Ona video zinazopatikana

Ona habari zilizo ndani

Usiangalie Tu Sura ya Mutu!

Usiangalie Tu Sura ya Mutu!

DON, Shahidi mumoja wa Yehova katika Kanada, anajikaza sana ili kuhubiria watu wenye kuishi katika mabarabara. Kuhusu mutu mumoja mwenye kuishi katika barabara, Don anasema hivi: “Mwanaume mumoja mwenye kuitwa Peter mwenye hakukuwa na makao, alikuwa mutu muchafu zaidi kati ya wote wenye kuishi katika mabarabara wenye nimekwisha kuona. Alifanana mubaya sana na alikuwa na ufundi wa kuzuia watu wasimukaribie. Mara kwa mara alikataa musaada wowote wenye watu walijaribu kumupatia.” Lakini tena na tena kwa zaidi ya miaka 14, Don alijikaza kwa uvumilivu kutendea kwa wema mwanaume huyo mwenye hakukuwa na makao.

Siku moja, Peter aliuliza Don hivi: “Sababu gani unajisumbua juu yangu? Kila mutu ananiachaka. Sababu gani unanihangaikia?” Don alitumia maandiko tatu kwa ufundi ili kugusa moyo wa Peter. Kwanza, aliuliza Peter ikiwa anajua kama Mungu iko na jina la pekee na kisha akamuomba asome jina hilo katika Biblia kwenye Zaburi 83:18. Kisha, ili kuonyesha sababu gani anamuhangaikia, Don alimuomba Peter asome Waroma 10:13, 14, yenye inasema kama ‘kila mutu anayeliitia jina la Yehova ataokolewa.’ Mwishowe, Don alisoma Mathayo 9:36 na kisha akamuomba Peter ajisomee andiko hilo. Andiko hilo linasema hivi: ‘Alipouona umati [Yesu] akawasikitikia [akawasikilia huruma], kwa sababu walikuwa wamechunwa ngozi na kutupwa huku na huku kama kondoo wasio na muchungaji.’ Kisha kusoma andiko hilo, Peter aliuliza hivi akiwa na machozi katika macho yake: “Niko kati ya kondoo hao?”

Peter alianza kubadilika. Alianza kunawa, kukata ndevu zake muzuri, na kuvaa manguo ya muzuri yenye Don alimupatia. Peter aliendelea kuwa safi.

Peter alikuwa na buku moja kwenye alizoea kuandika mambo yake. Sehemu za kwanza za kitabu hicho zilikuwa na maneno yenye huzuni na yenye kukosa tumaini, lakini mambo yenye alikuwa ameandika hivi karibuni yalikuwa tofauti. Aliandika hivi nafasi fulani: “Leo nimejifunza jina la Mungu. Sasa wakati ninasali ninaweza kusali kwa Yehova. Inafurahisha sana kujua jina lake. Don anasema kama Yehova anaweza  kuwa Rafiki yangu, ni mutu mwenye anaweza kunisikiliza wakati wowote na mambo yoyote yenye ninamuambia.”

Maneno ya mwisho yenye Peter aliandika, aliyaandikia ndugu zake. Aliandika hivi:

“Sijisikie muzuri leo. Ninaona kuwa miaka yangu imefikia mwisho. Lakini hata kama hii ndiyo siku yangu ya mwisho, ninajua kama nitamuona tena rafiki yangu [Don] katika Paradiso. Ikiwa muko munasoma maneno haya, ni kusema, siko tena. Lakini ikiwa kwenye maziko yangu munaona mwanaume mwenye hafanane kuwa anapaswa kuwa hapo, muzungumuze naye, na tafazali musome kitabu hiki kidogo cha rangi ya bleu [alikuwa anazungumuzia kitabu cha kusaidia kujifunza Biblia, “Kweli Iongozayo Kwenye Uzima wa Milele” chenye alikuwa amepewa miaka fulani yenye ilipita]. * Kinasema kama nitamuona tena rafiki yangu katika Paradiso. Ninaamini jambo hilo kwa moyo wangu wote. Ndugu yenu mupendwa, Peter.”

Kisha maziko, Ummi, dada ya Peter alisema hivi: “Miaka mbili hivi yenye ilipita, Peter alinitafuta ili tuonane. Kwa mara ya kwanza kisha miaka mingi, alionekana kuwa mwenye furaha. Na hata alicheka.” Aliambia Don hivi: “Nitasoma kitabu hicho kwa sababu jambo lolote lenye liliweza kugusa moyo wa ndugu yangu linapaswa kuwa jambo la pekee.” Ummi alikubali pia kujifunza pamoja na Shahidi mumoja wa Yehova kitabu cha hivi karibuni Biblia Inafundisha Kabisa Nini?

Sisi pia tusiangalie tu sura ya mutu, tuonyeshe upendo wa kweli, na tuonyeshe uvumilivu watu wa namna zote. (1 Tim. 2:3, 4) Ikiwa tunafanya hivyo, tunaweza kuchochea watu wenye kuwa kama Peter, wenye wanadamu wanaweza kuona kuwa ni wenye kuzarauliwa lakini wenye kuwa na moyo muzuri. Tunaweza kuwa hakika kama Mungu mwenye ‘anaona jinsi moyo ulivyo,’ atafanya kweli ikomae katika mioyo ya wale wenye kupenda kumujua.​—1 Sam. 16:7; Yoh. 6:44.

^ fu. 7 Kilichapishwa na Mashahidi wa Yehova lakini sasa hakichapishwe tena.