Ona video zinazopatikana

Ona habari zilizo ndani

Tumushukuru Yehova na Tutabarikiwa

Tumushukuru Yehova na Tutabarikiwa

‘Mumushukuru Yehova, kwa maana yeye ni mwema.’ ZAB. 106:1.

1. Sababu gani Yehova anastahili kabisa kupokea shukrani zetu?

YEHOVA anastahili kabisa kupokea shukrani zetu, kwa sababu yeye ndiye anatutolea “kila zawadi njema na kila tuzo kamilifu.” (Yak. 1:17) Kwa sababu yeye ni Muchungaji wetu mwenye upendo, anatupatia mahitaji yetu yote ya kimwili na ya kiroho. (Zab. 23:1-3) Yeye ni ‘kimbilio letu na nguvu yetu,’ zaidi sana wakati wa magumu. (Zab. 46:1) Bila shaka tuko na sababu nyingi sana zenye kutuchochea kumushukuru Yehova kama vile mutunga zaburi alifanya. Yeye aliandika hivi: ‘Mumushukuru Yehova, kwa maana yeye ni mwema; kwa maana fazili zake zenye upendo ni za wakati usio na kipimo [za milele].’—Zab. 106:1.

Andiko letu la mwaka wa 2015: Mumushukuru Yehova, kwa maana yeye ni mwema.Zaburi 106:1

2, 3. (a) Kukosa kuwa wenye shukrani kunaweza kutuingiza katika hatari gani? (b) Tutapata majibu kwa maulizo gani katika habari hii?

2 Sababu gani ni jambo la lazima tuzungumuzie jambo la kuwa wenye shukrani? Katika siku hizi za mwisho watu wanazidi kuwa wasio na shukrani, kama vile Biblia inasema. (2 Tim. 3:2) Watu wengi hawaone kama ni lazima kumushukuru Yehova kwa ajili ya mambo mazuri yenye wanapata. Kwa sababu ya matangazo ya wafanyabiashara, mamilioni ya watu wanajikaza sana kupata vitu vingi vya kimwili, na hawatosheke na vitu vyenye wamepata. Sisi pia tunaweza kuambukizwa na roho hiyo ya kukosa shukrani. Kama Waisraeli wa zamani, tunaweza kuwa watu wasio na shukrani, na  tunaweza kuzarau urafiki wetu pamoja na Yehova na mambo mazuri yenye ametupatia.—Zab. 106:7, 11-13.

3 Tufikirie pia jambo lenye linaweza kutokea wakati tunapata majaribu makali. Wakati kama huo, tunaweza kuhangaikia sana hali yetu kuliko kukazia akili baraka ao mambo mazuri yenye Yehova amekwisha kutufanyia. (Zab. 116:3) Kwa hiyo, namna gani tunaweza kuendelea kuwa na moyo wenye shukrani? Ni nini inaweza kutusaidia kuchunga mawazo mazuri wakati tunapambana na majaribu makali? Acha tuone.

“WEWE MWENYEWE UMEFANYA MAMBO MENGI, EE YEHOVA”

4. Tunapaswa kufanya nini ili tuendelee kuwa na moyo wenye shukrani?

4 Ili tuendelee kuwa na moyo wenye shukrani, tunapaswa kutambua na kufikiri sana juu ya mambo mazuri yenye Yehova ametupatia. Tunapaswa pia kuonyesha shukrani kwa ajili ya mambo hayo, na kufikiri sana juu ya mambo yenye amefanya kwa sababu ya upendo wake mushikamanifu. Wakati mutunga zaburi alifanya hivyo, alimuheshimu sana Yehova kwa sababu ya mambo mengi ya ajabu yenye Yehova alifanya.—Soma Zaburi 40:5; 107:43.

5. Mutume Paulo alikuwa mwenye shukrani, mufano wake unatufundisha nini?

5 Mutume Paulo alikuwa mutu mwenye shukrani, mufano wake unaweza kutufundisha mambo mengi. Bila shaka, alifikiria sana mambo mazuri yenye Yehova alimufanyia, ndio sababu kila mara alimushukuru kwa moyo wake wote. Mutume Paulo alijua vizuri kwamba zamani alikuwa ‘mukufuru na mutesaji na mutu mwenye zarau.’ Kwa hiyo, alionyesha shukrani kwa sababu, hata kama zamani alikuwa mutenda-zambi, Mungu na Kristo walimuonyesha rehema na wakamupatia pendeleo la kuwahubiria wengine. (Soma 1 Timotheo 1:12-14.) Pia, mutume Paulo alipendezwa sana na Wakristo wenzake, na kila mara alimushukuru Yehova kwa sababu ya sifa zao nzuri, na kwa sababu walimutumikia Yehova kwa uaminifu. (Flp. 1:3-5, 7; 1 Tes. 1:2, 3) Na wakati alikuwa katika magumu, alikuwa tayari kumushukuru Yehova kwa ajili ya musaada wenye ndugu na dada zake Wakristo walimutolea kwa wakati unaofaa. (Mdo. 28:15; 2 Kor. 7:5-7) Kwa hiyo, haishangaze kwamba maneno haya ya mutume Paulo yanatutia moyo: ‘Mujionyeshe kuwa wenye shukrani . . . , muonyane kwa zaburi, sifa kwa Mungu, nyimbo za kiroho kwa neema.’—Kol. 3:15-17.

KUFIKIRI SANA NA KUSALI KUNATUSAIDIA TUENDELEE KUWA WENYE SHUKRANI

6. Wewe ni mwenye shukrani kwa sababu ya mambo gani mazuri Yehova amekufanyia?

6 Mutume Paulo alikuwa mwenye shukrani. Namna gani tunaweza kuiga mufano wake muzuri? Kama mutume Paulo, kila mumoja wetu anapaswa kufikiri sana juu ya mambo yenye Yehova amemufanyia. (Zab. 116:12) Unaweza kujibu namna gani ikiwa mutu fulani anakuuliza hivi: ‘Wewe ni mwenye shukrani kwa ajili ya mambo gani mazuri Yehova amekufanyia’? Je, utataja urafiki wako pamoja na Yehova? Ao utataja kusamehewa kwako kwa sababu ya imani yako katika zabihu ya ukombozi ya Kristo? Utataja ndugu na dada wenye walikusaidia wakati ulikuwa unapambana na majaribu mbalimbali? Bila shaka, hautakosa pia kutaja bibi ao bwana yako, ao watoto wako wapendwa. Ukichukua wakati wa kufikiri sana juu ya mambo mazuri kama hayo yenye Yehova, Baba yako mwenye upendo amekupatia, utakuwa na moyo wenye shukrani na utachochewa kumushukuru kila siku.—Soma Zaburi 92:1, 2.

7. (a) Sababu gani tunapaswa kumutolea Yehova sala za shukrani? (b) Utapata faida gani kwa kumutolea Yehova sala za shukrani?

7 Wakati tunakazia katika akili yetu na katika moyo wetu baraka zenye tumepata, tutakuwa tayari kusali kwa Yehova na kumushukuru. (Zab. 95:2; 100:4, 5) Watu wengi wanasali tu ili kumuomba Mungu mambo fulani.  Lakini sisi tunajua kwamba Yehova anafurahi wakati tunamushukuru kwa ajili ya mambo mengi ametupatia. Biblia iko na mifano ya watu wengi wenye walitoa sala za kutoka moyoni ili kuonyesha shukrani yao kwa Yehova. Kwa mufano, sala ya Hana na sala ya Hezekia. (1 Sam. 2:1-10; Isa. 38:9-20) Kwa hiyo, uige watumishi hao waaminifu wenye walionyesha shukrani. Umushukuru Yehova katika sala kwa ajili ya mambo mazuri yenye amekufanyia. (1 Tes. 5:17, 18) Ukifanya hivyo, utapata faida nyingi. Utatiwa moyo sana, utamupenda Yehova zaidi, na utamukaribia sana.—Yak. 4:8.

Wewe ni mwenye shukrani kwa ajili ya mambo gani mazuri Yehova amekufanyia?(Ona fungu la 6, 7)

8. Ni nini inaweza kutufanya tuanze kusahau mambo yenye Yehova ametupatia?

8 Ikiwa hatuko waangalifu, tunaweza kukosa shukrani kwa ajili ya wema wa Yehova. Sababu gani? Kwa sababu tuliriti tabia ya kukosa shukrani. Tufikirie mufano huu: Yehova alitia wazazi wetu wa kwanza katika paradiso. Hawakukosa kitu na walikuwa na tumaini la kuishi milele katika amani. (Mwa. 1:28) Hata hivyo, walikosa shukrani kwa ajili ya baraka hizo. Kwa sababu ya pupa, walitamani kupata mambo mengi zaidi. Kwa hiyo, walikosa yote. (Mwa. 3:6, 7, 17-19) Tunaishi katika ulimwengu wa watu wasio na shukrani; sisi pia tunaweza kuanza kuwaiga na kusahau mambo yote yenye Yehova ametufanyia. Tunaweza kuanza kuzarau urafiki wetu pamoja na Yehova. Tunaweza hata kuanza kuzarau pendeleo letu la kuwa katika familia ya ndugu na dada wenye kuwa katika dunia yote. Tunaweza kuanza kuhangaikia sana mambo ya ulimwengu huu wenye utaharibiwa hivi karibuni. (1 Yoh. 2:15-17) Ili kuepuka hali hiyo mbaya, tunapaswa kufikiri sana juu ya baraka zenye tumepata na tunapaswa kuendelea kumushukuru Yehova kwa ajili ya pendeleo letu la kuwa watu wake.—Soma Zaburi 27:4.

WAKATI TUNAPAMBANA NA MAJARIBU

9. Wakati tunapata majaribu makali, sababu gani tunapaswa kufikiri sana juu ya mambo yenye Yehova ametupatia?

9 Kuwa na moyo wenye shukrani kunaweza kutusaidia tupambane na majaribu makali. Kwa mufano, tunaweza kujikuta bila kutazamia katika hali zenye kubadilisha maisha yetu, na hilo linaweza kutuhangaisha sana. Bibi ao bwana yetu anaweza kufanya uzinifu, tunaweza kupatwa na ugonjwa hatari, kufiwa na mutu mwenye tunapenda, ao kupata matokeo mabaya ya musiba wa asili. Wakati kama huo, tutafarijiwa na kutiwa moyo ikiwa tunafikiria mambo mazuri yenye Yehova ametupatia.  Tuone sasa namna watumishi fulani wa Mungu walipambana na majaribu.

10. Dada Irina alipata faida gani kwa kufikiria baraka zenye alipata?

10 Dada Irina * ni painia wa kawaida kaskazini mwa Amerika. Alikuwa mwenye kuolewa na muzee mumoja wa kutaniko. Muzee huyo alikosa uaminifu kwa dada na akamuacha pamoja na watoto. Ni nini ilimusaidia dada Irina aendelee kumutumikia Yehova kwa uaminifu? Anasema hivi: “Ninashukuru sana kwa sababu Yehova ananihangaikia kipekee. Wakati ninafikiria kila siku baraka zenye nimepata, ninaona kwamba ni pendeleo kubwa kujulikana na kupendwa na Baba yetu wa mbinguni mwenye kulinda watu wake. Niko hakika kwamba hataniacha hata siku moja.” Hata kama dada Irina alipata majaribu makali katika maisha yake, anaendelea kuwa na furaha na hilo linamutia nguvu na anatia wengine moyo kupitia mufano wake.

11. Ni nini ilimusaidia dada Kyung-sook avumilie ugonjwa wake wa hatari?

11 Dada Kyung-sook anaishi katika Asia, alifanya kazi ya upainia pamoja na bwana yake kwa miaka zaidi ya 20. Bila kutazamia, alipatwa na ugonjwa wa kansere ya mapafu (mafafa), na waganga walimuambia kwamba ataishi miezi tatu ao sita. Hata kama zamani yeye na bwana yake walipata majaribu ya kila namna, walionekana kuwa hawana matatizo ya afya. Dada huyo anasema hivi: “Habari hiyo iliniumiza sana. Nilijisikia kwamba nimepoteza kila kitu, na niliogopa sana.” Ni nini ilimusaidia dada Kyung-sook avumilie jaribu hilo? Anasema hivi: “Kila siku mbele ya kulala, nilienda kwenye sehemu ya juu ya nyumba yetu na nilisali kwa sauti ili kumushukuru Yehova kwa sababu ya mambo tano yenye alikuwa amenifanyia siku hiyo. Kisha kufanya hivyo, nilijisikia kuwa mwenye kutulia na nilichochewa kuonyesha upendo wangu kwa Yehova.” Dada Kyung-sook alipata faida gani kwa sababu ya sala zake? Anasema hivi: “Nilifikia kuelewa kwamba Yehova anatusaidia wakati wa majaribu, na kwamba baraka zenye tunapata ni nyingi zaidi kuliko majaribu.”

Dada Sheryl pamoja na ndugu yake John, kisha kuokoka musiba(Ona fungu la 13)

12. Ni nini ilimufariji ndugu Jason kisha kupoteza bibi yake?

12 Ndugu Jason anatumikia kwenye Beteli fulani katika Afrika, na amefanya kazi ya utumishi wa wakati wote kumepita sasa zaidi ya miaka 30. Anaeleza hivi: “Kumepita miaka saba tangu bibi yangu alikufa, na jambo hilo limeniumiza sana. Kufikiria kila mara namna ugonjwa wa kansere ulimutesa kulinisumbua sana.” Ni nini ilimusaidia ndugu Jason avumilie? Anasema hivi: “Wakati fulani, nilikuwa ninakumbuka maisha mazuri yenye tuliishi pamoja, na nilimushukuru Yehova katika sala kwa ajili ya jambo hilo. Nilipata kitulizo, na nikaanza kumushukuru Yehova kila mara kwa ajili ya maisha yenye tuliishi pamoja kwa furaha. Kuwa mwenye shukrani kulibadilisha sana namna yangu ya kuona mambo. Ninaendelea kusikia uchungu, lakini nimekuwa na maoni yenye kufaa kwa sababu ya kumushukuru Yehova, kwa kuwa alinipatia ndoa nzuri, na pendeleo la kumutumikia pamoja na bibi mwenye alimupenda sana.”

“Mimi ni mwenye shukrani sana kwa sababu Yehova ndiye Mungu wangu.”—Sheryl

13. Ni nini ilimusaidia dada Sheryl avumilie wakati alipoteza watu wengi wa familia?

13 Mwishoni mwa mwaka wa 2013, upepo mukali sana ulileta mafuriko (ao maji mengi) katika eneo la kati la inchi ya Ufilipino. Wakati huo, dada Sheryl alikuwa tu na miaka 13, na alipoteza karibu kila kitu. Anasema hivi: “Tulipoteza nyumba yetu na watu wengi wa familia.” Wazazi wake pamoja na ndugu yake mumoja na dada zake wawili walikufa katika mafuriko hayo. Ni nini ilimusaidia dada Sheryl avumilie musiba huo bila kuwa na uchungu sana? Yeye iko na moyo wenye shukrani na anaendelea kukumbuka baraka zenye anapata. Anasema hivi: “Niliona mambo yote yenye ndugu na dada walifanya ili kutusaidia na kutia  moyo wale wote wenye walikuwa na lazima ya musaada. Nilijua kwamba ndugu na dada katika dunia yote walikuwa wanasali kwa ajili yangu. Mimi ni mwenye shukrani sana kwa sababu Yehova ndiye Mungu wangu. Kila mara, anatupatia mambo yenye tunahitaji.” Bila shaka, kukumbuka mambo mazuri yenye tunapata kunatusaidia ili tusiendelee kuwa na uchungu sana. Ikiwa tunaendelea kuwa na moyo wenye shukrani, hatutarudi nyuma hata kama tunapambana na hali za namna gani.—Efe. 5:20; soma Wafilipi 4:6, 7.

‘MIMI NITAFURAHI KATIKA YEHOVA’

14. Tuko na tumaini gani lenye kufurahisha sana? (Ona picha kwenye mwanzo wa habari hii.)

14 Tangu zamani, watu wa Yehova wanafurahia mambo mazuri yenye anawafanyia. Kwa mufano, kisha Yehova kuwakomboa Waisraeli kwenye Bahari Nyekundu na kuangamiza Farao na majeshi yake, Waisraeli walionyesha furaha yao kwa kuimba ili kumusifu na kumushukuru Yehova. (Kut. 15:1-21) Leo, Yehova ametubariki sana; ametutolea tumaini hakika kwamba ataondoa mambo yote yenye kutuletea taabu na mateso. Tunafurahia sana tumaini hilo. (Zab. 37:9-11; Isa. 25:8; 33:24) Fikiria namna tutajisikia wakati Yehova ataharibu maadui wake wote na kutuingiza katika dunia mupya yenye amani na haki. Siku hiyo, itakuwa siku kubwa kabisa ya kutoa shukrani!—Ufu. 20:1-3; 21:3, 4.

15. Umeazimia kufanya nini katika mwaka huu wa 2015?

15 Tunangojea baraka za kiroho ao mambo mengi mazuri yenye Yehova atatufanyia katika mwaka huu wa 2015. Bila shaka, tunaweza pia kupata majaribu fulani. Lakini, hata kutokee nini, tunajua kwamba Yehova hawezi kutuacha. (Kum. 31:8; Zab. 9:9, 10) Ataendelea kutupatia kila jambo lenye tunahitaji ili tuendelee kumutumikia kwa uaminifu. Kwa hiyo, tuazimie kuwa kama nabii Habakuki, mwenye alisema hivi: ‘Ijapokuwa huenda mutini usichanue, kusiwe na mazao kwenye mizabibu; kazi ya muzeituni ikashindwa, matuta yasizae chakula chochote. Huenda kundi liondolewe zizini, na kusiwe na mifugo katika mazizi; lakini mimi, nitafurahi katika Yehova mwenyewe; nitakuwa na shangwe katika Mungu wa wokovu wangu.’ (Hab. 3:17, 18) Katika mwaka huu, acheni tuendelee kufikiri na kufurahia baraka zenye tunapata na tufuate shauri hili la andiko letu la mwaka wa 2015: ‘Mumushukuru Yehova, kwa maana yeye ni mwema.’—Zab. 106:1.

^ fu. 10 Majina fulani yamebadilishwa.