwenyewe alisema hivi: “Hakuna anayekuja kwa Baba ila kupitia kwangu.” (Yohana 14:6) Jambo la tatu, sala zetu zinapaswa kupatana na mapenzi ya Mungu. Biblia inasema hivi: ‘Hata tukiomba nini kulingana na mapenzi yake, yeye anatusikia.’ *1 Yohana 5:14.

Marafiki wa sana wanazungumuza mumoja na mwengine mara nyingi kadiri wanaweza

Ni kweli, urafiki wa sana hauwezi kuendelea ikiwa ni mutu mumoja anayezungumuza. Marafiki wawili wanazungumuza mumoja na mwengine. Sisi pia tunapaswa kumuacha Mungu azungumuze na sisi na kumusikiliza wakati anazungumuza. Unajua namna Mungu anazungumuza na sisi?

Leo, Yehova Mungu “anazungumuza” na sisi kupitia Biblia, Neno lake lililoandikwa. (2 Timotheo 3:16, 17) Sababu gani tunasema hivyo? Kwa mufano: Wazia unapata barua kutoka kwa rafiki yako wa sana. Kisha kuisoma, unaweza kuwaambia wengine kwa furaha, “Rafiki yangu alizungumuza na mimi!” Lakini, mazungumuzo hayo hayakuwa ya kinywa kwa kinywa, lakini yalikuwa ya kuandikwa. Vilevile, kwa kusoma Biblia, unamuruhusu Yehova azungumuze na wewe. Ndiyo sababu, Gina, aliyetajwa katika habari ya kwanza, alisema, “Ninawaza kuwa ikiwa ninataka Mungu anione kuwa rafiki yake, ninapaswa kuchunguza barua yake kwetu, ni kusema, Biblia.” Anaongeza, “Kusoma Biblia kila siku kumenisaidia nifanye urafiki wa sana na Mungu.” Unamuruhusu Yehova azungumuze na wewe kila siku kwa kusoma Neno lake, Biblia, kila siku? Kufanya hivyo kutakusaidia ujisikie kuwa rafiki wa sana wa Mungu.

^ fu. 5 Ili kupata habari zaidi juu ya namna ya kumukaribia Mungu katika sala, soma sura ya 17 ya kitabu Biblia Inafundisha Kabisa Nini? kilichochapishwa na Mashahidi wa Yehova.