Ona video zinazopatikana

Ona habari zilizo ndani

Yehova Anapenda Wale Wenye ‘Kuzaa Matunda kwa Uvumilivu’

Yehova Anapenda Wale Wenye ‘Kuzaa Matunda kwa Uvumilivu’

‘Na zile zilizo kwenye udongo muzuri, hawa ndio ambao . . . wanazaa matunda kwa uvumilivu.’​—LU. 8:15.

NYIMBO: 68, 72

1, 2. (a) Sababu gani tunatiwa moyo na ndugu na dada wenye kuendelea kuhubiri katika maeneo kwenye watu wengi hawasikilize? (Ona picha kwenye mwanzo wa habari hii.) (b) Yesu alisema nini juu ya kazi ya kuhubiri katika “eneo lake la nyumbani”? (Ona maelezo ya chini.)

SERGIO NA OLINDA bibi yake, ni mapainia katika Amerika. Wote wawili wako na zaidi ya miaka 80. Hivi karibuni, imekuwa vigumu kwao kutembea kwa sababu miguu yao inauma. Lakini, kama vile wamefanya kwa miaka mingi, wanaenda saa moja kamili (7:00) ya asubui mahali kwenye watu wengi wanazoea kupatikana katika muji wao. Wanabakia karibu na mahali kwenye bisi zinazoea kusimama na kutolea vichapo vyetu watu wenye kupita hapo. Watu wengi hawawahangaikie, lakini Sergio na Olinda wanabakia kwenye nafasi zao na wanaonyesha sura ya kicheko wale wenye kuwaangalia. Wakati wa midi, wanatembea polepole ili kurudia nyumbani. Asubui yenye kufuata, saa moja kamili, wanaenda tena mahali hapo kwenye bisi zinazoea kusimama. Kila juma wanahubiri siku sita, na wanafanya hivyo kwa mwaka muzima.

 2 Kama Sergio na Olinda, kuko ndugu na dada wengi waaminifu wenye wameendelea kuhubiri katika eneo lao kwa miaka mingi, hata kama watu wengi hawasikilize. Pengine wewe pia unahubiri katika eneo kama hilo. Ikiwa ni hivyo, tunakupongeza kwa sababu unavumilia na kuendelea kuhubiri hata kama ni vigumu kufanya hivyo. * (Ona maelezo ya chini.) Mufano wako unatia moyo ndugu na dada wengi, hata wale wenye kuwa na uzoefu wa miaka mingi. Ona mambo yenye waangalizi fulani wamesema. Mumoja alisema hivi: “Wakati ninahubiri pamoja na ndugu na dada hao waaminifu, mufano wao unanitia nguvu.” Mwingine alisema hivi: “Ndugu na dada hao waaminifu wananitia moyo niendelee kuhubiri na nikuwe na bidii katika kazi hiyo.” Na mwingine alisema hivi: “Mufano wao unachangamusha moyo wangu.”

3. Tutajibia maulizo gani, na sababu gani?

3 Katika habari hii tutajibia maulizo haya tatu: Sababu gani tunaweza kuvunjika moyo wakati fulani? Kuzaa matunda maana yake nini? Ni nini itatusaidia kuendelea kuzaa matunda kwa uvumilivu? Kujua majibu ya maulizo hayo kutatutia moyo kuendelea kufanya kazi ya kuhubiri yenye Yesu alitupatia.

SABABU GANI TUNAWEZA KUVUNJIKA MOYO?

4. (a) Upinzani wa Wayahudi wengi ulimufanya Paulo ajisikie namna gani? (b) Sababu gani Paulo alijisikia hivyo?

4 Umevunjika moyo wakati fulani kwa sababu watu katika eneo lako hawapendi kusikiliza ujumbe wa Ufalme? Ikiwa ni hivyo, utaelewa namna mutume Paulo alijisikia. Alifanya kazi ya kuhubiri kwa miaka 30 hivi, na alisaidia watu wengi wakuwe Wakristo. (Mdo. 14:21; 2 Kor. 3:2, 3) Lakini, hakuweza kusaidia Wayahudi wengi wakuwe Wakristo. Wayahudi wengi walikataa kumusikiliza mutume Paulo, na hata wamoja walimutesa. (Mdo. 14:19; 17:1, 4, 5, 13) Mambo hayo yalimufanya Paulo ajisikie namna gani? Alisema hivi: “Nina huzuni kubwa na maumivu yasiyokoma [yenye hayana mwisho] moyoni mwangu.” (Rom. 9:1-3) Sababu gani alijisikia hivyo? Kwa sababu alipenda kabisa kazi ya kuhubiri na alipenda watu. Paulo alihangaikia kabisa Wayahudi na alihuzunika wakati walikataa rehema ya Mungu.

5. (a) Ni nini inatuchochea kuhubiri? (b) Sababu gani ni jambo la kawaida kuvunjika moyo wakati fulani?

5 Kama mutume Paulo, tunahubiri kwa sababu tunahangaikia watu na tunapenda kuwasaidia. (Mt. 22:39; 1 Kor. 11:1) Tumejionea sisi wenyewe kama kumutumikia Yehova ndiyo njia ya muzuri zaidi ya maisha. Na tunapenda kusaidia wengine waelewe kama wao pia wanaweza kuwa na maisha ya muzuri zaidi! Ndiyo sababu tunaendelea kuwatia moyo wajifunze kweli juu ya Yehova na makusudi yake kwa ajili ya wanadamu. Ni kama vile tunawaletea zawadi ya muzuri zaidi na kuwaomba hivi: ‘Tafazali, mukubali zawadi hii.’ Kwa hiyo, wakati wanakataa zawadi hiyo, ni jambo la kawaida kusikia maumivu katika moyo wetu kama Paulo. Tunasikia maumivu kama hayo, haiko kwa sababu hatuna imani, lakini kwa sababu tunapenda watu kabisa. Kwa hiyo, hata kama tunaweza kuvunjika moyo wakati fulani, tunaendelea kuhubiri. Tunaweza kukubaliana na Elena, mwenye amekuwa painia kwa miaka zaidi ya 25; anasema hivi: “Ninaona kama kazi ya kuhubiri haiko mwepesi. Lakini, hakuna kazi ingine yenye ninafurahia zaidi kufanya.”

KUZAA MATUNDA MAANA YAKE NINI?

6. Tutajibia ulizo gani sasa?

6 Sababu gani tunaweza kuwa hakika kama tunaweza kupata matokeo ya muzuri hata iwe  tunahubiri katika eneo gani? Ili kujibia ulizo hilo la maana, tuchunguze mifano mbili ya Yesu yenye kuzungumuzia lazima ya “kuzaa matunda.” (Mt. 13:23) Mufano wa kwanza unahusu muzabibu.

7. (a) Katika mufano wa Yesu, ni nani anafananishwa na ‘mukulima,’ ‘muzabibu,’ na “matawi”? (b) Tunapaswa kujibia ulizo gani?

7 Soma Yohana 15:1-5, 8. Katika mufano huu, Yesu alieleza kama Yehova ndiye ‘mukulima [ao, mulimaji],’ Yesu mwenyewe ndiye ‘muzabibu,’ na wanafunzi wake ndio “matawi.” * (Ona maelezo ya chini.) Kisha Yesu aliambia mitume wake hivi: ‘Baba yangu anatukuzwa katika hili, kwamba muendelee kuzaa matunda mengi na kujionyesha kuwa wanafunzi wangu.’ Kwa hiyo, kuzaa matunda maana yake nini? Katika mufano huo Yesu haseme waziwazi matunda hayo ni nini, lakini alisema jambo fulani lenye linatusaidia kupata jibu la ulizo hilo.

8. (a) Katika mufano wa Yesu, sababu gani “kuzaa matunda” hakumaanishe kufanya wanafunzi wapya? (b) Yehova hawezi kutuomba tufanye nini?

8 Yesu alisema hivi juu ya Baba yake: Kila tawi ndani yangu lisilozaa matunda yeye analiondolea mbali.’ Ni kusema, tunaweza kuwa watumishi wa Yehova ikiwa tu tunazaa matunda. (Mt. 13:23; 21:43) Kwa hiyo, katika mufano huu, kuzaa matunda hakuwezi kumaanisha kufanya wanafunzi wapya. (Mt. 28:19) Ikiwa kuzaa matunda kungemaanisha kufanya wanafunzi wapya, Mashahidi waaminifu wenye hawajasaidia mutu fulani kuwa mwanafunzi wa Yesu wangekuwa kama matawi yenye haizae matunda. Lakini hiyo haiwezi kuwa kweli! Sababu gani? Kwa sababu hatuwezi kukaza watu wakuwe wanafunzi. Yehova ni Mungu mwenye upendo. Hawezi kutuomba jambo fulani lenye hatuna uwezo wa kufanya. Anatuomba tu mambo yenye tunaweza kufanya.​—Kum. 30:11-14.

9. (a) Namna gani tunazaa matunda? (b) Tutazungumuzia mufano gani mwingine?

9 Sasa, kuzaa matunda maana yake nini? Linapaswa kuwa jambo lenye sisi wote tunaweza kufanya. Ni kazi gani yenye Yehova amepatia watumishi wake wote? Ni kazi ya kuhubiri habari njema ya Ufalme wa Mungu. * (Ona maelezo ya chini.) (Mt. 24:14) Mufano wa Yesu wa mupandaji unaeleza wazi jambo hilo. Tuzungumuzie basi mufano huo.

10. (a) Katika mufano wa Yesu, mbegu ni nini na udongo ni nini? (b) Mimea ya ngano inazaa nini?

10 Soma Luka 8:5-8, 11-15. Katika mufano wa mupandaji, Yesu alieleza kama mbegu ni “neno la Mungu,” ao ujumbe juu ya Ufalme wa Mungu. Udongo ni moyo wa mutu. Mbegu yenye ilianguka katika udongo muzuri iliota mizizi, ilichipuka, na kuwa mumea. Kisha, mumea huo ‘ulizaa matunda mara mia.’ Ikiwa mumea huo ulikuwa ngano, ungezaa matunda ya aina gani? Ungezaa mimea midogo-midogo ya ngano? Hapana, ungezaa mbegu, na mbegu hizo zingefikia kukomaa na kuwa mimea ya ngano. Katika mufano huo, mbegu moja ilizaa mbegu 100. Hilo linatufundisha nini juu ya kazi yetu ya kuhubiri?

Namna gani ‘tunazaa matunda kwa uvumilivu’? (Picha hizi zinapatana na fungu la 11)

11. (a) Mufano wa mupandaji unatufundisha nini juu ya kazi yetu ya kuhubiri? (b) Namna gani tunazaa mbegu ya mupya?

11 Wakati wazazi wetu Wakristo ao Mashahidi wengine walitufundisha kwa mara ya kwanza juu ya Ufalme wa Mungu, ilikuwa kama vile wanapanda mbegu katika udongo muzuri. Walifurahi sana wakati waliona namna tunakubali ujumbe huo. Mbegu hiyo iliendelea kukomaa mupaka ikakuwa tayari kuzaa matunda.  Na kama vile mumea wa ngano wenye tulizungumuzia hapo juu hauzae mimea ya mupya, lakini mbegu ya mupya, hatuzae wanafunzi wapya, lakini mbegu ya mupya. * (Ona maelezo ya chini.) Namna gani tunafanya hivyo? Kila wakati tunazungumuza na wengine juu ya Ufalme wa Mungu, ni kama vile tunazidisha na kusambaza mbegu yenye ilipandwa katika moyo wetu. (Lu. 6:45; 8:1) Kwa hiyo, kadiri tunaendelea kuhubiri ujumbe juu ya Ufalme wa Mungu, ‘tunazaa matunda kwa uvumilivu.’

12. (a) Mufano wa Yesu wa muzabibu na wa mupandaji unatufundisha mambo gani? (b) Mambo hayo yanakufanya ujisikie namna gani?

12 Mufano wa Yesu wa muzabibu na wa mupandaji unatufundisha nini? Tunajifunza kama ‘kuzaa matunda’ hakutegemee ikiwa watu wanasikiliza ujumbe wetu ao hapana. Kunategemea kuendelea kufanya kazi ya kuhubiri. Paulo alisema jambo lenye kufanana na hilo wakati alieleza hivi: ‘Kila mutu atapokea sawabu [ao, malipo] yake mwenyewe kulingana na kazi yake mwenyewe.’ (1 Kor. 3:8) Yehova atatulipa kwa ajili ya kazi yetu, haiko kwa ajili ya matokeo ya kazi yetu. Matilda, mwenye amekuwa painia kwa miaka 20, anasema hivi: “Ninafurahi kujua kama Yehova atatulipa kwa ajili ya bidii yetu.”

NAMNA GANI TUNAWEZA KUVUMILIA KATIKA KUZAA MATUNDA?

13, 14. Kulingana na andiko la Waroma 10:1, 2, sababu gani Paulo hakuacha hata kidogo kuhubiri?

13 Ni nini inaweza kutusaidia ‘kuzaa matunda kwa uvumilivu’? Tuchunguze zaidi mufano wa mutume Paulo. Tunajua kama Paulo alivunjika moyo kwa sababu Wayahudi walikataa ujumbe wa Ufalme. Lakini, Paulo hakuacha hata kidogo kuwahubiria. Alieleza namna alijisikia juu ya Wayahudi hao wakati alisema hivi: “Nia njema ya moyo wangu na dua yangu kwa Mungu [ao, sala ya kumulilia Mungu] kwa ajili yao, kwa kweli, ni kwa ajili ya wokovu wao. Kwa maana ninawatolea ushahidi kwamba wana bidii kwa ajili ya Mungu; lakini si kulingana na ujuzi sahihi [ao, wa kweli].” (Rom. 10:1, 2) Kwa hiyo, sababu gani Paulo aliendelea kuhubiri?

 14 Kwanza, Paulo alisema kama alichochewa kuhubiria Wayahudi kwa sababu ya ‘nia njema ya moyo wake.’ Alipenda kabisa waokolewe. (Rom. 11:13, 14) Pili, alizungumuzia ‘dua yake kwa Mungu kwa ajili yao.’ Paulo alimuomba Yehova asaidie Wayahudi wakiwa mumoja-mumoja wakubali ujumbe wa Ufalme. Tatu, Paulo alisema hivi: ‘Wako na bidii kwa ajili ya Mungu.’ Paulo aliona nia ya muzuri yenye watu walikuwa nayo na aliona kuwa wanaweza kufikia kumutumikia Yehova. Alijua kama Wayahudi hao wenye walikuwa na bidii wangeweza kuwa wanafunzi wenye bidii wa Kristo kama yeye.

15. Namna gani tunaweza kumuiga Paulo? Toa mifano.

15 Namna gani tunaweza kumuiga Paulo? Kwanza, tunapaswa kupenda kabisa kutafuta wale wenye kuwa ‘na muelekeo unaofaa kwa ajili ya uzima wa milele.’ Pili, tunamuomba Yehova asaidie wale wenye kuwa na moyo muzuri wasikilize wakati tunawahubiria. (Mdo. 13:48; 16:14) Dada Silvana, mwenye amekuwa painia kwa miaka karibu 30, amefanya hivyo. Anasema hivi, “Mbele ya kuhubiri nyumba fulani katika eneo langu, ninasali kwa Yehova, na kumuomba anisaidie nikuwe na mawazo yenye kufaa.” Tunasali pia ili malaika watusaidia kupata watu wenye kuwa tayari kusikiliza. (Mt. 10:11-13; Ufu. 14:6) Robert, mwenye amekuwa painia kwa zaidi ya miaka 30, anasema hivi: “Kutumika pamoja na malaika wenye kujua mambo yenye kufanyika katika maisha ya watu wenye tunahubiria ni jambo lenye kufurahisha sana.” Tatu, tunajikaza kuona nia ya muzuri yenye watu wako nayo na kwamba wanaweza kufikia kumutumikia Yehova. Carl, muzee wa kutaniko mwenye alibatizwa kumepita zaidi ya miaka 50, anasema hivi: “Ninatafuta alama yoyote yenye kuonyesha kama mutu iko na moyo muzuri, pengine anaonyesha sura ya kicheko, ni mupole, ao anauliza ulizo kwa moyo wote.” Ikiwa tunafanya mambo hayo, tunaweza ‘kuzaa matunda kwa uvumilivu’ kama mutume Paulo.

‘USIACHE MUKONO WAKO UPUMUZIKE’

16, 17. (a) Andiko la Mhubiri 11:6 linatufundisha jambo gani? (b) Namna gani kazi yetu ya kuhubiri inaweza kuwa na matokeo juu ya wale wenye kutuangalia?

16 Hatupaswe kusahau hata kidogo kama kazi yetu ya kuhubiri inaweza kugusa sana watu, hata ikiwa inaonekana kama hakuna mutu mwenye kutusikiliza. (Soma Mhubiri 11:6.) Watu wanatuangalia. Wanaona namna tunavaa muzuri na kama tuko na adabu na wenye kufanya urafiki. Hilo linaweza kuwagusa, na kisha wakati fulani, hata wale wenye walikuwa na mawazo ya mubaya juu yetu wanaweza kuanza kuwa na mawazo ya muzuri juu yetu. Sergio na Olinda walijionea ukweli wa jambo hilo.

17 Sergio anasema hivi: “Kwa sababu ya magonjwa, kwa wakati fulani hatukuenda mahali hapo kwenye watu wanazoea kupatikana. Wakati tulirudia tena hapo, wapita njia walituuliza hivi, ‘Muliendaka wapi? Tuliwakumbuka sana.’” Olinda anaongezea hivi kwa sura ya kicheko: “Watu wenye kutembeza bisi walikuwa wanatupepea na wamoja walikuwa wanatulalamikia hivi wakiwa kwenye viti vyao, ‘Kazi njema!’ Walituomba hata magazeti.” Sergio na Olinda walishangaa wakati mwanaume mumoja alikuja kwenye chombo chao cha kuwekea vichapo, akawapatia maua, na kuwashukuru kwa ajili ya kazi yenye wanafanya.

18. Sababu gani umeazimia ‘kuzaa matunda kwa uvumilivu’?

18 Kama hauache ‘mukono wako upumuzike’ lakini unaendelea kuambia watu juu ya Ufalme wa Mungu, unatimiza sehemu ya maana katika kutoa “ushahidi kwa mataifa yote.” (Mt. 24:14) Na jambo la maana zaidi, unaweza kuwa na furaha kubwa kwa sababu unajua kama unamufurahisha Yehova. Anapenda wale wote wenye ‘kuzaa matunda kwa uvumilivu’!

^ fu. 2 Hata Yesu alisema kama ilikuwa vigumu kuhubiri katika “eneo lake la nyumbani.” Mawazo hayo yanapatikana katika Injili zote ine zenye kuzungumuzia kazi yake ya kuhubiri.​—Mt. 13:57; Mk. 6:4; Lu. 4:24; Yoh. 4:44.

^ fu. 7 Hata kama katika mufano huo matawi yanafananisha Wakristo wenye wataenda mbinguni, mufano huo unaweza kufundisha watumishi wote wa Mungu mambo fulani.

^ fu. 9 Maneno “kuzaa matunda” yanaweza kumaanisha pia kuonyesha ‘tunda ya roho.’ Lakini, habari hii na ile yenye kufuata zinazungumuzia sana juu ya “tunda la midomo” yetu ao kuhubiria watu juu ya Ufalme wa Mungu.​—Gal. 5:22, 23; Ebr. 13:15.

^ fu. 11 Wakati mwingine, Yesu alitumia mifano ya kupanda na kuvuna ili kuzungumuzia kazi ya kufanya wanafunzi.​—Mt. 9:37; Yoh. 4:35-38.