Ona video zinazopatikana

Ona habari zilizo ndani

 KITU HIKI KILIJIFANYA CHENYEWE?

Rangi ya Bluu Yenye Kuangara ya Beri ya Pollia

Rangi ya Bluu Yenye Kuangara ya Beri ya Pollia

TUNDA ndogo la beri la mumea wa Pollia condensata, ambao unapatikana katika Afrika, linatokeza rangi ya bluu yenye kuangara kuliko rangi zote za bluu zenye zimekwisha kuonwa katika mumea. Lakini, beri haina kemikali yenye kuipatia rangi ya bluu. Ni nini inafanya beri itokeze rangi hiyo yenye kupendeza?

Fikiria jambo hili: Kuta za chembe katika ngozi ya beri ziko na nyuzi ndogo-ndogo sana zenye kupangwa kama mistari ya viberiti (allumettes). Nyuzi hizo zinafanyiza matabaka (couches), na kila tabaka linaanzia pembeni kidogo ya tabaka lenye kuwa chini, ili matabaka zenye kutokea zifanyize umbo la kujipinda-pinda. Nyuzi zenyewe hazina rangi ya bluu. Rangi inatokana na namna nyuzi zinapangana. Ni mupangilio huo ndio unatokeza rangi ya beri yenye kuangara na yenye kubadilika-badilika, hapana kemikali yenye kutokeza rangi. Chembe nyingi zinaonekana kuwa bluu. Kama unaziangalia kwa pande tofauti-tofauti, chembe fulani zinatokeza rangi ya kijani, waridi (rose), ao manjano (jaune) kwa sababu ya mabadiliko yenye hayaonekane wazi katika matabaka. Zaidi ya hilo, kama zinachunguzwa kwa uangalifu, rangi hizo haziko laini na sawasawa, lakini zinaonekana kama zenye kutiwa rangi, kama vile kwenye écran ya ordinatere.

Kwa kuwa beri za Pollia hazina kemikali ya kuzipatia rangi, hazipoteze rangi hata kisha kuanguka kutoka kwenye mumea. Kwa kweli, beri fulani zenye zilikusanywa kumepita zaidi ya miaka mia moja zingali zenye kuangara sawa na zenye kuwa mubichi! Kulingana na wanasayansi, hata kama beri haiko na munofu wenye unaweza kuliwa, ikiwa mbegu tu, inatuma mwangaza wenye kuvutia ndege wenye kuwa karibu.

Wanasayansi wanaamini kwamba wanaweza kuiga rangi ya beri ya Pollia yenye haitokezwe na kemikali fulani ili kutengeneza vifaa vingi, kuanzia rangi yenye haziwezi kufifia mupaka karatasi zenye haziwezi kuigwa.

Unawaza namna gani? Rangi ya bluu yenye kuangara ya beri ya Pollia ilijitokeza yenyewe? Ao iliumbwa?