Ona video zinazopatikana

Ona habari zilizo ndani

Amani​—Namna Gani Unaweza Kuipata?

Amani​—Namna Gani Unaweza Kuipata?

KWA SABABU tunaishi katika ulimwengu wenye kuwa na muvurugo, tunapaswa kujikaza sana ili tupate amani. Lakini, hata wakati tuko na amani kwa kiasi fulani, mara nyingi ni vigumu kwetu kuendelea kuwa na amani hiyo. Neno la Mungu linasema mambo gani yenye yanaweza kutusaidia kupata amani ya kweli na yenye kuendelea? Na namna gani tunaweza kusaidia wengine wapate amani hiyo?

TUNAPASWA KUFANYA NINI ILI TUKUWE NA AMANI YA KWELI?

Ili tukuwe na amani ya kweli, tunapaswa kujisikia kuwa salama na wenye kutulia katika moyo wetu. Tunapaswa pia kuwa na urafiki wenye nguvu pamoja na wengine. Na jambo la maana zaidi ni kwamba, ili tupate amani yenye kuendelea, tunapaswa kuwa na urafiki wa sana pamoja na Mungu. Namna gani tunaweza kufanya hivyo?

Mahangaiko ya maisha yanafanya watu wengi wakose amani

Wakati tunatii amri na kanuni za haki za Yehova, tunaonyesha kabisa kama tunamutumainia na kama tunapenda kuwa na urafiki wenye amani pamoja naye. (Yer. 17:7, 8; Yak. 2:22, 23) Kwa hiyo, anatukaribia na kutubariki kwa kutupatia amani ya moyoni. Andiko la Isaya 32:17 linasema hivi: ‘Kazi ya uadilifu [haki] wa kweli itakuwa amani; na utumishi wa uadilifu wa kweli utakuwa utulivu na usalama mupaka wakati usio na kipimo.’ Tunaweza kupata amani ya kweli ya moyoni kwa kumutii Yehova kwa moyo wetu wote.​—Isa. 48:18, 19.

Jambo lingine lenye kutusaidia kuwa na amani yenye kuendelea ni zawadi ya maana sana yenye Baba yetu wa mbinguni anatutolea, ni kusema, roho yake takatifu.​—Mdo. 9:31.

ROHO YA MUNGU INATUSAIDIA KUWA NA AMANI

Mutume Paulo alitaja amani kuwa sehemu ya tatu ya ‘tunda la roho.’ (Gal. 5:22, 23) Kwa sababu roho ya Mungu ndiyo inatoa amani ya kweli, tunapaswa kujiacha tuchochewe na roho hiyo ili tukuwe na amani ya kweli. Tuone basi ni katika  njia gani mbili roho ya Mungu inaweza kutusaidia kupata amani.

Kwanza, kusoma kwa ukawaida Neno la Mungu lenye liliongozwa na roho yake kunatusaidia kuwa na amani. (Zab. 1:2, 3) Wakati tunatafakari juu ya ujumbe wa Biblia, roho ya Mungu inatusaidia kuelewa mawazo ya Yehova juu ya mambo mbalimbali. Kwa mufano, tunaelewa namna anaendelea kuwa mwenye kufanya amani na sababu gani anaona amani kuwa jambo la maana sana. Wakati tunatumikisha mambo hayo yenye tunajifunza katika Neno la Mungu, tunakuwa na amani zaidi katika maisha yetu.​—Met. 3:1, 2.

Pili, tunapaswa kusali kwa Mungu ili atupatie roho yake takatifu. (Lu. 11:13) Yehova anaahidi kama ikiwa tunatafuta musaada wake, ‘amani ya Mungu yenye ubora unaozidi fikira zote itailinda mioyo yetu na nguvu zetu za akili kwa njia ya Kristo Yesu.’ (Flp. 4:6, 7) Wakati tunasali kwa ukawaida na kumuomba Yehova roho yake takatifu, Mungu wetu anatupatia amani nyingi ya moyoni, yenye anapatia tu wale wenye kuwa na urafiki wa sana pamoja naye.​—Rom. 15:13.

Namna gani watu fulani wametumia mashauri hayo ya Maandiko na kufanya mabadiliko ya lazima yenye yaliwasaidia wakuwe na amani yenye kuendelea ndani yao wenyewe, pamoja na Yehova, na pamoja na wanadamu wenzao?

NAMNA WALIPATA AMANI YENYE KUENDELEA

Katika kutaniko la Kikristo leo, kuko watu fulani wenye walikuwa ‘wenye hasira’ zamani, lakini sasa wanahangaikia wengine, wanawatendea kwa fazili, kwa uvumilivu na ni wenye kufanya amani pamoja na wengine. * (Met. 29:22) Ona namna wahubiri wawili wa Ufalme walifanya mabadiliko kama hayo wakati walisaidiwa kumaliza hasira na kuwa na amani pamoja na wengine.

Kutumikisha kanuni za Biblia na kusali ili kuomba roho ya Mungu kutatusaidia kupata amani

Tabia ya mubaya ya David iliharibu namna yake ya kusema. Mbele atoe maisha yake kwa Mungu, mara nyingi alikuwa anasema mubaya juu ya wengine na kutumia maneno makali kwa watu wa familia yake. Kisha muda fulani, David aliona kama anapaswa kufanya mabadiliko na kuwa mutu mwenye kufanya amani. Namna gani alijifunza kuwa mutu mwenye kufanya amani? Anasema hivi: “Nilianza kutumikisha kanuni za Biblia katika maisha yangu, na matokeo yalikuwa kwamba mimi na watu wa familia yangu tuliheshimiana zaidi.”

Namna Rachel alikomaa ilichochea tabia yake. Anasema hivi: “Hata sasa, ninapiganisha  hasira yangu kwa sababu nilikomalia katika familia ambamo mara nyingi kila mutu alikuwa mwenye hasira.” Ni nini ilimusaidia akuwe mwenye kufanya amani zaidi? Anajibia hivi: “Nilisali kwa ukawaida kwa Yehova na kumuomba musaada.”

David na Rachel ni mifano mbili tu yenye kuonyesha kama mutu anaweza kupata amani yenye kuwa sehemu ya tunda la roho wakati anatumikisha kanuni za Maandiko na kutegemea musaada wa roho ya Mungu. Ni wazi kwamba, hata kama tunaishi katika ulimwengu wenye chuki, tunaweza kuwa na amani ya moyoni yenye kutusaidia tupatane na watu wa familia yetu na Wakristo wenzetu. Lakini, Yehova anatuomba ‘tukuwe wenye kufanya amani na watu wote.’ (Rom. 12:18) Jambo hilo linawezekana kabisa, na tunapata faida gani wakati tunajikaza kufanya amani?

FUATIA AMANI PAMOJA NA WENGINE

Kupitia kazi yetu ya kuhubiri, tunaalika watu wafaidike na ujumbe wenye amani wenye kuzungumuzia Ufalme wa Mungu. (Isa. 9:6, 7; Mt. 24:14) Jambo la kufurahisha ni kwamba wengi wamekubali ujumbe huo. Kwa hiyo, hawasumbuliwe tena na hali ya kukosa tumaini ao kuwa na hasira sana kwa sababu ya mambo yenye wanaona yenye kufanyika mahali penye wanaishi. Lakini, sasa wako na tumaini la kweli juu ya wakati wenye kuja na wanachochewa ‘kutafuta amani, na kuifuatia.’​—Zab. 34:14.

Lakini, haiko watu wote ndio wanakubali ujumbe wetu, na wengine hawakubali mwanzoni. (Yoh. 3:19) Hata hivyo, roho ya Mungu inatusaidia kuwahubiria habari njema kwa amani na kwa heshima. Katika njia hiyo, tunafuata maagizo yenye Yesu alitoa juu ya kazi ya kuhubiri yenye kuwa katika andiko la Mathayo 10:11-13, kwenye alitoa shauri hili: ‘Munapoingia ndani ya nyumba, muwape salamu watu wa nyumba hiyo. Na ikiwa nyumba hiyo inastahili, muache amani munayoitakia ikae juu yake; lakini ikiwa haistahili, muache amani yenu irudi kwenu.’ Wakati tunatii mashauri ya Yesu, tunaweza kuondoka na amani yetu na kutumaini kama mutu huyo atasikiliza wakati wenye kuja.

Tunaendeleza pia amani wakati tunazungumuza na wakubwa wa serikali kwa njia ya heshima, kutia ndani wale wenye kupinga kazi yetu. Kwa mufano, serikali ya inchi moja ya Afrika ilichochewa na mawazo ya mubaya, na jambo hilo lilifanya serikali hiyo ikatae kutupatia ruhusa ya kujenga Majumba ya Ufalme. Kwa sababu Mashahidi walipenda kutengeneza mambo katika njia ya amani, ndugu fulani mwenye alikuwa zamani misionere katika inchi hiyo ya Afrika alipewa mugawo wa kuenda kuonana na Mujumbe Mukubwa wa inchi hiyo katika Londres, Uingereza. Aliombwa kuzungumuza na mukubwa huyo juu ya kazi yenye amani yenye Mashahidi wa Yehova wanafanya katika inchi yake. Mambo yalipitikana namna gani?

Ndugu huyo anasema hivi: “Wakati nilifika kwenye biro ya kukaribisha watu niliona namna ya kuvaa ya mwanamuke wa kukaribisha watu, na nilitambua kama alikuwa wa kabila fulani lenye nilikuwa nimejifunza luga yao. Kwa hiyo, nilimusalimia katika luga yake. Kwa sababu alishangaa, aliniuliza hivi, ‘Sababu gani unatutembelea?’ Nilimujibia kwa heshima kama ninapenda kuonana na Mujumbe Mukubwa. Aliita mukubwa huyo kwenye telefone, na mukubwa huyo alikuja kuniona na kunisalimia katika luga ya kabila yake. Kisha hapo, alinisikiliza kwa uangalifu wakati nilikuwa ninamuelezea juu ya kazi zenye amani zenye Mashahidi wanafanya.”

Mafasirio hayo yenye ndugu huyo alitoa kwa heshima yalisaidia mukubwa huyo aondoe mawazo yote ya mubaya na yenye ubaguzi yenye alikuwa nayo juu ya kazi yetu. Kisha kupita wakati fulani, serikali ya inchi hiyo ya Afrika ilitupatia ruhusa ya kujenga. Ndugu walifurahi sana kwa sababu ya matokeo hayo yenye walipatikana kwa njia ya amani! Kwa kweli, kutendea wengine kwa heshima kunaleta faida za muzuri, kutia ndani amani.

FURAHIA AMANI MILELE

Leo, watu wa Yehova wanafurahia paradiso ya kiroho yenye kujaa amani. Utasaidia amani iongezeke wakati unajikaza kukomalisha katika maisha yako sehemu hiyo ya tunda la roho. Na jambo la maana zaidi ni kwamba, Yehova atakukubali na utapata amani nyingi na yenye kuendelea katika ulimwengu mupya wa Mungu.​—2 Pet. 3:13, 14.

^ fu. 13 Sifa ya fazili itazungumuziwa katika habari yenye kufuata katika habari hizi zenye kuzungumuzia tunda la roho takatifu ya Mungu.