Ona video zinazopatikana

Ona habari zilizo ndani

 VITU VYA MAANA SANA VYA HISTORIA YETU

Alijionea Upendo huo Katika Kafeteria

Alijionea Upendo huo Katika Kafeteria

KULA pamoja kwenye meza ya Yehova wakati wa mikusanyiko ni jambo lenye kutuletea furaha sikuzote. Wakati watumishi wa Yehova wanakusanyika kwa ajili ya karamu ya kiroho, kula pamoja chakula cha kimwili kunawaongezea pia furaha.

Katika Mwezi wa 9, 1919, wanafunzi wa Biblia walifanya mukusanyiko wa siku munane huko Cedar Point, Ohio, États-Unis. Hoteli zilitayarisha vyumba na chakula kwa ajili ya ndugu na dada kutoka katika inchi zingine; lakini, watu wenye walifika walikuwa wengi zaidi. Watumishi kwenye hoteli hizo walivurugika sana kwa sababu watu walikuwa wengi sana; kwa hiyo, waliacha kutumika kwa muda fulani. Musimamizi wa kafeteria aliuliza ikiwa kuna vijana fulani wenye walitoka katika inchi zingine wenye wangeweza kusaidia katika kazi hiyo, na vijana wengi wakakubali. Dada Sadie Green alikuwa mumoja wa vijana hao. Anasema hivi: “Ilikuwa mara yangu ya kwanza kuwa mutumishi kwenye hoteli, lakini tulipitisha wakati muzuri sana.”

Sierra Leone, 1982

Katika miaka yenye ilifuata, mupango wa kafeteria kwenye mikusanyiko uliruhusu ndugu na dada wengi wenye kujitolea watumikie ndugu na dada zao. Kutumika pamoja na waamini wenzao kulisaidia pia vijana wengi wajiwekee miradi ya kiroho. Dada Gladys Bolton alitumika katika kafeteria kwenye mukusanyiko fulani wenye ulifanywa katika mwaka wa 1937. Anaeleza hivi: “Nilikutana na ndugu na dada wa mahali pengine, na nilisikia namna wanapambana na magumu yao. Ni wakati huo ndio nilianza kuwa na tamaa ya kufanya kazi ya upainia.”

Dada Beulah Covey anasema hivi: “Mambo yote iliendeka muzuri kwa sababu ndugu na dada wengi walijitoa.” Hata hivyo, kufanya kazi ya kafeteria kulileta magumu fulani. Katika mwaka wa 1969, wakati Angelo Manera alifika kwenye uwanja wa Dodger Stadium katika Los Angeles, California, alijulishwa mara moja kwamba alikuwa amechaguliwa ili kutumika katika kafeteria. Anasema hivi: “Katika maisha yangu, nilikuwa sijashituka kama vile nilishituka siku hiyo!” Wakati wa kufanya matayarisho kwa ajili ya mukusanyiko huo, tulipaswa pia kuchimba mufereji wenye urefu wa metre 400 ili kufikisha gesi (gaz) mahali pa kupigia chakula!

Francfort, Alemanye, 1951

Katika mwaka wa 1982 huko Sierra Leone, ndugu na dada wenye bidii walijitolea ili kusafisha kwanza uwanja, kisha walijenga kafeteria kwa kutumia vyombo vyenye walikuwa navyo. Katika mwaka wa 1951, katika muji wa Francfort, huko Alemanye, ndugu wenye uwezo walijikopesha kichwa cha treni (locomotive) chenye kingewatolea gesi ya kuwawezesha kutumikisha  mafiga 40. Kwa saa moja, watumishi walipiga chakula cha watu karibu 30000. Ili kuwarahisishia wale watumishi 576 kazi ya kusafisha masahani, ndugu na dada walileta visu na kanya zao. Katika muji wa Yangon, huko Myanmar, ndugu na dada wenye walikuwa wanapika chakula walikuwa waangalifu sana; hawakutumia vikolezo vingi sana katika chakula chenye walipikia ndugu na dada kutoka inchi zingine.

“WANAKULA WAKIWA WENYE KUSIMAMA”

Katika mwaka wa 1950, kwenye mukusanyiko fulani wenye ulifanywa États-Unis, dada Annie Poggensee alisimama katika jua kali kwenye mustari murefu wa kafeteria; jambo hilo lilimuletea baraka. Anasema hivi: “Nilipendezwa sana na mazungumuzo fulani yenye kutia moyo kati ya dada wawili wenye walisafiri kutoka Ulaya kwa kutumia mashua (bateau).” Kila mutu alikuwa anaeleza namna Yehova alimusaidia ili ahuzurie mukusanyiko huo. Dada Annie alisema hivi: “Dada hao walikuwa na furaha sana kuliko wengine wote. Wakati wa kungojea kwenye mustari na joto havikuwahuzunisha hata kidogo.”

Séoul, Korea, 1963

Kwenye mikusanyiko mikubwa, mahema mengi ilikuwa inajengwa na kutia ndani viti virefu ili kusaidia ndugu na dada wakule chakula mbio-mbio na kuachia wengine nafasi. Namna gani iliwezekana kukulisha watu wengi sana wakati huo? Mwanaume mumoja mwenye haiko Shahidi, alisema hivi: “Watu wa dini hii ni tofauti na watu wa dini zingine. Wanakula wakiwa wenye kusimama.”

Wakubwa wa jeshi na wa serikali walishangaa sana kuona ufundi na mupangilio wa Mashahidi wa Yehova. Maaskari wa jeshi la États-Unis walitembelea kafeteria yetu kwenye Yankee Stadium, katika Muji wa New York City; kisha, walimuomba Major Faulkner wa jeshi la British War Department atembelee pia mahali hapo. Kwa hiyo, yeye pamoja na bibi yake walihuzuria Mukusanyiko wenye kichwa “Ufalme Wenye Ushindi,” wenye ulifanywa katika mwaka wa 1955, huko Twickenham, Angleterre. Anasema kwamba alijionea namna ndugu na dada walionyeshana upendo katika kafeteria.

Kwa miaka mingi, kwenye mikusanyiko, Wakristo fulani walijitolea ili kupika chakula kwa ajili ya ndugu na dada zao; chakula hicho kilikuwa chenye kujenga na cha bei chini. Lakini, mara nyingi, kazi hiyo kubwa iliomba wafanyakazi wengi zaidi watumike sana na hata walikuwa wanakosa sehemu fulani za programu. Mwishoni mwa miaka ya 1970, mipango ya kutolea watu chakula kwenye mikusanyiko ilirahisishwa. Kisha, kuanzia mwaka wa 1995, ndugu na dada waliombwa kuleta chakula chao wenyewe. Badiliko hilo lilisaidia ndugu na dada wenye walipika na kugawanya chakula wafaidike na programu ya kiroho na undugu wa Kikristo. *

Kwa kweli, Yehova anapendezwa sana na wale wote wanajitoa kwa bidii ili kusaidia waamini wenzao! Ndugu na dada fulani wanaweza kuwa na huzuni wakati wanakumbuka namna walikuwa wanatumika kwa furaha katika kafeteria. Lakini, tuko hakika kwamba, upendo unaendelea kuonekana kwenye mikusanyiko yetu.—Yoh. 13:34, 35.

^ fu. 12 Bila shaka, kungali lazima ya ndugu na dada wengi wa kujitolea ili kusaidia kufanya kazi mbalimbali kwenye mikusanyiko.