Ona video zinazopatikana

Ona habari zilizo ndani

 KICHWA

Kufanikiwa ya Kweli Maana Yake Nini?

Kufanikiwa ya Kweli Maana Yake Nini?

KUFANIKIWA ya kweli maana yake nini?Kufanikiwa ya uongo ni jambo mbaya sana kuliko kutofanikiwa. Ni hivyo kwa sababu wakati unashindwa kufanya jambo fulani, unaweza kuona sababu gani haukuweza. Jambo la maana zaidi, unaweza kujifunza kutokana na makosa yako na kuamua kutoyarudilia tena.

Kufanikiwa ya uongo haiko hivyo. Unapokuwa katika hali hiyo, unaweza kufikiri kama umepata faida fulani lakini kwa kweli unajidanganya. Wakati utaona kwamba inafaa kubadilisha mambo fulani, pengine utakuwa umechelewa sana.

Fikiria mufano mumoja. Siku moja, Yesu Kristo aliuliza hivi: ‘Mutu atapata faida gani akiupata ulimwengu wote lakini apoteze nafsi [uzima] yake?’ (Mathayo 16:26) Wazo hilo linaweza kutumiwa kuhusu wale wanaotafuta sana feza na vyote ambavyo feza inaweza kununua; hiyo ni kufanikiwa ya uongo. Mushauri wa mambo ya kazi, Tom Denham aliandika hivi: “Kufikiria tu mambo kama vile kupandishwa cheo kwenye kazi, kupata feza nyingi ao kupata vitu vingi, hakumuletee mutu furaha. Kufikiri tu kama kuwa na feza nyingi ndio kufanikiwa ni kukosa akili na mwishowe kunakosesha furaha.”

Kwa kweli, watu wengi wanakubali jambo hilo. Katika uchunguzi mumoja uliofanywa katika Amerika, “kuwa na feza kulichukua nafasi ya 20 kati ya mambo 22 yanayofanya watu wafanikiwe katika maisha.” Mambo yaliyokuwa kwenye nafasi za kwanza-kwanza yalikuwa afya nzuri, uhusiano muzuri na watu, na kazi ambayo mutu anapenda.

Ni wazi kwamba watu wengi wanaweza kuonyesha tofauti kati ya kufanikiwa ya kweli na ya uongo, ikiwa tu wanaulizwa. Lakini, haiko rahisi kufanya maamuzi yanayoonyesha kama tuko na mawazo mazuri juu ya kufanikiwa.