Ona video zinazopatikana

Ona habari zilizo ndani

 KICHWA | SHETANI ANAKUWAKA KABISA?

Tunapaswa Kumuogopa Shetani?

Tunapaswa Kumuogopa Shetani?

Kama Shetani, kaboni monoksidi haionekane na ni hatari

Kaboni monoksidi: Ni vigumu kuitambua. Haina rangi wala harufu, inaweza kumubana mutu ao munyama bila kujua. Pengine zaidi ya nusu ya vifo vyote vinavyotokea duniani pote kwa sababu ya sumu vinasababishwa na kitu hicho. Lakini, hakuna sababu ya kuogopa. Kuna njia za kutambua gesi (gaz) hiyo na kujilinda. Watu wengi wanatumia kwa hekima vyombo vya kutambua gesi hiyo na kisha wanatii alama yoyote ya kuonyesha hatari.

Kama kaboni monoksidi, Shetani haonekane, ni vigumu sana kwa wanadamu kumutambua, na iko hatari sana. Lakini Mungu hakutuacha bila musaada. Haupaswe kuogopa Shetani ikiwa unafaidika na zawadi hizi zenye Mungu anatutolea.

Uwezo wa kuchagua. Andiko la Yakobo 4:7 linatuambia hivi: ‘Mumupinge Ibilisi, naye atawakimbia ninyi.’ Hata ikiwa Shetani ni mwenye nguvu, hawezi kukukaza ufanye mambo yenye haupendi kufanya. Uko na uwezo wa kuchagua. Andiko la Petro wa kwanza 5:9 linasema hivi: ‘Muchukue musimamo mumupinge yeye [Ibilisi], mukiwa imara katika imani.’ Kumbuka, Shetani aliondoka kisha Yesu kupinga kabisa vishawishi vyake vitatu. (Mathayo 4:11) Wewe pia unaweza kuchagua kupinga vishawishi vya Shetani.

Urafiki na Mungu. Andiko la Yakobo 4:8 linatutia moyo ‘tumukaribie Mungu.’ Yehova mwenyewe anakualika ufanye urafiki wa nguvu pamoja naye. Namna gani unaweza kufanya vile? Njia nzuri ya kuanza ni kujifunza mengi juu yake kupitia Biblia. (Yohana 17:3) Mambo utajifunza juu ya Yehova yatakuchochea umupende, na upendo huo utakuchochea kufanya mapenzi yake. (1 Yohana 5:3) Unapomukaribia Baba yako wa mbinguni, naye atafanya nini? Yakobo anasema tena: Mungu ‘atakukaribia wewe.’

Yehova anakutolea misaada ya kiroho ili kukulinda

Ahadi ya ulinzi. Andiko la Methali 18:10 linasema hivi: ‘Jina la Yehova ni munara wenye nguvu. Muadilifu [mwenye haki] anakimbilia humo na kupewa ulinzi.’ Bila shaka, maneno hayo hayamaanishe kuwa jina la pekee la Mungu ni aina fulani ya hirizi ya kupata bahati ya muzuri. Lakini, yanamaanisha kuwa watu wote wanaoheshimu kabisa jina la Mungu wanaweza kumuita wakati wowote ili kumuomba ulinzi.

Mufano muzuri. Andiko la Matendo 19:19 linatuambia jambo fulani lenye kufundisha mengi juu ya Wakristo wa Efeso waliokuwa wapya katika imani: ‘Hesabu kubwa ya wale waliozoea kufanya ufundi wa uchawi wakaleta pamoja vitabu vyao wakaviteketeza [ao kuviunguza] mbele ya kila mutu. Nao wakapiga pamoja hesabu za bei zake na kupata vikiwa na samani [bei] ya vipande 50000 vya feza.’ * Wakristo hao waliharibisha vitu vyote vilivyopatana na mashetani, hata ikiwa vilikuwa vya feza nyingi. Mufano huo unaweza kutusaidia sana leo. Dunia hii inajaa mambo ya uchawi na watu wengi wanazungumuza na mashetani. Hata vitu na matendo ya kuzungumuza na mashetani yanayoonekana kuwa hayana hatari yoyote yanaweza kukuingiza katika uhusiano na mashetani. Ni vizuri kabisa kutoingiza vitu kama hivyo katika maisha, kwa njia yoyote ile.—Kumbukumbu la Torati 18:10-12.

Rogelio, aliyetajwa katika habari ya kwanza, hakuamini kuwa Ibilisi iko mupaka alipokuwa na miaka 50. Lakini alichunguza tena mawazo yake alipokuwa na miaka hiyo. Sababu gani? Anasema hivi: “Kwa mara ya kwanza katika maisha yangu, nilipata Biblia. Ujuzi niliopata kupitia Maandiko ulinisadikisha kuwa Ibilisi anakuwaka. Ujuzi huohuo unanilinda sasa ili nisishindwe na vishawishi vyake.”

“Ujuzi niliopata kupitia Maandiko ulinisadikisha kuwa Ibilisi anakuwaka. Ujuzi huohuo unanilinda sasa ili nisishindwe na vishawishi vyake”

Unapenda kuona siku Shetani hatakuwa tena? Unaweza kuona siku hiyo. Maandiko yanatabiri wakati unaokuja ambapo Ibilisi, anayedanganya watu wengi ‘atatupwa ndani ya lile ziwa la moto na kiberiti.’ (Ufunuo 20:10) Kwa kweli, moto na kiberiti (soufre) vya kwelikweli haviwezi kumufanya kitu kiumbe wa roho asiyeonekana. Kwa hiyo, ziwa la moto linapaswa kuwa linafananisha uharibifu wa milele. Shetani hatakuwa tena milele. Huo utakuwa wakati muzuri sana kwa watu wanaomupenda Mungu!

Kwa kungojea wakati huo, endelea kujifunza mambo mengi kadiri unaweza juu ya Yehova na njia zake. * Wazia unaishi wakati ambapo mwishowe inaweza kusemwa kwa kweli, “Shetani haiko tena!”

^ fu. 8 Ikiwa vipande vya feza vinavyozungumuziwa katika andiko hili ilikuwa dinari ya Waroma, hesabu ya feza hizo ingekuwa kuchanga pamoja mushahara wa siku moja wa wafanyakazi 50000 hivi. Hizo zilikuwa feza nyingi sana!

^ fu. 11 Ili kupata habari zaidi juu ya Shetani na mawazo ya Mungu juu ya kuzungumuza na mashetani, soma sura ya 10 ya kitabu Biblia Inafundisha Kabisa Nini? Unaweza kuomba kitabu hicho kwa Shahidi wa Yehova, ao kukisoma kwenye adresi yetu ya Internete www.jw.org.