Shirika la Afya Ulimwenguni limesema kwamba kuvuta moshi unaotokana na mafuta ya motokari ao ya mashini zingine “kunasababisha hatari ya kuongezeka kwa magonjwa ya kansere ya mapafu” na inawezekana kunasababisha pia kansere ya mufuko wa mukojo ndani ya mwili.

Unga-unga wa maua na chembe zinazotokana na viumbe wadogo sana ao bakteria, vilivyogunduliwa ndani ya uchafu chini ya bahari, vinaonyesha kwamba wakati fulani katika eneo la Antarktiki kulikuwa na miti ya mingazi na pori ao misitu iliyo kama ya Kitropiki. Wakati wa kipindi cha hali mbaya ya hewa kinachoitwa “Eocene,” majira ya baridi hayakuwa kali na “zaidi sana hayakuwa na teluji” na hali ya joto kwenye sehemu za mwisho za dunia haikuwa tofauti kabisa na hali ya joto kwenye mustari wa ikweta.

Ripoti iliyotolewa katika mwaka wa 2012 na Shirika la Mapadiri wa Kikatoliki wa Inchi ya Irlande inaonyesha kwamba Wakatoliki 87 juu ya 100 walioulizwa katika inchi hiyo wanaamini kwamba mapadiri wanapaswa kuruhusiwa kuoa; na 77 juu ya 100 wanaamini kwamba wanawake wanapaswa kuruhusiwa kuwa mapadiri.

Uchunguzi wa vidonge ao dawa za kuzuia malaria unaonyesha kwamba katika maeneo fulani mara nyingi dawa hizo zilikuwa za uongo, na hivyo hazikuwa zenye kufaa kuwaponya watu. Katika inchi za Kusini-Mashariki mwa Asia, kati ya dawa 100 zilizochunguzwa, dawa 36 zilionekana kuwa za uongo, na kati ya dawa 100 zilizochunguzwa katika inchi za Afrika zilizo chini ya Sahara, dawa 20 kati ya dawa hizo zilionekana kuwa za uongo.

Katikati ya Mwezi wa 4, 2012, viongozi wa serikali walitangaza siku ya kwanza ambayo ilipita bila mutu kuuawa katika kipindi cha karibu miaka mitatu. Kwa sababu inchi hiyo inakumbwa na jeuri inayotokana na dawa za kulewesha, watu 69 juu ya 100 000 katika inchi hiyo waliuawa katika mwaka wa 2011, hiyo ni moja kati ya hesabu kubwa zaidi za mauaji katika dunia yote.