Ona video zinazopatikana

Ona habari zilizo ndani

 MASIMULIZI KUHUSU MAISHA YA WATU

Kukumbuka Upendo Wangu wa Kwanza kwa Mungu Kumenisaidia Nivumilie

Kukumbuka Upendo Wangu wa Kwanza kwa Mungu Kumenisaidia Nivumilie

ILIKUWA mwanzo-mwanzo wa majira ya joto katika mwaka wa 1970. Nilikuwa ninalala kwenye kitanda cha hospitali katika Valley Forge General Hospital, Phoenixville, Pennsylvania, katika États-Unis. Muganga fulani alikuwa anapima mwendo wa damu yangu kisha kila dakika 30. Nilikuwa askari mwenye miaka 20, na nilikuwa na ugonjwa hatari wa kuambukiza. Muganga huyo, mwenye alikuwa mukubwa kidogo kuliko mimi, alionekana kuwa mwenye kuhangaika. Kwa sababu mwendo wa damu yangu uliendelea kushuka; nilimuuliza hivi: “Haujaonaka namna mutu anakufa?” Akaogopa sana, kisha akasema hivi: “Hapana, sijaonaka.”

Wakati huo, ilionekana kuwa sina tumaini lolote. Lakini, sababu gani niliingizwa katika hospitali hiyo? Muache, niwaelezee maisha yangu.

NINAINGIA KATIKA MAMBO YA VITA

Nilipata ugonjwa huo wakati nilikuwa ninatumika katika chumba cha kufanyia upasuaji wakati wa vita huko Vietnam. Nilipenda sana kusaidia wagonjwa na watu wenye kuumia, na nilikuwa na mipango ya kuwa mupasuaji. Nilifika katika inchi ya Vietnam katika Mwezi wa 7, 1969. Kama wageni wengine wote, niliruhusiwa kupumuzika juma moja ili nizoee hali ya hewa na joto ya inchi hiyo.

Kisha hapo, nilianza kutumika katika hospitali ya upasuaji huko Mekong Delta katika Dong Tam. Kwenye hospitali hiyo, helikopta nyingi zilikuwa zinaleta maiti na watu wenye kuumia wengi sana. Kwa sababu nilipenda sana inchi yangu na kazi yangu, nilikuwa tayari kutumika. Watu wenye kuumia walitayarishwa haraka, na kupelekwa katika vyumba vidogo-vidogo vya chuma (containers) ambamo mulikuwa vyombo vya kuleta joto ao baridi; waganga walifanyia upasuaji katika vyumba hivyo. Katika vyumba hivyo, muganga wa kupasua, muganga wa kutoboa watu dawa ya kuzuia maumivu, na waganga wengine wawili, wote walikuwa wanatumika pamoja katika nafasi ndogo na kufanya yao yote ili kujaribu kuokoa uzima wa watu. Nilitambua kwamba, mizigo fulani yenye ilikuwa katika mifuko mikubwa ya mweusi katika helikopta haikupakuliwa. Kisha nilipata habari kwamba mizigo hiyo ilikuwa maiti ya askari wenye waliuawa kwenye vita. Ni wakati huo ndio niliingia katika mambo ya vita.

NINAANZA KUMUTAFUTA MUNGU

Wakati nilikuwa kijana, nilisikia mafundisho fulani ya kweli

Wakati nilikuwa kijana, nilisikia mafundisho fulani ya kweli yenye Mashahidi wa Yehova walikuwa wanafundisha. Mama yangu mupendwa alikuwa anajifunza Biblia na Mashahidi wa Yehova, lakini hakuendelea mupaka kubatizwa. Nilipenda kabisa kukaa pembeni ya mama yangu wakati Mashahidi walikuwa wanamufundisha. Karibu wakati huohuo, nilikuwa ninapita pembeni ya Jumba la Ufalme pamoja na  mwanaume mwenye alioa mama yangu. Nilimuuliza hivi: “Ni nini hiyo?” Alinijibu hivi: “Usijaribu hata kukaribia watu hao!” Kwa sababu nilimupenda na kumutumainia, nilifuata mashauri yake. Kwa hiyo, sikuonana tena na Mashahidi wa Yehova.

Kisha kurudia kutoka katika inchi ya Vietnam, niliona kwamba ni jambo la lazima nimutafute Mungu katika maisha yangu. Kukumbuka mambo ya kuhuzunisha yenye niliona wakati wa vita, kulinifanya nisihangaikie tena watu. Ilionekana kwamba hakuna mutu mwenye alihangaikia kabisa mambo yenye ilikuwa inafanyika katika inchi ya Vietnam. Ninakumbuka wakati watu walikuwa wanafanya maandamano ya kupinga askari wa États-Unis. Watu hao walikuwa wanaita askari wa États-Unis kuwa wauaji wa watoto, kwa sababu ilisemekana kwamba walikuwa wanaua watoto wadogo wakati wa vita.

Ili nitimize tamaa yangu ya kumujua Mungu, nilianza kuenda katika kanisa mbalimbali. Sikuzote nilikuwa ninamupenda Mungu, lakini mambo yenye niliona katika makanisa hayo haikunipendeza. Mwishowe, nilifikia kuenda katika Jumba la Ufalme la Mashahidi wa Yehova la Delray Beach, huko Florida. Ilikuwa Siku ya Yenga Mwezi wa 2, 1971.

Wakati niliingia katika Jumba hilo, hotuba ya watu wote ilikuwa karibu kumalizika; kwa hiyo, nilibakia ili nifuate funzo la Munara wa Mulinzi. Sikumbuke tena habari yenye ilizungumuziwa siku hiyo, lakini ningali ninakumbuka namna watoto wadogo walikuwa wanatafuta maandiko katika Biblia zao. Jambo hilo lilinigusa moyo sana! Nilikaa kimya, na kusikiliza kwa uangalifu. Wakati nilitaka kuondoka kwenye Jumba la Ufalme, ndugu mumoja mwenye alikuwa na miaka 80 hivi alinikaribia. Ndugu huyo alikuwa anaitwa Jim Gardner. Alinipatia kitabu chenye kichwa, Kweli Iongozayo Kwenye Uzima wa Milele, kisha aliniuliza hivi: “Tafazali, unaweza kuchukua kitabu hiki?” Tulipanga programu ya kuonana Siku ya Ine asubuhi ili tuanze kujifunza Biblia.

Siku ya Yenga hiyo, nilitumika usiku. Nilikuwa mufanyakazi katika chumba cha matunzo ya haraka, kwenye hospitali ya mutu fulani katika Boca Raton, Florida. Nilikuwa ninatumika kuanzia saa tano ya usiku (23:00) mupaka saa moja ya asubuhi (7:00). Kwa sababu sikukuwa na kazi nyingi ya kufanya usiku huo, nilipata wakati wa kusoma kitabu Kweli. Muganga mumoja mwanamuke mwenye kuzeeka alinikaribia na kuninyanganya kitabu hicho; aliangalia jalada na kusema hivi kwa sauti kubwa: “Usiniambie kama unapenda kuingia katika dini hii?” Nilimunyanganya kitabu hicho na kumuambia hivi: “Nimekwisha tu kusoma nusu, lakini niko hakika kwamba nitaingia katika dini hii!” Kwa hiyo, aliniacha, na usiku huo nilimaliza kusoma kitabu chote.

Jim Gardner, ndugu mwenye alinifundisha Biblia, alikuwa Mukristo mutiwa-mafuta mwenye alimujua kipekee Ndugu Charles Taze Russell

Wakati tulionana na Ndugu Gardner ili kuanza funzo, nilimuuliza hivi: “Sasa, tunataka kujifunza habari gani?” Alinijibu hivi: “Habari zenye kupatikana katika kitabu chenye nilikupatia.” Kisha, nilimuambia hivi: “Nimekwisha kusoma habari zote.” Ndugu Gardner alinijibu kwa upole hivi: “Sawa, acha basi tuzungumuzie tu sura ya kwanza.” Nilishangaa kuona kwamba sikuelewa mambo mengi. Aliniomba nisome maandiko mengi katika tafsiri yangu ya Biblia ya King James Version. Mwishowe, nilijifunza kuhusu Yehova, Mungu wa kweli. Asubuhi hiyo, tulijifunza sura tatu katika kitabu Kweli, pamoja na Ndugu Gardner. Kwa sababu alikuwa rafiki yangu sana nilimuita Jim. Kisha, kila Siku ya Ine asubuhi  tulikuwa tunajifunza sura tatu. Nilifurahia kabisa mambo yenye tulikuwa tunajifunza. Nilipata pendeleo nzuri sana la kufundishwa na Mukristo mutiwa-mafuta mwenye alimujua kipekee Ndugu Charles Russell!

Kisha majuma fulani, nilikubaliwa kuwa muhubiri wa habari njema. Jim alinisaidia kumaliza mahangaiko yangu na magumu ya kuhubiri nyumba kwa nyumba. (Mdo. 20:20) Kwa sababu nilikuwa ninahubiri pamoja na Jim, mimi pia nilianza kufurahia kazi ya kuhubiri. Tangu wakati huo, ninaona kazi ya kuhubiri kuwa pendeleo kubwa sana. Kutumika pamoja na Mungu ni jambo lenye kupendeza sana!—1 Kor. 3:9.

UPENDO WANGU WA KWANZA KWA YEHOVA

Sasa, acha niwaelezee jambo langu la pekee sana, ni kusema, upendo wangu wa kwanza kwa Yehova. (Ufu. 2:4) Upendo huo umenisaidia kupambana na mambo yenye kuhuzunisha ya wakati wa vita yenye niliendelea kukumbuka, na magumu mengine mengi.—Isa. 65:17.

Upendo wangu kwa Yehova umenisaidia kupambana na mambo yenye kuhuzunisha ya wakati wa vita yenye niliendelea kukumbuka, na magumu mengine mengi

Nilibatizwa katika Mwezi wa 7, 1971 kwenye Mukusanyiko wa Wilaya wenye kichwa “Jina la Mungu,” wenye ulifanywa kwenye Yankee Stadium

Ninakumbuka siku fulani ya pekee katika mwaka wa 1971. Nilifukuzwa katika nyumba yenye nilikuwa ninaishi. Mwanaume mwenye alioa mama yangu hakupenda Shahidi wa Yehova aishi katika nyumba yake! Wakati huo, sikukuwa na feza ya kutosha. Kwenye hospitali nilikuwa ninatumika, nilikuwa ninapokea feza kisha majuma mawili, na nilikuwa ninatumia feza hizo ili kuuza mavazi ya kuvaa wakati ninaenda katika mahubiri ili nionekane kabisa kuwa mutumishi wa Yehova. Nilikuwa nimeweka kiasi fulani cha feza; lakini zilikuwa katika banke ya jimbo la Michigan kwenye nilikomalia. Kwa hiyo, nilipaswa kuishi katika motokari yangu kwa muda wa siku kidogo. Nilikuwa ninakata ndevu zangu na kunawia katika vyumba vyenye kupatikana nafasi ya kuuzisha mazuti ao esanse.

Wakati nilikuwa ninaishi katika motokari yangu, siku moja nilifika kwenye Jumba la Ufalme saa mbili  mbele mukutano kwa ajili ya mahubiri uanze. Nilikuwa nimetoka tu kutumika kwenye hospitali. Nilikaa nyuma ya Jumba la Ufalme, nafasi kwenye mutu hawezi kuniona. Wakati huo, nilianza kukumbuka mambo yenye kuhuzunisha yenye nilionaka katika inchi ya Vietnam, ni kusema, harufu ya miili ya watu yenye kuungua na mauaji makubwa, na mambo hayo ilianza kusumbua akili yangu. Katika akili yangu, nilianza kuona na kusikia namna vijana walikuwa wananiuliza: “Je, nitapona kabisa? Je, nitapona kabisa?” Nilijua kwamba watakufa, lakini nilijikaza kufanya yangu yote ili kuwatia moyo, bila kuonyesha kupitia sura yangu kwamba hawatapona. Kadiri niliendelea kukaa nyuma ya Jumba la Ufalme, nilisikia huzuni sana.

Nimefanya yangu yote, zaidi sana wakati ninapatwa na shida na magumu ili nisisahau hata kidogo upendo wangu wa kwanza kwa Yehova

Nilisali kwa Yehova, na wakati huo machozi ilikuwa inamwangika kwenye machafu yangu. (Zab. 56:8) Nilianza kufikiri sana juu ya tumaini la ufufuo. Tumaini hilo lilinigusa sana: Nilielewa kwamba kupitia ufufuo, Yehova Mungu ataondoa mauaji yote yenye niliona na huzuni yenye mimi na watu wengine tulipata. Mungu atafufua vijana hao, na watapewa nafasi ya kujifunza ukweli juu yake. (Mdo. 24:15) Tumaini hilo lilinigusa moyo sana na lilinifanya nianze kumupenda Yehova zaidi sana. Ninaendelea kuona siku hiyo kuwa ya pekee sana. Tangu siku hiyo, nimefanya yangu yote, zaidi sana wakati ninapatwa na shida na magumu, ili nisisahau hata kidogo upendo wangu wa kwanza kwa Yehova.

YEHOVA AMENIONYESHA WEMA

Wakati wa vita, watu wanafanya mambo mengi mabaya. Mimi pia nilikuwa kati yao. Lakini, kufikiria maandiko mbili yenye ninapenda sana kumenisaidia. Andiko la kwanza ni Ufunuo 12:10, 11. Andiko hilo linasema kwamba Ibilisi anashindwa kupitia kazi yetu ya kutoa ushahidi, lakini pia kupitia damu ya Mwana-Kondoo. Andiko la pili ni Wagalatia 2:20. Andiko hilo linanisaidia kuelewa kwamba Yesu Kristo alikufa kwa “ajili yangu.” Kupitia damu ya Yesu, Yehova ananiangalia na amesamehe mambo mabaya yote yenye nilifanya. Kujua mambo hayo, kumenisaidia nikuwe na zamiri safi na kumenichochea nifanye yangu yote ili kusaidia wengine wafikie kumujua Yehova, Mungu wetu mwenye rehema!—Ebr. 9:14.

Wakati ninafikiri juu ya maisha yangu, ninafurahi kuona kwamba Yehova amenihangaikia sikuzote. Kwa mufano, wakati Jim alijua kwamba nilikuwa ninaishi katika motokari yangu, alinisaidia kuonana na dada mumoja mwenye alikuwa na vyumba vya kupangisha. Ninaamini kabisa kwamba Yehova alitumia Jim na dada huyo mupendwa ili kunitolea nafasi nzuri ya kuishi. Yehova ni mwema kabisa! Anahangaikia watumishi wake waaminifu.

NINAJIFUNZA KUWA MWENYE BIDII NA MWENYE BUSARA

Katika Mwezi wa 5, 1971, niliona kwamba ni lazima niende katika jimbo la Michigan ili kufanya biashara fulani. Mbele nitoke katika Kutaniko la Delray Beach huko Florida, nilitia vitabu vingi katika motokari yangu, kisha nikaanza safari. Mbele nifike katika jimbo la Georgia, vitabu vyote vilikuwa vimeisha. Nilihubiri habari njema ya Ufalme kwa bidii nafasi mbalimbali. Nilihubiria watu kwenye magereza na nilitolea watu trakte katika nafasi za kupumuzikia. Mupaka leo, ningali ninajiuliza ikiwa mbegu hizo zenye nilipanda ziliota ao hapana.—1 Kor. 3:6, 7.

Hata hivyo, kusema kweli, wakati nilianza kujifunza kweli, sikutumia utambuzi hata kidogo, zaidi sana wakati nilikuwa ninahubiria watu wa familia yangu. Kwa sababu upendo wangu wa kwanza kwa Yehova ulikuwa unachamuka sana katika moyo wangu, nilihubiria watu wa familia bila kuogopa, lakini nilikosa adabu. Ninapenda sana kaka zangu John na Ron, lakini niliwahubiria habari njema kwa kuwakaza. Mwishowe, niliomba musamaha kwa sababu niliwatendea bila adabu. Hata hivyo, ninaendelea kusali kwa ajili yao ili wao pia wakubali kweli. Kwa sababu Yehova amenifundisha tangu wakati huo, ninaendelea kuonyesha adabu sana wakati ninahubiri na kufundisha.—Kol. 4:6.

 UPENDO MWENGINE

Wakati ninaendelea kabisa kukumbuka upendo wangu kwa Yehova, sijasahau upendo mwengine katika maisha yangu. Upendo huo ni upendo wangu kwa Susan, bibi yangu mupendwa. Nilikuwa na lazima ya mutu wa kunisaidia nifanye kazi yangu ya kuhubiri. Susan ni mwanamuke mwenye kuwa nguvu kiroho. Ninakumbuka kabisa siku moja wakati tulikuwa tunachumbiana. Susan alikuwa anakaa kwenye mwingilio wa nyumba ya wazazi wake katika Cranston, Rhode Island. Alikuwa anasoma Munara wa Mulinzi na Biblia yake. Jambo lenye lilinigusa moyo sana ni kuona kwamba alikuwa anasoma habari zenye hazikuwa za funzo, na kwamba alikuwa anasoma maandiko katika Biblia. Nilifikiri hivi: ‘Huyu ni mwanamuke wa kiroho kabisa!’ Tulioana katika Mwezi wa 12, 1971, na niko mwenye shukrani sana kuona kwamba kuanzia wakati huo, amekuwa pembeni yangu ili kunitegemeza. Jambo lenye ninafurahia kabisa kwake ni kwamba ananipenda mimi, na anamupenda Yehova sana.

Mimi, bibi yangu Susan, na watoto wetu, Paul na Jesse

Tumezaa watoto wawili, Jesse na Paul. Yehova alikuwa pamoja nao wakati walikuwa wanakomaa. (1 Sam. 3:19) Kwa sababu waliamua kumutumikia Yehova, mimi na Susan tunatiwa moyo sana. Wameendelea kumutumikia Yehova kwa sababu wamekumbuka  upendo wao wa kwanza kwake. Wamekuwa katika utumishi wa wakati wote kwa zaidi ya miaka 20. Pia, ninajivunia bibi za watoto wangu wawili, ni kusema, Stephanie na Racquel, wenye ninaona kama binti zangu. Jesse na Paul wameoa wanawake wenye kuwa nguvu kiroho, ni kusema, wanamupenda Yehova kwa moyo na nafsi yao yote.—Efe. 6:6.

Mimi na familia yangu tulifurahia kuhubiri katika eneo lenye halihubiriwe kwa ukawaida

Kisha kubatizwa, nilitumika miaka 16 katika Rhode Island, na huko nilipata marafiki wazuri sana. Ninakumbuka mambo mengi mazuri sana kuhusu wazee wenye nilitumika nao huko. Tena, niko mwenye shukrani kwa waangalizi wenye kusafiri wengi sana, wenye walinichochea kufanya mambo mazuri. Ni pendeleo kubwa sana kutumika pamoja na wanaume wenye wameendelea kukumbuka upendo wao wa kwanza kwa Yehova! Katika mwaka wa 1987, tulihamia Carolina ya Kaskazini ili kutumikia mahali penye palikuwa lazima kubwa, na huko pia tulipata marafiki wengi wazuri. *

Anthony Morris anaongoza mukutano kwa ajili ya mahubiri, wakati alikuwa mwangalizi wa muzunguko

Katika Mwezi wa 8, 2002, mimi pamoja na Susan tulialikwa ili kutumika pamoja na familia ya Beteli ya Patterson, États-Unis. Nilitumika katika Biro ya Utumishi, na Susan alitumikia mahali pa kusafishia manguo. Alipenda sana mugawo wake! Kisha, katika Mwezi wa 8, 2005, nilipewa pendeleo la kuwa katika Baraza Linaloongoza. Nilijisikia kwamba mugawo huo unaninyenyekeza. Bibi yangu mupendwa alikuwa na wasiwasi juu ya daraka hilo, na aliogopa kusafiri kila mara. Susan hakuwa anapenda kusafiri kwa kutumia avion, lakini tumesafiri kwa avion mara nyingi sana! Kuzungumuzia jambo hilo pamoja na bibi za ndugu wengine wa Baraza Linaloongoza, kumemusaidia aendelee kunitegemeza kwa kadiri inawezekana. Kwa kweli, Susan amenitegemeza sana, na kwa sababu hiyo ninamupenda.

Katika biro yangu, ninazungukwa na picha nyingi za lazima sana! Picha hizo zinanikumbusha mambo mengi sana yenye kufurahisha katika maisha yangu. Kufanya yangu yote ili kuendelea kukumbuka upendo wangu wa kwanza kwa Yehova kumeniletea baraka nyingi sana!

Kupitisha wakati pamoja na familia yangu kunaniletea furaha kubwa

^ fu. 31 Unaweza kupata habari nyingi kuhusu utumishi wa wakati wote wa Ndugu Morris katika Munara wa Mulinzi wa tarehe 15 Mwezi wa 3, 2006, ukurasa wa 26.