Ona video zinazopatikana

Ona habari zilizo ndani

‘Mulie Pamoja na Watu Wanaolia’

‘Mulie Pamoja na Watu Wanaolia’

‘Muendelee kufarijiana na kujengana.’​—1 TES. 5:11.

NYIMBO: 121, 75

1, 2. Sababu gani ni jambo la lazima tuzungumuzie namna ya kufariji watu wenye wamefiwa? (Ona picha kwenye mwanzo wa habari hii.)

SUSI alisema hivi: “Kwa mwaka moja hivi kisha kifo cha mutoto wetu mwanaume, tulisikia maumivu makali sana.” Mukristo mwingine alisema kama wakati bibi yake alikufa kifo cha kushitukia, alisikia “maumivu mengi sana ya mwili.” Jambo la kuhuzunisha ni kwamba watu wengine wengi wanasikia maumivu kama hayo. Katika kutaniko la Kikristo pengine wengi hawakutazamia kuwa wapendwa wao wangekufa mbele Har-Magedoni ifike. Iwe wewe mwenyewe umefiwa na mupendwa wako ao unajua mutu fulani mwenye amefiwa, unaweza kujiuliza hivi: ‘Namna gani wale wenye wamefiwa wanaweza kusaidiwa ili wapambane na maumivu yao ya moyoni?’

2 Pengine umesikia watu wanasema kuwa mutu anapona kadiri wakati unapita. Lakini, ni kweli kabisa kuwa wakati yenyewe inaweza kuponya moyo wenye kuwa na huzuni? Mujane mumoja mwanamuke alisema hivi: “Nimetambua kuwa ni muzuri zaidi kusema kama namna mutu anatumia wakati wake, ndiyo inamusaidia kupona.” Kwa kweli, kama vile kidonda cha kawaida, maumivu ya kidonda cha moyoni yanaweza kuisha polepole kadiri wakati unapita ikiwa yanahangaikiwa  kwa upendo. Ni mambo gani ya pekee yenye yanaweza kusaidia watu wenye wamefiwa wapone vidonda vyao vya moyoni?

YEHOVA NI “MUNGU WA FARAJA YOTE”

3, 4. Sababu gani tunaweza kuwa hakika kuwa Yehova anaelewa kuwa mutu mwenye amefiwa iko na lazima ya kufarijiwa?

3 Kwa kweli, chanzo kikubwa cha faraja ni Yehova, Baba yetu wa mbinguni mwenye huruma. (Soma 2 Wakorintho 1:3, 4.) Yehova mwenye kuwa na huruma nyingi zaidi, aliwahakikishia watu wake hivi: “Mimi mwenyewe ndiye Yule anayewafariji ninyi.”​—Isa. 51:12; Zab. 119:50, 52, 76.

4 Baba yetu mwenye huruma nyingi alisikia huzuni wakati alipoteza wapendwa wake kama vile Abrahamu, Isaka, Yakobo, Musa, na Mufalme Daudi. (Hes. 12:6-8; Mt. 22:31, 32; Mdo. 13:22) Neno la Mungu linatuhakikishia kuwa Yehova amengojea kwa hamu, ametamani sana wakati wenye atawafufua. (Ayu. 14:14, 15) Watakuwa na furaha na afya ya muzuri sana. Fikiria pia namna Mwana mupendwa wa Mungu, ‘yule ambaye yeye alimupenda sana’, alikufa kifo cha maumivu makali sana. (Met. 8:22, 30) Ni vigumu kabisa kueleza maumivu yenye Yehova alisikia.​— Yoh. 5:20; 10:17.

5, 6. Namna gani Yehova anaweza kutufariji?

5 Tunaweza kuwa hakika kabisa kuwa Yehova atatusaidia. Kwa hiyo, tunapaswa kuwa tayari kumuelezea katika sala mambo yote yenye kuwa katika moyo wetu juu ya huzuni yetu. Ni jambo lenye kufariji sana kujua kuwa Yehova anaelewa maumivu yetu na anatutolea faraja yenye tuko nayo lazima! Lakini namna gani anafanya hivyo?

6 Njia moja yenye Mungu anatumia ili kutusaidia ni kupitia “faraja ya roho takatifu.” (Mdo. 9:31) Nguvu ya Mungu ya utendaji ni njia kubwa sana yenye Yehova anatumia ili kutufariji. Yesu aliahidi kuwa Baba wa mbinguni iko tayari ‘kupatia roho takatifu wale wanaomuomba.’ (Lu. 11:13) Susi, mwenye tulizungumuzia mwanzoni, anasema hivi: “Mara nyingi kulikuwa wakati wenye tulipiga tu magoti na kumulilia Yehova atufariji. Kila wakati, amani ya Mungu ililinda kabisa mioyo yetu na akili zetu.”​—Soma Wafilipi 4:6, 7.

YESU​—NI KUHANI MUKUBWA MWENYE HURUMA

7, 8. Sababu gani tunaweza kuwa hakika kuwa Yesu atatufariji?

7 Wakati Yesu alikuwa katika dunia, maneno na matendo yake yenye huruma yalionyesha kwa ukamilifu sifa ya Yehova ya kujitia pa nafasi ya wengine. (Yoh. 5:19) Yesu alitumwa ili kufariji wale “waliovunjika moyo” na “wote wanaoomboleza.” (Isa. 61:1, 2; Lu. 4:17-21) Kwa hiyo, alionyesha kabisa huruma kubwa, ni kusema, alielewa maumivu yenye watu walikuwa wanasikia na alitamani sana kuwasaidia wajisikie muzuri.​—Ebr. 2:17.

8 Wakati alikuwa kijana mudogo, kwa kweli Yesu alipambana na huzuni yenye kuletwa na kifo cha watu wa familia yake na marafiki. Inawezekana kuwa Yosefu, baba mulezi wa Yesu, alikufa wakati Yesu alikuwa angali kijana. * Fikiria namna Yesu, kijana mwenye huruma mwenye pengine alikuwa na miaka 20 hivi ao chini ya hapo, alipambana na huzuni yake mwenyewe, ya mama yake, na ya ndugu na dada zake.

9. Namna gani Yesu alionyesha sifa ya kujitia pa nafasi ya wengine wakati Lazaro alikufa?

9 Wakati Yesu alianza kazi yake ya kuhubiri alikuwa na utambuzi mukubwa, na alikuwa anaelewa kabisa namna watu wengine walikuwa  wanajisikia. Kwa mufano, fikiria wakati rafiki yake mupendwa Lazaro alikufa. Hata kama Yesu alijua kuwa angemufufua Lazaro, alisikia maumivu makali moyoni kwa sababu ya huzuni nyingi sana yenye Maria na Martha walikuwa nayo. Aliguswa sana moyoni mupaka huruma nyingi ikajaa katika moyo wake na kumufanya atokwe machozi.​—Yoh. 11:33-36.

10. Sababu gani tunaweza kuwa hakika kuwa Yesu ni mwenye huruma leo?

10 Namna Yesu alionyesha huruma na kufariji watu, inaweza kutusaidia namna gani leo? Maandiko yanatuhakikishia kuwa “Yesu Kristo ni yuleyule jana na leo, na milele.” (Ebr. 13:8) Kwa sababu ‘Wakili Mukubwa wa uzima’ anaelewa muzuri namna mutu anajisikia wakati iko na huzuni, “anaweza kuwasaidia wale wanaojaribiwa.” (Mdo. 3:15; Ebr. 2:10, 18) Kwa hiyo, tunaweza kuwa hakika kuwa Kristo anaendelea kuguswa moyo na maumivu ya wengine, anaelewa huzuni yao, na kuwatolea faraja “kwa wakati unaofaa.”​—Soma Waebrania 4:15, 16.

“FARAJA KUTOKANA NA MAANDIKO”

11. Ni maandiko gani wewe unaona kuwa ni yenye kufariji?

11 Habari yenye kuzungumuzia huzuni yenye Yesu alikuwa nayo wakati wa kifo cha Lazaro, ni moja tu kati ya maandiko mengi sana yenye kuleta kitulizo yenye kupatikana katika Neno la Mungu lenye kufariji. Ndiyo sababu ‘mambo yote yaliyoandikwa zamani yaliandikwa ili kutufundisha sisi, ili kupitia uvumilivu wetu na kupitia faraja kutokana na Maandiko tukuwe na tumaini.’ (Rom. 15:4) Ikiwa umefiwa, wewe pia unaweza kupata maneno yenye kutuliza katika maandiko kama haya:

  • ‘Yehova yuko karibu na wale waliovunjika moyo; naye anawaokoa wale waliopondwa roho.’​—Zab. 34:18, 19.

  • ‘Fikira zangu zinazofazaisha zilipokuwa nyingi ndani yangu, faraja zako [Yehova] mwenyewe zilianza kuikumbatia nafsi yangu.’​—Zab. 94:19.

  • ‘Bwana wetu Yesu Kristo mwenyewe na Mungu Baba yetu, aliyetupenda na kutupa sisi faraja ya milele na tumaini njema kwa njia ya fazili zisizostahiliwa, na aifariji mioyo yenu na kuwaimarisha.’​—2 Tes. 2:16, 17. *

KUTANIKO LINATOA FARAJA KUBWA

12. Namna gani tunaweza kufariji wengine?

12 Watu wenye kuwa na huzuni ya kufiwa wanaweza pia kupata faraja katika kutaniko la Kikristo. (Soma 1 Wathesalonike 5:11.) Namna gani unaweza kutia nguvu na kufariji wale wenye kuwa na “roho iliyopondeka”? (Met. 17:22) Ukumbuke kuwa kuko “wakati wa kukaa kimya na wakati wa kusema.” (Mhu. 3:7) Mujane mumoja mwenye kuitwa Dalene anaeleza hivi: “Watu wenye wamefiwa wako na lazima ya kueleza mawazo yao na namna wanajisikia. Kwa hiyo, jambo la maana sana lenye unaweza kufanyia mutu mwenye amefiwa ni kumusikiliza bila kumukatiza.” Junia, mwenye kaka yake alijiua, anaongeza hivi: “Hata kama hauwezi kuelewa huzuni yao muzuri kabisa, jambo la maana zaidi ni kwamba unapenda kuelewa namna wanajisikia.”

13. Tunapaswa kukumbuka nini juu ya watu wenye wamefiwa?

13 Pia, kumbuka kama watu wote hawaonyeshe huzuni yao katika njia ileile. Wakati fulani, ni moyo wa mutu tu ndio unaelewa muzuri sana namna anajisikia, na inaweza kuwa vigumu kwake kueleza namna anajisikia kabisa katika moyo. Neno la Mungu linasema hivi: ‘Moyo unajua uchungu wa nafsi ya mutu mwenyewe, wala hapana mugeni atakayejiingiza katika kushangilia kwake.’ (Met. 14:10) Hata wakati mutu anaeleza  namna anajisikia, haiko mwepesi sikuzote kwa wengine kuelewa mambo yenye anajaribu kusema.

14. Tunaweza kusema nini ili kufariji watu wenye wamefiwa?

14 Kwa kweli, inaweza kuwa vigumu kujua ni mambo gani yenye unaweza kumuambia mutu mwenye kuwa na huzuni nyingi. Hata hivyo, Biblia inasema kama ‘ulimi wa mwenye hekima unaponya.’ (Met. 12:18) Wengi wamepata maneno yenye kufariji katika broshua Mtu Fulani Umpendaye Anapokufa, * yenye wanaweza kuambia mutu mwenye amefiwa. Hata hivyo, mara nyingi jambo la maana zaidi lenye unaweza kufanya ni ‘kulia pamoja na watu wanaolia.’ (Rom. 12:15) Gaby, mwenye bwana yake alikufa, anasema hivi: “Machozi yamekuwa njia ya kuonyesha namna ninajisikia katika moyo wangu. Ndiyo sababu ninafarijiwa wakati marafiki wanalia pamoja na mimi. Wakati huo, sijisikie kuwa niko peke yangu katika huzuni yangu.”

15. Namna gani tunaweza kutolea wengine faraja ikiwa tunashindwa kufanya hivyo moja kwa moja? (Ona pia kisanduku “ Maneno Yenye Kufariji.”)

15 Ikiwa unashindwa kuzungumuza na mutu mwenye amefiwa, inaweza kuwa mwepesi kumufariji kwa kumutumia barua, kwa kumutumia ujumbe kwenye telefone ao kwenye Internete. Unaweza kumuandikia maneno ya andiko fulani lenye kufariji, kutaja sifa fulani za muzuri za mutu mwenye alikufa, ao jambo fulani lenye kupendeza lenye unakumbuka juu yake. Junia anasema hivi: “Wakati ninapata ujumbe ao mualiko kutoka kwa Mukristo mwenzangu ili nipitishe wakati pamoja naye, hilo linanisaidia sana. Mambo hayo yanafanya nijisikie kuwa mwenye kupendwa na mwenye kuhangaikiwa.”

16. Ni njia gani yenye matokeo ya muzuri yenye tunaweza kutumia ili kutoa faraja?

16 Usizarau nguvu ya sala zenye unaweza  kutoa pamoja na Mukristo mwenye amefiwa ao sala zenye unaweza kutoa wakati mwingine kwa ajili yake. Hata kama inaweza kuwa vigumu kusema muzuri mawazo yako katika hali kama hiyo, kusali kwa moyo wote kwa ajili yake, hata kwa kutoa machozi na kwa sauti yenye kutetemeka, kunaweza kumufariji sana mutu mwenye amefiwa. Dalene anakumbuka hivi: “Wakati fulani, wakati dada wamekuja kunifariji, nimewauliza ikiwa watapenda kusali. Wakati wanaanza kusali, mara nyingi wanashindwa kusema, lakini kila wakati, kisha kusema maneno fulani, sauti zao zinaanza kupata nguvu na wanasali kwa moyo wao wote. Imani yao yenye nguvu, upendo wao, na namna wananihangaikia, vimetia nguvu sana imani yangu.”

ENDELEA KUFARIJI WENGINE

17-19. Sababu gani tunapaswa kuendelea kufariji wengine?

17 Muda wenye mutu anaweza kufanya ili huzuni yake ifikie kuisha unatofautiana sana kati ya watu mbalimbali. Kwa hiyo, ukuwe tayari kusaidia wakati wowote, haiko tu katika siku za kwanza-kwanza wakati marafiki wengi na watu wa jamaa wako pale, lakini pia katika miezi yenye kufuata wakati wengine wamerudilia mambo yao ya kawaida. “Rafiki wa kweli anapenda nyakati zote, naye ni ndugu aliyezaliwa kwa ajili ya wakati wa taabu.” (Met. 17:17) Wakristo wanaweza kufariji sana mutu fulani mwenye amefiwa kwa muda wote wenye anaendelea kupambana na huzuni yake.​—Soma 1 Wathesalonike 3:7.

18 Kumbuka kuwa mambo kama vile siku fulani za kukumbuka, muziki fulani, picha, kazi mbalimbali, ao hata harufu fulani, sauti ao majira fulani ya mwaka, yanaweza kuletea huzuni watu wenye wamefiwa. Mambo mengi yenye bibi ao bwana mwenye amefiwa anafanya kwa mara ya kwanza yeye peke yake, kama vile kuenda kwenye mukusanyiko ao Ukumbusho, yanaweza kumuletea huzuni nyingi. Ndugu mumoja alisema hivi: “Nilitazamia kuwa kisha kifo cha bibi yangu, tarehe ya kukumbuka siku yenye tulifunga ndoa ingeniletea huzuni nyingi, na haikukuwa mwepesi. Lakini ndugu na dada fulani walifanya mipango ili tukutane pamoja na marafiki wangu wa sana ili nisibakie mimi mwenyewe.”

19 Hata hivyo, kumbuka kuwa watu wenye wamefiwa wako na lazima ya kufarijiwa haiko tu wakati wa matukio fulani ya pekee. Junia anasema hivi: “Mara nyingi musaada na urafiki wenye kutolewa wakati mwingine wowote hata kama haiko siku fulani ya pekee ya kukumbuka unaweza kuwa wa maana sana. Wakati kama huo ni wa maana sana na unaleta faraja kubwa.” Ni kweli kwamba hatuwezi kumaliza huzuni yote ya mutu fulani mwenye amefiwa ao kumaliza kabisa hali ya kujisikia kuwa peke yake, lakini tunaweza kutuliza na kufariji kwa kadiri fulani mutu mwenye amefiwa kwa kumutolea musaada wenye kufaa. (1 Yoh. 3:18) Gaby anakumbuka hivi: “Niko mwenye shukrani sana kwa Yehova kwa sababu ametutolea wazee wenye upendo wenye walinisaidia katika magumu yote yenye nilipata. Wamenifanya kabisa nijisikie kuwa mikono ya Yehova yenye upendo imenikumbatia.”

20. Sababu gani ahadi za Yehova zinatutolea faraja kubwa?

20 Ni jambo lenye kufariji sana kujua kuwa Yehova, Mungu wa faraja yote atamaliza huzuni yote na kutoa faraja ya milele wakati “wote waliomo ndani ya makaburi ya ukumbusho wataisikia sauti yake [Yesu] na kutoka”! (Yoh. 5:28, 29) Mungu anaahidi kuwa “atameza kifo milele, na Bwana Mwenye Enzi Kuu Yehova hakika atafuta machozi katika nyuso zote.” (Isa. 25:8) Kwa hiyo, kuliko ‘kulia pamoja na watu wanaolia,’ wakaaji wote wa dunia ‘watashangilia pamoja na watu wanaoshangilia.’​—Rom. 12:15.

^ fu. 8 Yosefu anazungumuziwa kwa mara ya mwisho wakati Yesu alikuwa na miaka 12. Wakati Yesu alifanya muujiza wake wa kwanza wa kugeuza maji kuwa divai, Yosefu hatajwe na hazungumuziwe tena nafasi ingine yoyote. Wakati alikuwa kwenye muti wa mateso, Yesu alimuambia mutume Yohana amuchunge Maria mama yake. Inawezekana Yesu hangefanya hivyo ikiwa Yosefu alikuwa angali muzima.​— Yoh. 19:26, 27.

^ fu. 14 Ona habari “Wafariji Waliofiwa kama Yesu Alivyofanya” katika gazeti Munara wa Mulinzi la tarehe 1 Mwezi wa 11, 2010.