Ona video zinazopatikana

Ona habari zilizo ndani

“Mungu Alikuwa Wapi?”

“Mungu Alikuwa Wapi?”

“NINAENDELEA KUJIULIZA ULIZO HILI: MUNGU ALIKUWA WAPI?”​—Papa Benoît XVI, wakati alitembelea kambi ya zamani ya mateso ya Auschwitz, Poland.

WAKATI MISIBA INATOKEA, UNAJIULIZAKA ‘MUNGU ALIKUWA WAPI?’ AO KATIKA MAISHA YAKO, HALI YENYE KUOGOPESHA IMEKWISHA KUKUFANYA UJIULIZE IKIWA MUNGU ANAKUHANGAIKIA KIPEKEE?

Pengine unajisikia kama Sheila, mwenye kuishi katika États-Unis. Alikomalia katika familia yenye kupenda sana mambo ya dini. Alisema hivi: “Tangu utoto wangu, nilivutiwa na Mungu kwa sababu ni yeye alituumba. Hata hivyo, sikujisikia kuwa karibu naye hata kidogo. Niliwaza kama alikuwa ananiona, lakini kwa mbali tu. Sikujisikia kama Mungu alinichukia, lakini pia sikuamini kama alinipenda.” Juu ya nini Sheila alikuwa na mashaka? Anaeleza hivi: “Familia yetu ilipatwa na magumu yenye yalifuatana, na ilionekana kuwa Mungu hakuwa anatusaidia.”

Kama Sheila, unaweza kujisikia kuwa Mungu Mweza-Yote iko. Hata hivyo, unaweza kujiuliza ikiwa anakuhangaikia kabisa. Yobu, mwanaume mwenye haki, mwenye aliamini kuwa Muumbaji ni mwenye nguvu na mwenye hekima, alikuwa na mashaka kama hayo. (Yobu 2:3; 9:4) Kisha Yobu kupigwa na misiba yenye ilifuatana, na wakati aliona kuwa hakuna tumaini, aliuliza Mungu hivi: “Sababu gani unaficha uso wako na kuniona kuwa adui yako?”​—Yobu 13:24.

Biblia inasema nini? Je, tumulaumu Mungu wakati misiba inatupata? Kuko ushuhuda wowote wenye kuonyesha kama Mungu anahangaikia wanadamu wote kwa ujumla na kila mumoja wetu kipekee? Kila mumoja wetu, anaweza kabisa kujua ikiwa Mungu anatuona, anatuelewa, anatusikilia huruma, ao kutusaidia wakati tuko katika magumu?

Katika habari zenye kufuata, tutaona mambo yenye uumbaji unatufundisha yenye yanaonyesha kuwa Mungu anatuhangaikia. (Waroma 1:20) Kisha, tutachunguza mambo yenye Biblia inafunua yenye yanaonyesha kama Mungu anatuhangaikia. Kadiri ‘unamujua yeye’ kupitia uumbaji na Neno lake, ni hivyo utakuwa hakika kama ‘anakuhangaikia.’​—1 Yohana 2:3; 1 Petro 5:7.