Sylvia ambaye anashugulikia watu waliozeeka, anasema hivi: “Kwenye masomo ya juu nilisoma na wanafunzi wengi ambao walijidai kuwa waamini wa dini. Lakini, walikuwa wanaiba majibu wakati wa mashindano na walikuwa wakitumia dawa za kulewesha. Dini haikuwasaidia hata kidogo katika maisha yao.”

Mwanaume anayeitwa Lionel anasema hivi: “Wafanyakazi wenzangu wanasema uongo na wanajifanya kuwa wagonjwa ijapokuwa wao si wagonjwa. Kwao, dini ni kama tu kitu fulani ambacho mutu iko nacho lakini hakitumie.”

Dini haina uvutano wowote juu ya mwenendo wa watu wengi katika maisha yao. Watu wengi leo wana ‘namna ya ujitoaji-kimungu lakini wanakana nguvu [za Mungu].’ (2 Timotheo 3:5) Viongozi wa dini zao hawaonyeshe mufano muzuri wa kuigwa, wala mapadri hawawapatie waamini wao mashauri yanayotoka katika Biblia ili kuwasaidia wawe na mwenendo muzuri. Haishangaze kwamba watu wengi wanaamini kuwa Mungu hahangaike juu ya namna wanavyoishi.

Biblia inaonyesha kwamba mwenendo wetu unaweza kumufurahisha ao kumuhuzunisha Mungu. Wakati Waisraeli wa zamani walimuasi Mungu, ‘walimuhuzunisha.’ (Zaburi 78:40) Hata hivyo, kuna ‘shangwe kubwa mbinguni’ wakati mutu fulani anatubu kwelikweli na kuacha mwenendo wake mubaya. (Luka 15:7) Wakati mutu anafikia kupendezwa na sifa nzuri za Baba yetu wa mbinguni, upendo wa mutu huyo kwa Mungu utaongezeka na kumuchochea apende mambo ambayo Mungu anapenda na kuchukia mambo ambayo Mungu anachukia.​—Amosi 5:15.

Gazeti moja (Deseret News of Salt Lake City) la huko Amerika linasema kwamba Mashahidi wa Yehova “wanasaidia watu wawe na uhusiano muzuri katika familia zao, wawe wenye faida kwa wengine na wawe raia wazuri.” Gazeti hilo linaongeza hivi: “Washiriki wa dini hiyo wanafuata kanuni za juu za mwenendo. Wanaamini kwamba kuvuta tumbaku, kunywa pombe sana, kutumia vibaya dawa za kulewesha, kucheza michezo ya feza, mwenendo mupotovu kingono na wanaume kulala na wanaume na wanawake kulala na wanawake, ni tabia ambazo zinaharibu uhusiano wa mutu pamoja na Mungu.”

Namna gani kujifunza juu ya sifa za Mungu kunasaidia Mashahidi? Sylvia aliyetajwa hapo juu anasema hivi: “Udanganyifu ni jambo la kawaida katika kazi ambazo zinahusiana na afya. Ni vyepesi kujiingiza katika mambo ya udanganyifu. Lakini kuelewa namna Yehova * anavyojisikia moyoni juu ya mambo hayo kunanisaidia kufanya mambo mazuri. Mimi ni mwenye furaha na nina amani ya moyo.” Sylvia anasadiki kwamba kuishi kulingana na mambo anayofundishwa katika dini yake kumemusaidia kuwa na maisha mazuri.