Ona video zinazopatikana

Ona habari zilizo ndani

 HABARI FULANI ZA ULIMWENGU

Habari Kutoka Amerika

Habari Kutoka Amerika

Habari kutoka Amerika zinaonyesha kwamba hekima ya Biblia ni ya kweli sikuzote.

Utapunguza Mahangaiko Kama Unapunguza Kusoma Kila Ujumbe Unapokea?

Kulingana na uchunguzi wenye ulifanywa katika muji wa Vancouver, Kanada, watu wanaweza kuwa na mahangaiko kidogo kama, kuliko kusoma ujumbe kila mara wakati wanaupokea, wanasoma mara tatu tu kwa siku ujumbe wote wenye wanapokea. Kostadin Kushlev, mwenye aliongoza uchunguzi huo, alifikia kusema hivi: “Watu wanaona kama ni vigumu sana kuepuka jaribu la kusoma ujumbe wenye wanapokea, lakini kuepuka jaribu hilo kunapunguza mahangaiko yao.”

FIKIRIA JAMBO HILI: Kwa sababu tunaishi katika “nyakati za hatari zilizo ngumu kushughulika nazo,” hauone kama ni muzuri tutafute njia za kupunguza mahangaiko?—2 Timotheo 3:1.

Wanaongezeka Tena Hata Kama Walikuwa Wamebakia Wadogo

Ripoti moja yenye shirika la kulinda wanyama wa pori lenye kuitwa Wildlife Conservation Society (WCS) lilipokea, inasema hivi: “Kumekuwa ongezeko kuhusu hesabu ya kombe, kamba-miti na samaki katika eneo lenye kulindwa na serikali” katika inchi ya Belize na katika maeneo mengine ya Visiwa vya Karibea. Inasema tena hivi: “Ili viumbe wakuwe wengi katika maeneo yenye kulindwa na serikali inaomba miaka kuanzia 1 mupaka 6, lakini ili wakuwe wengi kabisa kama zamani . . . inaweza kukamata miaka mingi.” Janet Gibson, musimamizi wa programu ya shirika hilo, anasema hivi juu ya inchi ya Belize: “Ni wazi kwamba kuwa na maeneo yenye kulindwa na serikali katika inchi kunaweza kusaidia samaki na viumbe wengine wakuwe wengi tena.”

FIKIRIA JAMBO HILI: Viumbe wanaweza kuongezeka wao wenyewe hata kama walikuwa wamebakia wadogo. Hauone kama jambo hilo linaonyesha kwamba kuko Muumbaji mwenye hekima?—Zaburi 104:24, 25.

Jeuri Katika Inchi Ya Brazili

Ripoti ya biro ya kutangaza habari yenye kuitwa Agência Brasil inaonyesha kama jeuri inaendelea kuongezeka katika inchi ya Brazili. Katika mwaka wa 2012, hesabu ya watu wenye waliuawa ilipita 56000; hiyo ni hesabu kubwa sana ya mwaka yenye imeripotiwa na Wizara (Ministère) ya Afya. Luís Sapori, mutu mwenye elimu ya mambo ya usalama, anaamini kwamba hesabu hiyo inaonyesha kama mwenendo wa watu wengi umeharibika sana. Alisema, wakati watu hawaheshimie tena sheria za inchi, “wanaanza kutumia nguvu kwa ajili ya faida yao.”

ULIJUA? Biblia ilizungumuzia tangu zamani wakati wenye upendo wa watu ‘ungepoa’ na uasi-sheria kuongezeka.—Mathayo 24:3, 12.