Ona video zinazopatikana

Ona habari zilizo ndani

Kweli Kuhusu Wakati Wenye Kuja

Kweli Kuhusu Wakati Wenye Kuja

Umekwisha kujiuliza kama wakati wenye kuja utakuwa namna gani? Biblia inaonyesha kama hivi karibuni kutakuwa matukio makubwa yenye itakuwa na matokeo juu ya watu wote wenye kuwa ku dunia.

Yesu alizungumuzia mambo yenye ingetusaidia ‘kujua kwamba Ufalme wa Mungu unakaribia.’ (Luka 21:31) Kati ya mambo hayo, Yesu alitabiri kama kungekuwa vita kubwa, matetemeko makubwa ya inchi, upungufu wa chakula, na magonjwa ya kuambukiza; ile ni mambo yenye tuko tunajionea leo.​—Luka 21:10-17.

Pia, Biblia inaonyesha kama katika “siku za mwisho” za utawala wa wanadamu watu wangejiendesha mubaya sana. Ona namna Biblia inazungumuzia ile jambo kwa kusoma 2 Timoteo 3:1-5. Wakati unaona zile tabia na matendo ya watu leo, bila shaka unakubali kama mambo yenye Biblia ilisema zamani inapatana na mambo yenye tuko tunaona leo.

Ile inamaanisha nini? Ile inamaanisha kama Ufalme wa Mungu uko karibu kuleta mabadiliko makubwa yenye itafanya maisha ku dunia ikuwe ya muzuri zaidi. (Luka 21:36) Katika Biblia, Mungu anaahidi kama atafanya dunia ikuwe muzuri na kama atafanyia watu wenye kuishi ndani mambo ya muzuri. Tuone mifano fulani.

UTAWALA MUZURI

“Na [Yesu] akapewa utawala, heshima, na ufalme, ili vikundi vya watu, mataifa, na vikundi vya luga, wote wamutumikie. Utawala wake ni utawala wenye unadumu milele wenye hautapitilia mbali, na ufalme wake hautaharibiwa.”​DANIELI 7:14.

Ile inamaanisha nini? Unaweza kufurahia maisha chini ya serikali kubwa yenye itatawala dunia yote yenye Mungu amesimamisha na yenye Mwana wake njo Mufalme.

 AFYA YA MUZURI

“Hakuna mukaaji mwenye atasema: ‘Niko mugonjwa.’”​ISAYA 33:24.

Ile inamaanisha nini? Hautagonjwaka tena ao kuwa mulemavu; utaweza kuishi bila kufa.

AMANI KATIKA DUNIA YOTE

“Anamaliza vita katika dunia yote.”​ZABURI 46:9.

Ile inamaanisha nini? Hakutakuwa tena vita na mateso yote yenye inaletwa na vita.

DUNIA ITAJAA WATU WAZURI

“Waovu hawatakuwa tena . . . Wapole watariti dunia.”​ZABURI 37:10, 11.

Ile inamaanisha nini? Hakutakuwa tena watu waovu, kutakuwa tu watu wenye wanapenda kumutii Mungu.

DUNIA YOTE ITAKUWA PARADISO

“Watajenga nyumba na kuishi ndani, na watapanda mashamba ya mizabibu na kula matunda yake.”​ISAYA 65:21, 22.

Ile inamaanisha nini? Dunia yote itakuwa yenye kupendeza. Mungu atatimiza sala yetu yenye tunasali kwamba mapenzi yake ifanyike “duniani.”​—Matayo 6:10.