UMEKWISHA KUAMUA NAMNA MAISHA YAKO YA WAKATI WENYE KUJA YATAKUWA? Watu fulani wanaamini kama mambo yenye yanawafikia yamekwisha kupangwa zamani na kwamba ni hilo ndilo linaongoza maisha yao, haiko uamuzi wao wenyewe. Wakati wanashindwa kufikia miradi yao fulani, wanasema tu kama ingepaswa kuwa hivyo. Wanasema, “Ilipangwa tangu zamani kama singefikia miradi yangu!”

Wengine wanavunjika moyo wakati wanaona kama maisha yao hayabadilike katika ulimwengu huu wenye mateso na ukosefu wa haki. Pengine wamejikaza ili kufanya maisha yao yakuwe muzuri zaidi; lakini mara kwa mara, mambo kama vile vita, jeuri, misiba ya asili, na magonjwa vinaharibu mipango yao. Wanajiuliza, ‘Sababu gani tujisumbue?’

Ni kweli kwamba hali mbalimbali zinaweza kabisa kuvuruga mipango yako. (Mhubiri 9:11) Lakini, kuhusu maisha yako ya wakati wenye kuja wa milele, uko kabisa na uamuzi wa kukamata. Kwa kweli, Biblia inaonyesha kama wakati wako wenye kuja unategemea uamuzi wako. Tuone mambo yenye inasema.

Musa, kiongozi wa taifa la zamani la Israeli, alizungumuza na watu wakati walikuwa karibu kuingia katika Inchi ya Ahadi. Aliwaambia hivi: ‘Nimeweka uzima na kifo mbele yako, baraka na laana; na wewe lazima uchague uzima ili uendelee kuwa hai [ao, kuishi], wewe na uzao wako, kwa kumupenda Yehova Mungu wako, kwa kusikiliza sauti yake na kwa kushikamana naye.’​—Kumbukumbu la Torati 30:15, 19, 20.

‘Nimeweka uzima na kifo mbele yako, baraka na laana; na wewe lazima uchague uzima.’​—Kumbukumbu la Torati 30:19

Ndiyo! Mungu alikomboa Waisraeli kutoka katika utumwa wa Misri na aliwapatia nafasi ya kuwa huru na kuwa na maisha yenye furaha katika Inchi ya Ahadi. Lakini hawangepata uhuru na furaha bila wao kufanya kitu. Ili kupata baraka hizo, walipaswa ‘kuchagua uzima.’ Namna gani? ‘Kwa kumupenda Mungu, kwa kusikiliza sauti yake, na kwa kushikamana naye.’

Leo, wewe pia unaombwa kukamata uamuzi kama huo, na maamuzi yako yataonyesha namna maisha yako ya wakati wenye kuja yatakuwa. Wakati unachagua kumupenda Mungu, kusikiliza sauti yake, na kushikamana naye, utakuwa bila shaka unachagua uzima; uzima wa milele katika dunia paradiso. Lakini, hatua hizo zinamaanisha nini?

Upendo ni moja kati ya sifa kubwa za Mungu. “Mungu ni upendo,” ni hivyo mutume Yohana aliandika chini ya uongozi wa roho takatifu. (1 Yohana 4:8) Ndiyo sababu wakati aliulizwa amri kubwa kuliko zote ni gani, Yesu alisema hivi: ‘Lazima umupende Yehova Mungu wako kwa moyo wako wote na kwa nafsi yako yote na kwa akili yako yote.’ (Mathayo 22:37) Uhusiano wetu pamoja na Yehova Mungu hautegemee woga ao kumutii kama vipofu, lakini unapaswa kutegemea upendo. Lakini, sababu gani tunapaswa kuchagua kumupenda?

Upendo wa Yehova kwa wanadamu uko kama ule wenye wazazi wenye upendo wanaonyesha watoto wao. Hata kama hawakamilike, wazazi wenye upendo wanafundisha, wanatia moyo, wanategemeza, na wanatia watoto wao nizamu kwa sababu wanapenda wakuwe na furaha na wapate mafanikio. Wazazi wanapenda watoto wao wawafanyie nini? Wanapenda watoto wawaonyeshe kama wanawapenda na waishi kulingana na mambo yenye wazazi wao wamewafundisha kwa faida yao. Hauone kama ni jambo lenye kupatana na akili kwamba Baba yetu wa mbinguni ambaye ni mukamilifu anatazamia sisi tuonyeshe kama tuko wenye shukrani kwa mambo yote yenye ametufanyia?

Katika luga ya kwanza ambamo Biblia iliandikwa, neno ‘sikiliza’ mara nyingi linamaanisha “kutii.” Wakati tunaambia mutoto, “Sikiliza wazazi wako,” je, hilo halimaanishe kama tunapenda mutoto huyo atii wazazi wake? Kwa hiyo, kusikiliza sauti ya Mungu kunamaanisha kujifunza na kutii mambo yenye anatuambia. Kwa sababu hatuwezi kusikia sauti ya Mungu kwa njia ya kawaida, tunamusikiliza kwa kusoma na kutumikisha mambo yenye kuwa katika Neno lake, Biblia.​—1 Yohana 5:3.

Ili kuonyesha kwamba ni jambo la maana kusikiliza sauti ya Mungu, wakati fulani Yesu alisema hivi: ‘Mwanadamu ataishi, si kwa mukate tu, bali kwa kila neno linalotoka katika kinywa cha Yehova.’ (Mathayo 4:4) Kama vile chakula cha kimwili ni cha maana kwetu, kupata ujuzi wa Mungu, ni kwa maana hata zaidi. Sababu gani? Mufalme Sulemani, mutu mwenye hekima, alisema hivi: ‘Hekima ni ulinzi, kama vile pesa ni ulinzi; lakini faida ya ujuzi ni kwamba hekima inawahifazi [ao, kulinda] hai waliyo nayo.’ (Mhubiri 7:12) Ujuzi na hekima kutoka kwa Mungu vinaweza kutulinda leo na kutusaidia kukamata maamuzi yenye hekima yenye yatatuongoza kwenye uzima wa milele wakati wenye kuja.

Kumbuka mufano wa Yesu wenye tulizungumuzia katika habari yenye ilitangulia. Katika mufano huo Yesu alisema hivi: ‘Mulango ni mwembamba na barabara inayoongoza kwenye uzima ina nafasi ndogo, na wachache ndio wanaoipata.’ (Mathayo 7:13, 14) Wakati tunatembea katika barabara kama hiyo, bila shaka tutafaidika kwa kuwa na kiongozi mwenye uzoefu na kushikamana naye, na hilo litatuongoza kwenye uzima wa milele. Kwa hiyo, kuko sababu ya muzuri ya kubakia karibu na Mungu. (Zaburi 16:8) Lakini, namna gani tunafanya hivyo?

Kila siku, kuko mambo mengi yenye tunapaswa kufanya na mambo mengi zaidi yenye tungependa kufanya. Mambo kama hayo yanaweza kufanya tukuwe na mengi ya kufanya ao kutukengeusha hivi kwamba tunabakia na wakati kidogo sana ao tunakosa wakati wa kufikiria mambo yenye Mungu anapenda tufanye. Ndiyo sababu Biblia inatukumbusha hivi: ‘Muendelee kuangalia sana kwamba jinsi munavyotembea si kama watu wasio na hekima bali kama watu wenye hekima, mukijinunulia wakati unaofaa, kwa sababu siku hizi ni zenye uovu.’ (Waefeso 5:15, 16) Tunabakia karibu na Mungu kwa kuona urafiki wetu pamoja naye kuwa kitu cha maana sana katika maisha yetu.​—Mathayo 6:33.

Hata kama hakuna jambo lenye unaweza kufanya ili kubadilisha mambo ya wakati wenye umekwisha kupita, kuko mambo yenye unaweza kufanya ili wewe na watu wenye unapenda mukuwe na maisha ya muzuri wakati wenye kuja. Biblia inaonyesha kama Baba yetu wa mbinguni, Yehova Mungu, anatupenda sana na kama anatuonyesha mambo yenye anapenda tufanye. Ona maneno haya ya nabii Mika:

‘Ee mutu wa udongo, yeye amekuambia yaliyo mema. Na Yehova anataka nini kutoka kwako ila kutenda haki na kupenda fazili na kuwa na kiasi katika kutembea na Mungu wako.’​—Mika 6:8.

Utakubali mwaliko wa Yehova wa kutembea pamoja naye ili kupata baraka zenye ametayarishia wale wenye wanatembea pamoja naye? Uamuzi ni wako!